العشق السرمدي

الجزء 145

🍒 الفصل الأول: بدونك لا اهوى الوجود

عصام معصب : شنو كنتي باغية تربحي من بعد ما تصرفتي هاكا زعما

سحر : لو كنت باغا نربح شي حاجة ما كنتش غادي نخبيها لمدة عامين

عصام باستهزاء : حيت كنتي عارفة شي نهار غادي تتعرف و يبان كلشي

سحر : كون ماكانتش هاديك لي وراك ودنيها طوال و باغا تجبد المشاكل بأي طريقة عمر الحقيقة ماغادي تبان

عصام تكلم معصب : حتارمي راسك هادي لي كتدوي عليها راها مراتي

مراد : و نتا نقص صوتك راه هادي بنتي

عصام : الواليد خليني راه داوي معاها ، ( دار شاف فيها ) ؛ أنا نجاوب على السؤال لي طرحتوليك درتي هادشي كلو حيت باغا تبيني راسك مزيانة ياكي باغا تخلي كلشي يتضامن معاك عليها قلتي أجي نقولها ل براءة حيت كيف ما كان غادي تخرجها هي شي نهار آااا ، باغا تغطي على فعايلك قدامهم ، و لكن علاش غادي تدخليني أنا فالقصة آااا ؟ علاش غادي تعتابريني طريق تدوزي منها ف سبيل تحقيق مبتغاك؟؟

سلمان و يوسف عيوا يحاولو يكبحو راسهم و لكن غير دوا معاها هاكا مشاو شنقو عليه

سلمان مغزف : و الله حتا راك ولد الحرام مقطر ، حتا لهاذ الدرجة مكاتعتارفش بالجميل ، شنو دارتلك هي غير شنو دارتلك أ الحيوان

يوسف : قسما بالله ما يصلح شي حد يدير فيك الخير ، واش البنت مضحية براسها و دابا كتواجه الحياة بكلية وحدة إذا تآداتليها تموت ، ونتا فعوض تشكرها و تطلب منها السماحة كتزيد تآديها

أماني :حيت هو عارفها شنو كتسوى ماشي بحالكم لي ضاحكة عليكم بجوج كلمات كتقولهم

ذكرى : وا أقسم بالله و ما تسكتي و تبعدي من قدامي يا حتا ننوض ننتف طواااسل مك ، شنو كتعتبري راسك خايفة عليه ؟؟ علا ملي كان هو كيموت فين كنتي نتيااا ؟ مسارية مع راسك فبلاد أخرى و مقابلة غير خدمتك من ديفيلي ل ديفيلي ، نتي ياحسرة لي مرتو ما فكرتيش  حتى تديري التحاليل و تشوفي واش كاين شي نسبة تطابق أما هي لي بعيدة عليه سمحات فكلشي و جات لبلاد حلفات لا عاودات نزلات رجليها فيها ، ضحاات بحياتها  تنقدلك راجلك باش تجي نتي من بعد شهرين حتا صح ووقف على رجليه ، كتبيني راسك خايفة عليه آااااا

أماني بقات غير كتسرط ريقها كون كانت شي حفرة حداها كون تلاحت فيها ،أما عصام  شاف فأماني بنضرات فشكل كأنه كيقولها ياااك ؟ هادشي كاين ؟ وهي غير كتدورليه راسها بلا بمعنى من بعد و نعاودليك ،،، دار عند ذكرى لي فيه مامكفيه و نطق

عصام بحدة : من الأحسن حتا واحد فيكم ما يعاود يتكلم مع مرتي بهاذ الطريقة ولا غادي نشدها و نخرجو بجوج بينا من هاذ القصر ، إذا مكاتحتارموهاش هي حتارموني غير أنا لي واقف معاكم

ذكرى كتدور راسها بلا : تو تو مستحيل يكون هذا هو ولدي عصام لي ربيت ، مستحيل يكون هذا هو الولد المعقل لي قلت هو لي غادي يكون عمود الدار و ما يخلي حد يقرب لعائلتو ، من ديما كنتي كتوقف ضد أي واحد قرب لعائلتك و لا أدى شعرة منهم ، علاش وليتي نتا هو لي كتقتلهم

عصام : أنا باقي هاكاك و النهار لي يفكر شي حد يقربليكم نمحيه من الوجود ، ولكن هاديك القح*بة مكانعتابرهاش من عائلتي ، ماكانش عليها تفكر تعطيني شي حاجة من عندها ، حيت أي حاجة فيها حرام حتى تتقاس

سحر : النهار لي فكرت نعطيهالك فيه ،كنت باقا معتابراك ولد عمي ،ماشي غا نتا لو أي واحد فيكم حتاجني كنت غادي نساهم بأي حاجة ، ولكن لي كايبانلي هو أنني كنت غالطة وبزاااف ، ماتستاهلش ندير على قبلك حتا حاجة

عصام : ماكانش عليك تديري على قبلي

سحر : عتابرني درتها على قبل ماما ذكرى و عمي لي كانو غادي يحماقو بسبابك إذا متي ولا وقعتلك شي حاجة

عصام معصب : الموت أهون من أنني نكون مدينلك ب شي حاجة ؛ لو كانو خيروني مستحيل نقبل نحمل فجسمي عضو من عندك نتيا ، و حتى دابا راه غادي تخليني طول حياتي مشمئز من راسي و ماحاملهاش ، كون كانو يعطيوني كلية كلب نتقبلها على ديالك ، بغيتي تديري الخير بعدي من عليا أنا واخا متأكد هدفك ماشي هو الخير كون بغيتيه عطا الله لمن تعمليه ، عياو يقولولي راكي مدلولة و لكن كنحاول منعلقش ، ولكن بهادشي لي كتديري كتبيني راك زيرو كرامة كون كانت شي وحدة خرى جرى عليها شي واحد وقالها ماتبينيليش وجهك كون كانت دفنت راسها ماشي تجي تدير هادشي غير باش يقولو عليك راك مزيانة ،أنا بعدا طوول عمري غادي تبقى نشوفك غير قح*بة موسخة

( سكتاتو غير صلية جاتو من عند ذكرى و هي مجننة)

سحر عينيها دمعو بقات ساكتة كتشوف فيه بنضرات لو يفهمهم كان يندم على أي كلمة كيقول ليها ، شوية و هي تسرط قهرها و خزناتو فقلبها بحال ديما لي مابقالو والو و يطرطق ، نطقات باستهزاء: حياتي أنا حرة فيها أولد عمي ، ندفن راسي ولا لا ، نجي لهنا و لا نبقى تما ، ندير الخير فمن ما بغيت و لا مانديروش كااع ، أنا حرة نكون قح*بة إذا بغيت ، كليتي و أي عضو مني تعطيهم لمن ما بغيت و دابا لي عطا الله عطاه فداك الوقت ماكنتيش تقدر تمنعني مي حتا دابا راه الكرة فيدك سير خشي فيها موس و زولها حد مابزز عليك تخليها عندك ، هاهي فعلمك دابا أنا لي تبرعتلك واورينا علاش قاد أ سي عصاام  ( خلاتهم واقفين و خرجات ديمارات الطوموبيل  بأقصى سرعة  و هي غير كتضرب فالكيدون بيديها حاسة بالخنقة و شنو ما دارت كتبقى هي لي غالطة و هي ماكاتسواش)

#يتبع
نتشاوفو غدا هانا ليوم تهليت فيكم بالأجزاء حتا نتوما تهلاو فيا بالتعاليق وشي بلبالة فاعلة تاركة
💃💃💃💃💃💃💃💃💃💃💃💃💃💃💃