العشق السرمدي

الجزء 124

🍒 الفصل الأول: بدونك لا اهوى الوجود

مراد دار شاف ف سحر : سحر ، نتي غادي تكلفي بالسلعة حيت شركتك هي لي كتصدرها ، من بعد ما يصمم عصام هيكلة المجموعة نتي غادي تدرسي التصميم و تحسبي الكمية من كل حاجة غادي تحتاج و توفريه ، مانبغيش شي غلط والسلعة تكون أحسن حاجة من ناحية الجودة مانبغيوش نتحشمو مع سي سيفاك

سحر وماتلو براسها : مايكون غير الخير مسيو مراد ، أحسن سلعة غادي تدفع نالخدمة

هو دار شاف فعصام و سلمان فدقة : نتوما خدمتكم معروفة ، عصام غادي تتكلف بالتصميم الخارجي للشركة و توقف عليها حتى تتبنى آجورة فوق آجورة , وبالنسبة ليك أ يوسف غادي تتكلف بالتصميم الداخلي ليها ، سوا من أجهزة ولا أي حاجة معلقة بالمشفى

يوسف : إن شاء الله

مراد :ف جميع المراحل من لي يتصمم حتى يتفتح ، غادي تكونو بتلاتة  عصام و سحر و يوسف واقفين على الشغل كلو و على العاملين من مصممين ل بناية ، و سلمان معاكم أي حاجة حتاجيتوها غادي يعاونكم فيها ...(كلشي و مالو راسو بفهم) إذن الإجتماع سالا بالنسبة لينا ، نخليكم بربعة تزيدو ترتبو أموركم بالنسبة للخدمة

دازت ساعة على أبطالنا بربعة فوسط قاعة الإجتماعات ، اتافقو على التفاصيل و أنهم غادي يبداو الخدمة هاذ الايام حيت المشروع كبير ، سحر مركزة فخدمتها كاتحاول ما تشغلش بالها بيه و مع ذلك ملي كيدوي كتسهى فصوتو الرجولي لي فيه بحة مميزة كانت كتحماق عليها ف ياماتهااا ، بالزربة كاتدارك الموقف و ترجع لجديتها د الخدمة ،يوسف كل عقلو و تخميمو مع الشنيويلة لي خلاها فالداار هابطة للسبا أما سلمان ف هاداك ما فبالو والو من غير الخدمة و لكن باقي يجيو الأيااام لي يطيرلو عقلو مع حبيبتو المجهولة!
سالاو إجتماعهم ملي وصل وقت الغذااا كل واحد هز الأوراق ديالو و توجهووو خارجين سابقهم عصااام لي مشى بالزربة بلا ما يتكلم

يوسف : واش راجعين نالقصر تتغدااو؟

سلمان : لا أنا داير مع واحد صاحبي غادي نتغداو مجموعين

يوسف و مالو : ونتي أسحر

سحر. كانت ساهية سمعات سميتهااا عاد دارت : آ معايا؟

يوسف : آااه قلتلك واش غادية للقصر تغداي؟

سحر : أممم لالا أنا غادي نتغدى غير هنا فمطعم الشركة ، باقي عندي بزااف دالخدمة متعلقة بالحسابات

سلمااان : ونتاااا

يوسف بتاااسم:أناااا الداااار ياخويا را خدام معاكم غير بزز

سحر: ههههه قولي قلبك معلق فالداار
يوسف ضحك :غير معلق و سكتي

سلماان شاف فيه مطلع حجبانو : ما بقينا عاارفين شكون لي معلقالك قلبك دابا

يوسف مبتاسم : دابا تعرف

خرجو  يوسف و سلمان مشااو أما سحر فتوجهاات للمطعم د الشركة تتغدى ، دخلات طلباات غداهااا وجلسات فواحد لاطابل جنب حالة البيسي و كاتراجع شي تقارير على ما يجيبوهليها ، مع جابلهاا السرباي الطبق ديالها علات راسها و هي تشوف عصام داخل للمطعم حتى هو هاز البيسي فيد و شي وراق فيد أخرى ، طلب و بقا منزل راسو على ديك الورااق ،
هي منزلة راسها كاتاكل و كاتحاول ماتشووفش ولكن مرة مرة عينها كتغلب عليها ماعرفتش واش حاسين بهاذ الإحساس لي كتكونو كتحاربو مع راسكم متشوفوش شي حاجة و ماتفكروش فيها و لكن مجهودك كيكون ضعيف مقارنة برغبتك فيها ، هاكدا سحر عيات كتحاااول تنساه بحالا ماكاينش ولا بحال أي واحد آخر ولكن عينيها حالفين حتى يرويو نضرهم ب شوفتو ، ب شوفة حب قلبها لي مستوطن كيانها هادي أعوام و أعوام ، بالشخص لي ما عرفات واش تكرهوا ولا تبقى تبغيه ، بهاداك لي عيشها لفوووووق بين السحاب شوية طلق منها حتى تردخاات ب قوة بين يدين واقعها الكئيب ،

باقا كتشوف فيه بنص عين حتى علات حواجبهااا مستغربة ملي شافت السرباي جايبلييه طبق د السلمون ، هي حكت على راسها ما فاهمة والو ، عقل كيقوليهاا نوض أسحر شوف شنو واقع و عقل كيقول تبتي للأرض ماتدليش راسك ولكن واخا هاكاك قلبها مقبوض عليها و كل مرة تشوف فيه حاضيالو الدغمة ، هو كلا الدغمة لولااا شافت ماوقعليه والو بدات كترتااح و هبطت راسها كتاكل قالت يمكن كاينين شي تطورات هي ماعارفاهمش ، باقات هاكاك حتى سمعات صوت شي واحد كيكح بجهد ، علات راسها بالزربة و هو يبانليها شاد بيديه بجوج على عنقو و كيكحب بجهد ، قفزااات مشات عندو كتجري حتى نزلات على ركابيها عندو شادالو فوجهو

سحر بهلع وخوف : عصااام مااالك شنو وقعلك