العشق السرمدي

الجزء 165

🍒 الفصل الأول: بدونك لا اهوى الوجود

فالقصر

جالسة سحر فبيتها شادة لابتوب فوق الفراش والطفاية دالكارو قدامها البيت كلو بالدخان متقدرش تكلس فيه. لكن هي موالفاه ولا كيجيها عادي ماكاتحسش بالإختلاف سمعات الدقان فالبيت عطات الإشارة للدخول.سلمان غير فتح الباب هبات عليه سحابة دالدخان خنقاتو حتا بدا يكح

سلمان : كح كح مالك على هاد الحالة باغية تموتي

سحر ماعلاتش راسها فيه مركزة مع لاب توب

سلمان مشا جيهة البالكون فتحو كينش على الدخان بيديه باش يخرجو . وجا جلس قدامها: شنو هادشي كاديري نتي . ماكاتخافيش على صحتك

سحر شافت فيه بنص عين وبتاسمت ورجعت كتشوف فخدمتها

سلمان: راااه كندوي معاك فين باغية توصلي إدا بقيتي بهاد الحالة غاديا توصلي غير نالمقابر

سحر نطقات وهي مازال كتشوف فلاب توب: داكشي لي كنتمنى. من فمك لربي

سلمان: واش نتي حمقة مالك ماكاتهتميش بصحتك. راه بقاتليك كلية وحدة بقاي تمرضي فيها بالشراب والكارو حتا تمشي حتى هيا

سحر بقات ساكتة ماجاوباتوش حتى طلع ليه الدم وغوت: راه عنضرب دييلمك ملي نهضر معاك جااااااوبيني

سحر شافت فيه معليا حاجبها : هاد الشخصية قليل فين كتبينها غير فخدمتك ولا للضرورة

سلمان: راه كندوي معاااااك

سحر: نقص من صوتك اسييي لاجوندارم ماشي عليا أنا

سلمان: قسما بالله لو ماكنتيش عزيزة كنت لاوحت مك من داك البالكون

سحر: ههههه أنا أكتر وحدة عارفاك تديرها لكن ماشي ليا أنا

سلمان تنهد وتكا بضهرو على الكرسي : هوووووف ماعرفتكش علاش  معكسة.مالك دايرة فراسك هاد الحالة

سحر: كل واحد عندو أسبابو حتى نتا كتبين شخصية ماشي ديالك غير باش ماتفضحش فخدمتك

سلمان: جيتي نتي فضحتيها

سحر: ماشي أنا لي فضحتك دانييل لي دارها

سلمان: حتا نشد دين*مو داك دانييل

سحر: هههه عمرني شفت رجل شرطة ورئيس عصابة صحاب

سلمان: دانييل عاوني شحال من مرة فخدمتي

سحر: ونتا جازيتيه صنعتيلو السلاح

سلمان: ماصنعتش غير صممت . وزايدون كيعاوني نشدو المافيات الكبار دالأعضاء والدعارة بالأطفال. يعني ماعاونتوش باش يقتل بسلاح الأبرياء أنا عارفو شنو كيدير

سحر: ونتا علاش مخبي على لافامي خدمتك

سلمان تنهد: نتي عارفة شنو داز علينا ولواليدة لحد الأن كتسمع كلمة البوليس كيكون غادي يشدها كريز. بغيتيني دابا نمشي نقوليها راه ولدك ولا أجودارم

سحر: ههههه لحد ساعة مامتيقاش . والله حتى كتعرف تمتل كتبان برييئ . نهار سمعتك كتخصر الهدرة وشفت وجهك التاني تصدمت

سلمان: هههه ومازالة تصدمي

سحر: مممم دابا نشوفو. شنو درتي فقضية ألماس كاين شي جديد

سلمان : هووووف. ماخليت فين قلبت ماكينش ليها الأثر

سحر: فهد دار جهدو وقتلهم كلهم

سلمان: أنا لي سهلت عليه الطريق باش يوصل ليهم

سحر: كنت عارفة كلشي من تحت راسك

سلمان وقف : يالاه تصبحي على خير

سحر: تهلا اسي لاجوندارم

سلمان: ديها فصحتك من دابا لفوق غادي نبقا مقابل مك على هاد الكلوة لي بقات ليك

سحر بتاسمات ليه وهو فتح الباب وخرج تلاقا عصام غادي من حدا بيتها

عصام شاف فسلمان وعلا حاجبو مستغرب : شنو كدير هنا فبيتها

سلمان حتى هو علا حاجبو: علاش كتسول . نمشي فين بغيت

عصام: غير مابغيتكش تطيح فشباكها

سلمان: شنو كتقصد

عصام: نتا ماعارفهاش شنو كتسوى راه كضل من راجل لراجل مابغيتكش تطيح فيها و تفلا عليك حتى نتا

سلمان: أنا عارفها شنو كاتسوى خاصك نتا تحل عينك وتشوف قيمتها . خلاه واقف ومشا متاجه لجناحو
عصام غزز سنانو بعصبية وكمل طريقو نازل لجردة

فنص الليل فالمخيم الضلام الحالك  و الدخان  طالع من العافية لي كانت شاعلة وطفات . كلشي ناعس و السكون فالخيام منغير خيمة يوسف لي كيتسمع منها أنين دشي حد .

#يتبع

وا هانتوما على الحيبان تاني😁😉 يالاه  نتلاقاو غداااا ، ونجبركم مبلبلينها لايكات و تعاليق باش نتهلى فيكم بأحدات مشنشطة 🔥💃💃
بااااااي🫡♥️