العشق السرمدي

الجزء 47

🍒 الفصل الأول: بدونك لا اهوى الوجود

الصمت هو سيد الموقف فهاد اللحضة كلهم نزلو ريوسهم ن الأكل وتاحد مكيتكلم جاو الخدامات هزو الأطباق وحطو التحلية
مراد تحنحن حتا شافو فيه وبدأ كلامو: حنا طول عمرنا كنا عائلة متماسكة مغاديش نجيو حتا لهاد اللحضة وتتوتر علاقتنا ليهادا غادي نحطو النقاط على الحروف ما حدنا مجموعين ونسدو الموضوع مانبغيهش يتجبد مرة خرى

كلهم كيتصنتو ليه بتمعن

مراد شاف ف يوسف: انا عمري لمتك على قراراتك وعمرني غادي نلومك انا انسان واضح ومنطقي ، من الأول كنت عارف هاد العلاقة غادي تكون نهايتها الفشل وحذرت ذكرى منها لكن هي تشبتات بقرارها وعطيتها الحق فالتصرف حتا نشوفو الأمور فين غادي توصل، نتا كان منحقك تختار البنت لي كتبغي ومكانش علينا نحطوك فهاد الموقف

دار براسو وشاف ف ليليان لي منزلة راسها ف الأرض

مراد: عمرك تحطي راسك فالأرض ديما يكون راسك مرفوع وكوني واتقة من نفسك نتي ماشي أي وحدة نتي ليليااان مليووون واحد يتمناك غير من الحفل دالبارح نليوم شحال من طلب زواج وصلني ليك، ماشي غير مانجحتش علاقتك بيوسف تضني بلي نتي ناقصة بالعكس الدنيا ارزاق ويمكن يوسف ماشي رزقك ومازال ربي يلاقيك بلي مكتاب ليك يصونك ويقدرك ويبغييييك

يوسف زير على يديه حاس براسو بدأ يتخنق مكرهش يغوت ويقول ليهم هي ماديال حد هي ديالي ملكييي ولكن حاس براسو مربوووط ، هو لي حط راسو فهاد الموقف اذن يتحمل

اكرم قطع الهدرة بضحك كيف موالف: نهار لول كون غير زوجتوني انا (بليلي ) كيدلعها،  كون كاع منطيحو فهادشي

بلقيس : كون تحشم مالك باسل

براءة بدعابة: كون تزوجتو نتا وياها كون قلبتوها صباط نهار لول اخويا ، بعدا قول كون تزوجت ب الفيزيائي ديالنا الدكتور سلمان بعدا معقل وخاتر و كيتفاهمو بجوج

سلمان غير ساكت انسان هادئ

أما يوسف كان كيغلي قريب ينوض يقلب عليهم هاد الطبلة ولا يريب عليهم هاد القصر مصبر راسو غير بزز

ذكرى خنزرات فبراءة: اويلي على المسخوطة هاد الهدرة كيقولوها الناس

براءة: وراه غير كنضحكو اماما

عصام مبتاسم عاجبو الحال يلعب ليه على أعصابو ، هو كيموت على خوتو ولكن الجيست ليدار يوسف وجايب معاه اندريا وهو عااارفها شنو كتسوى عصبو حيت معرفش يتصرف

عصام بمكر: ومالها الوليدة يمكن ناصيبها يكون مع سلمان ادا كانو كيتفاهمو،( شاف فسلمان وغمزو) شنو ضهرلك اسلمان

سلمان بتاسم:اهااااه خيرنا مايدييييه غيرنا علاش انا نلقى حسن من ليليان

يوسف صافي مابقاش قادر يصبر هضر بحدة: شنو هااادشي كنسمععع ياكما نسيتو بلي كتدويو على مراة الراجل كتدويو علي مرتييي ( علا راسو ف عصام لقاه كيشوف فيه مبتاسم )، عاد رد البال لكلامو  : احمم على الأقل حتارمو حيت باقيا علي ذمتي واسمي