العشق السرمدي

الجزء 82

🍒 الفصل الأول: بدونك لا اهوى الوجود

ريحان غير سمعت سيرت البوليس والحبس طلقاتها ببكية

ريحان: ااااااااععععع هئ هئ والله ما أنا والله ماأنا

عصام بنضرات قاتلة : وشكون

ريحان: ليييليان هي لي ضرباتليه الطوموبيل انا كنت غير واقفة

مراد: وعلاش كذبتي

ريحان: خفتها تضربني

يوسف: تضربك كاع

ذكرى: هاد الحمقة شيباتني ماناوياش تدير عقلها

مراد: وفينها ليليان دابا

ريحان: فالجردة لورانية. فالدار دالخشب لي فوق الشجرة

عصام: انا غادي نمشي نجيب مها من تما

يوسف كان ساكت غير سمعو نطق: احمم غير خليك انا غادي نجيبها

كلهم علاو حجبانهم مستغربين علاش غادي يمشي. ياك ماهاماهش  و ماباغيهاش . عصام بتاسم جنب حيت فاهم وعايق بخوه

يوسف خلاهم واقفين وكيشوفو فيه وخرج متاجه لجردة لورانية دالقصر

وصل لواحد الشجرة كبيرة قوقها بيت صغير من الخشب فحال دالأميرات فلون الوردي
طلع بالحس فديك الدريجات باش ماتسمعوش وماتحسش بيه دخل وهو مهبط راسو حيت كان البيت صغير مايقدرش يوقف. دور عينيه كيقلب قارن حجبانو مالقاهاش وقلب الدورة راجع حتى وقف مبتاسم ملي سمع حسها كتهضر بشوية

ليليان: ريحان . ريحااان فينك جيتيي . شنو طاري لداخل ماعرفو والو ياك

يوسف تقدم بخطوات هادئين مادايرش الصوت ومبتاسم.  قرب من مصدر الصوت لقاها ناعسة و مخبية فواحد الكوان. تحنا عندها ومد يديه وهزها من قرفادتها علاها بشوية حتا جات واقفة قدامو .

ليليان غير شافتو ولات حمرة زرقة وجهها تخطف منو لون ماعرفات باش تبلات ماكانتش متوقعة تشوف. مافاهماش وماعارفاش شنو كيدير هنا وعلاش جا

يوسف معلي حاجبو ومبتاسم نص ابتسامة: شنوو كتديري هنا

ليليان توترات معرفاتش تجاوبو فهاد الموقف ولات غير كتمتم: أ أ أ غير مخبية

يوسف: اممم وعلاش مخبية

ليليان عاد فطنات براسها شنو كتقول : أ  ءء حيت كنلعبو كاشكاش

يوسف حررك راسو بأه  وجرها: كاشكاش واخا زيدي نشوفو هاد كاشكاش

ليليان: ءءء لا راه ريحان غادي تقلب عليا خاصني نبقا مخبيا

يوسف كيحرك راسو معاها : واخا ألالة زيدي حتى انا بغيت نلعب معاكم. نزلها بشوية من علي الشجرة ووقف قباتها داير يديه فجيابو . وهي واقفة قدامو متوترة كتفرك يديها وتعضعض فشنايفها

يوسف:كنتي كتلعبي كاشكاش ادن ماخرجتيش هاد النهار من القصر

ليليان كلشي مخلط عليها التوتر من وجودو قدامها وخوفها يعرفو شي حاجة. سرطات ريقها وحركات راسها بلا

ليليان: لا ماخرجتش نهار كلو وانا كنلعب

يوسف: ادن ماشي نتي لي هرستي طوموبيل السيد
ليليان علات حجبانها بجوج. بالخلعة والتوتر كانت قريبة تكر وتفرش راسها. فأخر لحضة قدرات تسيطر علي راسها.

ليليان: طوموبيل إنا طوموبيل حنا اصلا مامشيناش نالمنطقة لي ورا القصر

يوسف بتاسم: انا ماقلتش الطوموبيل كانت فالجيهة لورانية من القصر

ليليان : لا حيت دابا حنا . ياكا.  غير كنا دايزين من تما وحنا نشوفو طوموبيل كحلة دايزة وصافي

يوسف : مابقينيش ماخرجتيش وماشفتيش

ليليان: اه ولكن ماشي حنا

يوسف: ادن نخليو السيد يمشي يديكلاري بمول الفعلة

ليليان: ماشي حنا لا قصدت ماشي انا. هي ريحان