العشق السرمدي

الجزء 40

 
🍒 الفصل الأول: بدونك لا اهوى الوجود

حلت الباب بشوية بغات تدخل تشوفو واخا ناعس واخا حداه مرتو ماشي مشكيل هي غدي تشوف غير فيه تقرب ليه وتشم ريحتو لأول مرة وترجع تهرب لبيتها كان السكات طاغي على المكان غير تشقات فتحة الباب بداو يتسمعو شي اصوات غريبة ليليان كانت داخلة غير سمعات وهي توقف مكوانسية ويديها بقات على الباب كتسمع ديك الأصوات اه عرفاتهم وفهمات معناتهم كانو اصوات د اندريا كتأوه بصوت ملحون : اه اااااااه بايبي بشوية امممممم كتوجععععنييي اوووووه، ليليان بقات واقفة مصدومة مامتيقاش هادشي نازلة دمعة من عينيها ببطئ كتشق طريقها علي خدها شفايفها بداو كيترعدو ورجعت ادراجها كتجري وشادة على فمها باش مايسمعوهاش نزلت كتجري ونيشان مشات الحديقة ماقدراتش ترجع لبيتها حاسة بلخنقة ونفس مابقاش كيدوز ليها لصدرها وقفات فالجردة كتلهت كان الضلام وماكاين حد منغير الكارد لي واقفين بعاد وماعندهمش الحق يقربو عند شي وحدة من العائلة ولا يعليو راسهم فيها بقات كتحاول تنفس بصعوبة  جلسات فالأرض وعلات راسها وعينيها لي مغطيهم الدموع نالسماء  وهي كتبكي وتشهق من القهرة
ليليان: أهئ أهئ علاااش اربيييي علاااش مكتاب عليا هادشي هئهئهئ أهئ  علاش حياتي دازت كلها عداااااب وملي قلت صافي غادي يكتابلي نفرح لقيت لعدااب تانيي اهئ ههننننن علاش اربي كتاخدلي ناس لي كانبغيهم ، أهئ أهئ  خديتيلي ماما وماخليتينيش نشوفها أهئ و دابا بعدتيلي  يييووسف أهئ أهئ علاش ماكاتبغينيش اربي علاش كتهدر وكتشهق تنهدات من قلبها ااااااااااااااااااااااااه قلبي كيضرني بزااااااف
 
يقدرو يجيوكم مشاعر ليليان ن يوسف غرابيين كيفاش تبغي واحد وعمرك شفتيه ولا هدرتي معاه لكن فحالة ليليان كانو عدة تراكمات لي خلاو  قلبها يهرب ويلتاجئ نهاد المشاعر ويصدق بلي كاينة قصة حب كتدور بينها وبين يوسف وغادي يرجع عندها، كان العامل النفسي لاعب دور كبير بمشاعرها بحكم طول حياتها عايشة منبوذة ومحكورة عايشة مع اب عمرو حسسها بلي باها ديما كانت مهمشة تنعس برا دار وخوتها من باها لداخل تاكل الشياطة تنعس فالبرد وهما دافيين  ديما مسخة وماعندها ماتلبس وخوتها نقيين عايشة بحال الخدامة تخدم على مرات باها وتنكس الكوري وتسرح  وتدير كلشي وكتهرب وتمشي لمدرستها وملي ترجع تاكل قتلة العصا و لي جا يضربها حتا ولفت ،حتا ويلا ضربوها نسا ولا رجال دجيران باها ماكيتكلمش وملي تجي تبكي عليه يقوليها عبرو عليك عاشت فضلم كبيييير حتا نهار بغاو يزوجوها براجل شارف غير باش يتفكو منها هنا الدادا رحمة جداتها ام باها كانت حنينة وكتبقا فيها ولايني ماعندها جهد مشات عند ذكرى كتبكي وتطلبها تعاونها ،تما حياة ليليان تقلبات لقات عائلة هزاتها من داك المستنقع لقات انسانة لعبت دور الأم على اكمل وجه واخا ماشي بنتها لقات اب السند والضهر  لي كانت محرومة منو واخا مازال عايش،  لقات خووت حنااان وهزينها فوق رموش عينيهم ولقات مشاعر نيوسف لي رجعاتلها التقة فالنفس لي كانت منعدمة ، هوما بزاف دالحوايج ليجاو فوق بعضياتهم خلاوها متصدقش بلي يوسف ماشي ديالها وماكيبغيهاش،  يمكن خاصها تقوي نفسها و تعيد حساباتها وتحاول تحطو فمكان آخر منغير قلبها هادشي ليكانت كتقولو ليليان وهي كتمسح دموعها

#يتبع
هاد النهار غادي يعرف يوسف بلي ليليان مرتو. سطرو عليها مزيااان 《غادي يعرف》 لا أقل  ولا اكتر. باش ماترجمونيش بالحجر من بعد 🤣