🍒 الفصل الأول: بدونك لا أهوى الوجود
شوية وهبطو يتجاراو فالدروج ليليان لا بسة ليونيفورم دالمدراسة حيت مازالة فليسي عندهوم لبس موحد ميني فوق الركبة مفرفرة فالكحل مع قاميجة بيضة و لابسة لي بوت، شعرها دايرالو كوت شوفال مع بيضة ولون عينيها خضر مفتوح لون بيسطاش وشعرها اورنج كتبان فحالا من الدانيمارك
براءة لابسة جين مع بودي نص كم وسبادرين شعرها العسلي مطلوق وعينيها كوحل هابطا كاتجري وليليان جاريا وراها
ليليان: ماااااما ماااماا هضري معاها
ذكرى دارت يديها على راسها : سباحاتو لله. هاد الصباح ماغاديش يسالي.، شنو عاوتاني
ليليان: واديما كاتلبس ليا سبابطي ورجليها كبار إما تقطعهم اولا مايبقاوش يجيو قدي
مراد: هادي هيا صباح لخير ابنتي
ليليان: سوري بابا صباح الخير مشات باستو وسلمو عليهم كلهم عاد جلسو فبلايصهم
مراد: نتي متبقايش تلبسي حاجتها عجباتك شري طاي قدك
براءة: ههههه ولا ابابا حيت صغار كيعجبوني كيبانو كيوت فالرجل واخا كيعدبوني حيت مزيرين
ياسين: ههههه ختي ذكرى ربي ربي علامن كنتي
كتوحمي هادي تصطيا ديالها بوحدها
ذكرى: هانتا كاتشوف اخويا وانا كانقول مال حمالتي كلها دوزتها فالسيرك ماكونتش عارفة راسي
غادي نولد مهريج
براءة: ياك اماما ياك
مراد: ههههههه بعدولي من بنتي تلبس لي بغات ؛ ياسين ولد صاحبك يالاه تزادت عندو بنية ياك
ياسين: اه علاش شنو فكرك فيه؟
مراد: سولو ادا صغارو عليها شي حويجات يمكن تحتاجهم بنتي هههههههه
براءة: بااااباا حتا نتا معاهم
بلقيس: ههههه بعدو منها حرام عليكم
براءة : ربي يخليلي عميتو الغزالة. والله أعمي ياسين
نتا لي مزوج
مراد دربها لقرفادتها: مال مك انا كنطلبك شوفي على زين عندي شوفي
ذكرى بتاسمات بخجل
ليليان ميقاتها: شو كي ضحكات عاجبها الحال هادشي خاصو يخلعك ماشي يضحكك الرجال ملي ميبقاوش يحشمو حدا البراني عرفي تحت راسهم الدغل
مراد: الرضى ابنيتي الرضى ، نووووضي ينعل طاسيلتك
ليليان جات تهرب شدها ياسين كيضحك
ياسين: ههههههه صافي خليهوم يفطرو غدي يتعطلو على قرايتهم
مراد: عاد غادي يتعطلو ناس قراو وسالاو. شاف ف براءة نتي مالك صابحة ناعسة ومخليا قرايتك
براءة: انا عندي غير لافاك الوقت لي مشيت
مراد شاف ليليان : ونتي ياك عندك الباك
ليليان: كان عندي الماط وانا معنديش معاه
مراد: كيفاش معندكش معاه والمعامل سبعة
ليليان: وا مكنفهموش ابابا شعاندير
ياسين: ملي جاك صعيب كون درتي آداب
ليليان : لا فيه الحفاضة بزاف وانا معنديش الوقت
ذكرى: معندكش الوقت كضلي تنقي الزرع
#يتبع...
أنت تقرأ
العشق السرمدي
Aksi🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
