🍒 الفصل الأول: بدونك لا اهوى الوجود
فبيت براءة وليليان . ناعسة ليليان على كرشها فوق الفراش وشادة كتاب فيديها. وقدامها براءة شادة تيلي فيديها
ليليان: اووووف مليت من هاد القراية
براءة شافت فيها ورجعات تكمل الشاط ديالها : وإدا بغيتي تنجحي قراي.
ليليان: سعداتك كتشاطي مع حب قلبك
براءة: ها نتي عندك حب قلبك قدامك نوضي شاطي معاه
ليليان خنزرات فيها ورجعات تكمل المراجعة
براءة وقفات: أنا غاديا نشوف أكرم كملي مراجعة وطفي الضو ونعسي
ليليان : خوديني معاك
براءة: نعسييي قلا ناخدك معايا نتي غدا غادي تبداي الإمتحان. غير لقيتي يوسف باقي مشغول فالخدمة اما هو كون نعسك فالمغرب
ليليان عوجاتها: نينيني ينعسني ينعس موخو
براءة حركات راسها بلا حولة وتوجهات عند أكرم. دقات فالباب جوج دقات عطاها الإذن ودخلات. لقاتو لابس شورط وتيشورط سماطي وكيمسح شعرو بفوطة تبسمات ومشات سلمات عليه .
براءة: ولد عمتي توحشتك فين غابر
أكرم بتاسم ليها: زارتنا البركة مادموزيل براءة كووولها جات لعندي
براءة: ههههههه ومالك ماتستاهلش
أكرم اجي الحمقة نجلسو شوية. مشاو جيهة طيراس وجلسو فالكراسة
أكرم: محتاجاني فشي حاجة
براءة: لا غير توحشت خويا قلت نجي نشوفو
أكرم : امممم ولكن عينيك كيبريو بحالا باغين يقولو شي حاجة
براءة بدات كتلعب بيديها بتوتر: بصرااحة
أكرم: علاش موالفة كتكدبي عليا
براءة: توتو نتا عارف عمرني كذبت عليك
أكرم : إذن قولي الصراحة
براءة: أحم أنا... أنا...أنا
أكرم: نتي شنو نطقي
براءة: أنا وكمال دخلنا فعلاقة
أكرم خنزر:شنوو نوع هاد العلاقة
براءة: ماتخنزرش فيا أنا قلتها ليك حيت ماموالفاش نكذب عليك
أكرم حرك ليها راسو بأه : شنو نوع العلاقة
براءة عضات شنوفتها: علاقة حب
أكرم تنهد:نتي كتبغيه
براءة هبطات راسها بحشمة وحركاتو بأه
أكرم: وهو
براءة: حتي هو قال بلي كيبغيني
أكرم: إوا شنو كينتاذر
براءة:مافهمتش
أكرم: شنو كيستنا كيبغيك يجي يخطبك
براءة: راه غادي يجي غير خرجات ليه خدمة ف فرنسا وغا يكملها ويجي يهدر مع بابا
أكرم: شوفي أبراءة أنا فقدت ختي الصغيرة ولكن عتابرتكم نتوما خواتاتي نتي و الشيطانة د ليليان معزتكم خاصة فقلبي . مانبغيش شي حد يضحك عليك ولا يبكيك. نتي عارفاني مصطي وكنبغي نضحك لكن فنفس الوقت معقول وماعنديش مع التفلية. إدا كيبغيك يجي يخطبك مننا لكن تبقاي خيطي بيطي معاه فزناقي رجليك نحشهوم ليك
براءة: لا والله ما تخاف أصلا عمرنا تلاقينا
( تفكرات نهار البيت) أحم كنهدرو غير فتيلي
أكرم: هاكاك ديري قيمة راسك عززي راسك يعزك هو خاليه هو يتبعك ويحلم بالنهار لي تكوني ليه. وانا ماعتارضتش حيت عارف كمال شنو كيسوى وصاحب عصام من شحال هدا واخا يتيم ومقطوع من شجرة ماعندو حد لكن كون راسو براسو وعمرو مد يديه راجل تعولي عليه
براءة بدات كضحك: بصح بصح كيجيك ضريف
أكرم ضحك وعنقها جنب : هههه نقصي وتبتي شوية عنداكي تبينيلو راكي كتموتي عليه
براءة بدات كتنتر:بعد مني نتا كتفلا عليا
أكرم زير عليها: جلسي الحمقة
أنت تقرأ
العشق السرمدي
Боевик🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
