العشق السرمدي

الجزء 156

🍒 الفصل الأول: بدونك لا اهوى الوجود

ليليان غير شافتو وقف بتاسمات فحال شي هبيلة  : هههههههه  أكرم🙃🙃

أكرم غير شافها عينيه خرجو رجع زرق :شنوو كاديري نتي هنا وكيف جيتي

ليليان:جيت معااك اويلي راني كنت راكبة قدامك

أكرم قرب وشدها من دراعها :واااش أصل مك كيبانوليك عندي القرون

ليليان: واصافي غير طلق . راه جيت فالكوفر

أكرم شد على راسو ناتف شعرو : واااش نتي حمقة واش صافا باااااا

ليليان: دابا مالك . عادي ديما كانجي معااك

أكرم: ماعادييييش ماعاديييش. كنتي كتجي معايا قبل مايجي راجلك . ودابا جا وشفتييه شنو كيدير غير إدا لقاني كنضحك معاااك

ليليان: نضحك معامن بغيت ماشي سوقو

أكرم مخنزر:ماشي سوقو وقلتيها ليه دابا أماشي سوقو

ليليان: تو تو ماشي سووووقووو

أكرم : امممم كتشوفي هاد الجبل لي واقفة فوقو

ليليان : اه مالووووو

أكرم: منو غادي تتلاحي هاد ليلة وضبري راسك معاه. مشا هاز التيليفون فيديه كيقلب على الريزو  وهي تابعاه كتعض فسنانها

فالقصر كلشي كان مقلوب الكارد مستفين ويوسف غادي جاااي قدامهم . ذكرى قلبها غادي يسكت كلهم جالسين ومتوترين نهار كلو وهوما كيقلبو مالقاوش ليها الأتار

ذكرى: الله ياربي فيين غادي تكون مشات بنيتي

يوسف:الواليدة بشوية عليك عانداك طيحي بالسكر

ذكرى ببكاء: يوسف جيبلي بنتي قلبلي عليها

مراد عنقها من كنافها: صافي غير تهدني أحبيبتي غادي نلقاوها

ذكرى:نتا أيوسف كنتي ضاغط عليها فالقراية  . عنداك غير تكون طجات

يوسف: ضغطت عليها بغيتها تنجح عندها الباك وهي معمرة راسها غير بالتخربيق.

سحر: دابا الهضرة ماعندها ما تفيدنا خاصنا نلقاو حل .
بدا يطيح الضلام والنهار كلو والبنت ماضاهراش

يوسف : ياسين عيط على صاحبك البوليسي نقدرو نحتاجوه . مازال كيهدر حتي سمع تيليفون  كيصوني جبدو من جيمو لقاه أكرم جاوبو

📞📞 يوسف: أكرم

أكرم: وي يوسف. بغيت نسولك واش كتقلبو على ليليان

يوسف بسرعة: أه اه عندك شي خبار عليها

أكرم : أحم هاهي معايا

يوسف غوت حتى خلع الكل: كيفاااااااش معاك . وعلاش خديتيها

أكرم: ماخديتهاش اصاحبي لقيتها فالكوفر

يوسف عض علي سنانو بعصبية : خليها فجنبك ماتغيبش على عينك. وصيفط دابا لوكاليزاسيون .
قطع وخارج بسرعة حتى وقفو مراد

مراد: عرفتيها فين كاينة

يوسف: أه مع أكرم . أنا غادي نجيبها

ذكرى مشات كتجري عندو : لعاااار اوليدي ماضربهااش هاديك غير هبيلة

يوسف: إدا هبيلة أنا غانرد ليها عقلها . ركب فطوموبيل وزاد مكسيري بأقصى سرعة

أما فالمخيم  فوق واحد المنطقة جبلية ركبو الخيام وشعلو العافية تسخنهم حيت المنطقة كتكون باردة باليل
ولالة ليليان مامسوقاش ليوسف يجي ولا يجلس لمهم هي جاات ماهامهاش شنو يقدر يوقع من بعد. كتقول مع راسها ياك غيدوز النهار غيدوز لمهم تستغل الفرصة . جالسة كتضحك مع الدراري وبنات المخيم لي الأغلب منهم كتعرفهم وديجا كتخيم معاهم .

طاح ليل ويوسف مازال ماوصل واخا جاي بأقصى سرعة لكن المنطقة كانت بعيدة . شعلو العافية وعملو دائرة عليها هالي شاد الكيطار كيعزف هالي كيغني ولي كيضحك مع صاحبو ولي عشاق معانقيين. أما عند أكرم جالس وحداه صديقة الطفولة ديالو هند . ومن الجهة  التانية جالسة ليليان شادة عود فيه المارشميلو كديرو فالعافية وتاكلو وكضحك وتسفق عاجبها الحال  ماكرهاتش تنوض تشطح لكن عارفة أكرم غادي يجمع معاها. واخا هو إنسان ضحوكي وكيبغي النشاط لكن فالمعقول قاصح ماكيبغيش التفلية وكيغير على بنات عائلتو

قبالت ليليان كان واحد من صحابهم. حاسب فراسو حيت زوين والبنات كلهم كيضورو بيه  جالس قبالتها ملي جات وهو حاضيها وباغي يجبد الكلام معاها

الشخص  1 : مابانش ليكم الدراري الدنيا نورات واخا طاح الضلام

الشخص 2 : هههههه حيت شاعلين العافية اصاحبي ههه
(الكل بدا يضحك)

الشخص كيشوف فليليان لي حتى هي كتضحك : توتو ماشي من العافية النور جاي من السويدية لي جالسة  (شاف فيها وغمزها) مرحبا بيك أزين معانا

الكل :اوووووووووووووووو

أكرم جا يوقف معصب حتى كيلقا شيحد من لور  تلاح عليه