🍒 الفصل الأول: بدونك لا اهوى الوجود
ريحان :ونتي
ليليان: مالي انا
ريحان: نتي ماكاتبغيهش غادي تقدري تنسايه
ليليان تنهدات: أكيد مانكرش غادي تجيني صعيبة. مي فالنهاية غادي ننسى. اكيد غادي ننسى. حيت معنديش حل منغير النسيان
ريحان: تفووو هاد الحب شحال صعيب صافي مابقيتش بغيت نحب
ليليان: ياك كنتي غادي تموتي باغيا تطلاقاي مافيوزي
ريحان:لا حبيبتي لا بدلت رأيي يصدق محملني وانا تابعاه بكرشي من بلاد لبلاد
ليليان: نتي خيالك مفردك وصلتيها حتا الحمالة المافيوزي بقات ليه غير برهوشة(بقات غاديا وريحان وقفات مصدومة)
ليليان دارت كتشوف فيها مستغربة: امالكي وقفتي
ريحان: وااااااااو كلب
ليليان: اويلي فين هو ( ليليان كتموت من الكلاب هوما الحاجة الوحيدة لي كترعب منهم. من نهار جراو عليها مجموعة من الكلاب فالدوار وهي عندها فوبيا منهم )
ريحان: راااه فين مربوط مع الشجرة . واااااو لونو كري شحال زوين
ليليان بدات كتفتف: اه اه زويييين ماشاء الله والله إلا زويين و ويالله نرجعو لدار . بابا غادي يضربنا
ريحان: اويلي فين غادي نرجعو يلاه جينا . خليني نشوفو ياختي كيحمق
ليليان: شنو غادي تشوفي فيه تشوفك الموت يالله نرجعو
ريحان: لا انا ماراجعاش بغيت نقيصو. كنموت علي الكلاب
ليليان مغددة: يقيصك جن فنصاصات ليل زيدي قدامي
ريحان ماداتهاش فكلامها. خلاتها واقفة وتقدمت عندو وتحنات علي ركابيها كتدوز يديها علي الفرو ديالو: وينووو شحال غزاااال . ليليان غير قربي بلا متخافي
ليليان قريبة تبكي: يقرب ليك عزرائيل ويهنيني منك نتي زيدي خلينا نرجعو
ريحان: والله حتا زوين نتي خايفة غير بوحدك . خلينا نديوه يضرب معانا دويرة
ليليان: شنااااهوا . افين باغا تدوريه عندنا لافوار هنا . حطي المجحوم راه عاندو مولاه ماكاتشوفيهش مربوط
ريحان: مالني غنشفرو نضرب بيه دويرة ونرضو
ليليان عيات كتغوت عليها باش تخليه ريحان ماداتهاش فكلامها وقفات ومدات يديها لشجرة وفكات الربطة وشافت فالكلب مبتاسمة : حبيبي تمشي معايا
الكلب غير كيشوف فيها مادار حتا ردة فعل . وفجأة وبدون مقدمات كشر علي نيابو ونبح جوج نبحات بصوتو القوي المرعب وتقدم داير شكل الهجوم غادي ينقز عليها . ريحان تخلعات طلقاتها بغوتا ورمات السانتور من يديها وجرات.
ليليان كانت واقفة كتشوف جيهت لبحر غير سمعت الغوتة دارت حتي تصدمت بمنضر ريحان كتجري وتنقز والكلب جاري موراها. وجهها ولا صفر بالخلعة بقات واقفة مصدومة حتا قربت ريحان عندها كتغوت وشادة كسوتها معلياها حتي بان ليها الكيلوط
ريحان: واااا هربيييييييييييييييييييييييييييييييييي
ليليان فحالا صرفقتيها عاد فاقت كتحقق فالمشهد لقات ريحان قدامها والكلب قريب ليهم مالقات مادير ضرباتها حتا هي بجرية كتغوت والكلب وراهم
ليليان: وااااااالعادااااو ويكوييييك اعباااااااااد الله اعععععععععععععععع ريحان حتا هي كتجري وتغوت
ريحان: اعباااااااااااد الله وشدوووووووه
ليليان: وا تشددددك لي ماااتعتقك الكلبببببة اععععععععععععععععععععععععععععععععععع
ضارت تشوفو واش قرب لقاتو حدا رجليها فمو محلول وريوكوو سايليين وكينبح باغي غير يشدها
أنت تقرأ
العشق السرمدي
Hành động🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
