العشق السرمدي

الجزء 164

🍒 الفصل الأول: بدونك لا اهوى الوجود

ليليان: هييييي فين غادي أليلة سعيدة

أكرم: ماالكي تانى

ليليان: وفين فراشي أنا

أكرم: مالك كنبان ليك كنبيع ونشري فيهم واحد لي عندي هاهو

ليليان: امممم ونتا فين غادي تنعس

أكرم: ملي كنبغيو نخيمو ضروري كنجيبو واحد ريزيرف هو لي غادي نعس فيه

ليليان: واعطيه ليا أنا نعس فيه

أكرم: نتي حمقة .راه واحد نعسو فيه بجوج. حتا إدا تعانقتو جات معاكم. أما أنا شنو بغيتيني نمشي نعنق صاحبي

ليليان: واعافاك عافاك بغيت واحد ليا بوحدى

يوسف غير واقف حاضيهم وداير يديه فجيابو وكيتفرج وكيبتاسم عاجبه القضية
أكرم خرج من الخيمة ماداهاش فيها خلاها كتغبن بوحدها قريبة تبكي

يوسف شاف فيها  كيفاش كتنتر تحنى وقلع سبرديلتو وتحشى جيهة الفراش حتى كتوقفو هيا

ليليان: هييي فين غادي

يوسف وقف شاف فيها بنص عين وأشار ليها بصبعو : غادي نعس

ليليان: وأنا

يوسف حل السلسلة دالفراش وتكى وسطو وفتح ليها دراعو : أجي تنعسي

ليليان: فين غادي ننعس نوض من تما باش ننعس

يوسف: مانايضش بغيتي تنعسي أجي نعسي

ليليان: حتى أنا ماناعساش حداك

يوسف: بقاي جالسة تما

ليليان جلست فالأرض: هانا جالسة

بقات مدة جالسة وكتنكر وهو داير دراعو على راسو فحالا ناعس وكيضحك عليها

ليليان: امممم قالك ليفام دابوغ . بنادم ماميحشمش . ناعس مرتاح وانا جالسة  على الضص .
بقات هاكاك تنكر حتا عيات وحسات بالبرودة طلعات معاها كلشي كان ناعس. تمشات بشوية جيهتو وقفات فوق راسو كتحقق فيه لقاتو ساد عينيه تحنات ومدات صبعها كتنغزو فكتفو لقاتو ناعس ماتحاركش عضات على فمها وحيدات سبرديلتها وتخشات حداه بشوية باش مايفيقش .بقات مدة كتشوف فيه وتحقق فجمييع تفاصيلو شفارو الكوحل شعرو الأسود حجبانو لي مخنزرين فمو لي حمر عاطي لزروقية بقوة الكارو لحيتو السوداء المطراسية عيات تقاوم راسها وماقدراتش مدات يديها نلحيتو بدات كتلعب فيها وتدخل صبيعاتها وسطها عضات على شنوفتها وقربات منو حطات فمها على حنكو واضعة قبلة حنينة عليه باستو وبعدت عليه كتنهد. واخا يدير ليها لي دار كيبقا يوسف هو حبها الأول. أول واحد عرفت معنى الحب معاه وعمرها تخيلات غادي تكون لشي حد منغيرو  بقات كتشوف فيه حتا شبعات وعنقاتو واضعة راسها فعنقو  كتمخشش فيه حتا نعسات.

يوسف كان فايق حاس بكل حركة دارت كل لمسة لمساتو بيها كان قلبو كينقز بسبابها ماكرهش ينوض
داك ساع يقلبها تحتو لكن مابغاش يحرجها. باغي غير بشوية بشوية تزعم عليه ويقربها ليه وينسيها فالماضي  بلا ماترد البال  .غير حس بيها زكات من الحركة ونعسات حيد دراعو من علا عينيه وهو مبتاسم ودار جيهتها كيشوفها كيفاش كتمخشش فيه بحال شي فارة. لسانها سليط وعفريتة ولكن ملي كتنعس كترجع بحال شي قطة كتنتاضر الحنان دماماها .

يوسف: راسك قاسح الفارة.  علاش ماديريش هادشي وأنا فايق .زعمة دايرة فيها عزة نفسي. غير صبري بشوية بشوية غادي نرطب مك

بقا مدة كيلعب ليها فشعرها ويشوف فتفاصيل وجهها كيفاش كاتبان كيوت نزل لفمها شبع فيها بوسان ومصان . قربها ليه منعسها على دراعو وسد السلسلة دالفراش عليهم باش مايجيهاش البرد بليل أما هو عندو عادي مولف البرد خشاها فيه معنقها دار ليها راسها فعنقو كيحس بنفسها كيضرب ليه فعنقو وبقا كيلعب ليها فشعرها حتى نعس