العشق السرمدي

الجزء 116

🍒 الفصل الأول: بدونك لا اهوى الوجود

عصام : غادي نعطيك الفرصة أنك نتي تهجمي لولا باش متتهانيش بشي ضربة من الأول

سحر : ماتيقش فراسك بزااف ...

رجعات باللور 3 دالخطوات و تقدمات بالزربة تعلات فالهوى باش تضرب برجليها ، عصام خوالها بحركة سلسة شي لي كان غيخليها تفقد توازنها و لكن شدات راسها باش متطيحش و دارت عندو بالزربة شادة يديها بجوج جهة وجهها ، تقدم عصام و وجه لكمة و لكن سحر هبطات راسها للور فأخر لحضة حتى دازت يدو فوق من عينيها ،غفلاتو ووجهات لكمة لجهة كرشو حتى زواتو ، عصام سخط مكانش باغي يخدم معاها القوة حيت معتابرها بنت و لكن بهاذ الحركة جعلاتو يعتبرها مجرد خصم ليه

عصام : إذا جنيتي على راسك

سحر : من الأول قلتلك ماتيقش فراسك بزاف

تقدم عصام كيوجه كم من اللكمات لي كتخويلهم و هي ما بين مدافعة و مهاجمة ؛ خوات لواحد الضربة تكورات فالارض و ناضت من وراه باغا تردهالو و لكن هو كان أسرع منها وجهلها واحد اللكمة جيهة فمها حتى كان غادي يهرسلها سنانها إذا كانت ملابساش الحماية ليهم ، سحر وقفات كتسطنع القوة واخا هي كتحس بالفك ديالها غادي يطير من بلاصتو ماكرهاتش تبكي، دفلات ريقها لي كلو دم و شافت فيه واحد الشوفة حاقدة زأرات بأعلى صوتها و توجهات ليه بخطوات كلها حقد بدات كتوجاهلو مجموعة من اللكمات وهو جامع يديه جيهة و جهو باش ماتجيش فيه شي دقة ،وقفات كتتنفس مع هو زول يديه يشوف فين هي حتى كيتفاجى بضربة ثلاثية الأبعاااد جاتو وسط وجهو جهة نيفو و عينيه حتى حس بالدنيا كتدور به ، ماتيقش  بلي هاذ الضربة جاية من هاذ البنت لي حداه لي هو الضعف ديالها كهيأة مارضاش بمرة ،

سحر نطقات تحت سنانها بصوت باين عليه مغلغل : ماتخايلش شحاال كنكرهك أعصااااام كنكرهك

عصام : واخا تعياااي تكرهي متوصليش نالحقد لي حاقد عليك ،  فالأول كنت كنقول بيني و بين راسي يمكن معنديش سبب لي يخليني نكرهك و كنقول يمكن غير ماعنديش معاك و لكن دابا مأكد بلي راك مجرد واحد القح*بة لي موسخة إسم العائلة

سحر غير سمعات ديك قح*بة مقدرتش تصبر ملي جات و هي كتسمع للتجريح وكلمات معندها علاقة بيهم و مكيشرفوهاااش و لكن كتحاول تتغاضى عليهم و لكن برودها مفادها بوالو من غير أنه كيجعلها تحس بحال شي موس كيختارقلها قلبها و هي ساكتة . تقدمت عندو علات رجلها بغات تركلو ولكن عصام دوز رجليه بالزربة تحت منها حتى طاحت و طاح فوق منها شاد ليها يدها بجوج لفوق ، سحر ماعرفت باش تبلات حتى كتشوفو فوق منها شادها و أنفاسو سخونة كيضربو فوجهها بقوة

عصام عوج راسو معاها : مارضيتيش ملي قلت عليك هاكا يااك ، ولكن أنا كنعرف بنات الاصل لي مكيرضااوش مكيديروش علاش يتقال عليهم

سحر بعصبية وحقد ماقادراش تصطنع برودها دابا : عمري شفت شي حد أناني بحالك أ عصااام ، ندمت على النهار لي عطيتك فيه فرصة تدخل لقلبي متى واحد مكيستاهلش حتى نشوف فيه ، كيبغي غير راسو و عندو عادي يضحك على الناس كاملين ، ولكن حتى واحد فيهم معندو الحق يقول عليك شي كلمة

عصام زير عليها  : خصوصا نتي معندك الحق تقولي حتى كلمة عليا شوفي راسك بعدا ؛ إذا نتي كرهتي النهاار لي حليتي فيه قلبك ليا ( كمل بالغوااات) فأنااا باقي ماااامتيقش بلي عطيييييييت وووووقت  لكلبة بحاااااالك لي ماااتستاااااهلش دقيقة من عنديييييي

سحر بصراااخ: ماااتعلييييش صوووتك علياااااا، سي فرييي بلي مكنبغييش نهييينك و نقولك شي كلمة لي عتطيح منك ولكن ( زادت فصوتها) آااااخر مرة آخر مرة تقول عليااا كلبة و لا شي حاجة مابقيتش غادي نسكتلك ( سكتات كترد النفس من الغوات ) فخباارك نتا أكبر ممثل ، و أحقر واااحد شفتو لي يسمعك كتدويي يقول نتا الإنسااان الصادق لي ماعندوش مع الضلم و لكن نتا العكس تماما