العشق السرمدي

الجزء 58

🍒 الفصل الأول: بدونك لا اهوى الوجود

نزلت ليليان من ضهرو كتحك قزيبتها وتتغبن : نتي ديما حاكرة عليا وكاتضربيني

ذكرى خرجات عينيها: كنضربك كاع شوف الباطل نعلت الله عليك

ليليان: اااه وهاد لقريص لي ديما مزرقالي لحمي بيه ماشي ضرب حلوى هادا

مراد: هههههه هادي هي ليليان عنقها وباس راسها : الله يخليك ديما ضاحكة اجي تفطري

ليليان: لا بابا مزرووووبة  وائل من الصباااح وهو كيصوني مابغيتش نتعطل

ذكري مخنزرة: غادي دوزي تفطري ولا نجي نتف مك

ليليان ردات عليها بنفس الطريقة: ونتيي غادي تبعدي مني لاااا ، شافت ذكري جايا ليها وهي تتخبا مور.
مراد:صااافي صافي والله مانعاود غادي نفطر

ذكرى: تحركيييي قدامي الحمارة حتا تجهليني عد تسمعي الهضرة

ليليان خلاتهم حتا جلسو فالطبلة  قدام ياسين و بلقيس وقربت هزات كاس العاصير نزلت عليه كلو شرباتو وخرجات كتجري خلات ذكري غادي تاكل جنابها

ذكرى: واخا علي مك حتا تجي ادا بقات فيك انا ماشي ذكرى

لفوق فراس الدروج كان واقف يوسف كيتفرج فيهم وهو متفاجئ من شخصية ليليان كان كيضنها خويويفة وسكوتية ماكاتعليش الراس بحكم جمعاتهم غير مواقف قليلة كان مازال ماكتاشف حقيقتها لكن هادشي لي شاف ضرب توقعاتو عرض الحائط ومازال غادي يزيد يكتاشف .قلب الدورة مابغاش ينزل من الدروج باش مايشوفوهش مشا لجيهة تانية ركب فالسانسور ونزل نيشان فالكاراج خرج كيجري لساحة على برا فالجردة لقا الطوموبيلات كلهم مستفين إلا ديال شيفور عاد خرجات ، ركب فالمازيراتي ديالو زرقة وخرج مكسيري تابعهم

وسط القصر        

ياسين: هههه الحمقة عمرها تدير عقلها

ذكرى: هانتا كاتشوف اخويا حتا هاداك لي كنت باغاه يجي يدير ليها عقلها، قالك باغي يطلقها

مراد : أهم حاجة انها بدات ترجع كيف كانت وهادشي مايأترش عليها وعلي قرايتها

بلقيس: ههههه والله اخويا ليليان هي اكتر وحدة مفرحاني كتقتلني بضحك حماقها ههههه

مراد شاف فيها مبتاسم بحنان : وانا اكتر حاجة مفرحاني فهاد الدنيا هي ضحكتك لي كتنور ليا حياتي

بلقيس غير سمعت كلامو وهي تجمع ضحكتها ونزلت راسها لطبسيلها ملي وعات براسها بدات كتلعن راسها علي هادشي لي دارت كأنها حرام عليها الضحكة

ذكرى: علاش جمعتي ضحكتك ماشي عيب ابلقيس تضحكي حتا نتي منحقك تعيشي

بلقيس حركات راسها بلا وعينيها الزورق فحال لون السماء بداو كيقطر من الدموع : لا لا مامنحقيش نعيييش وانا ماعارفاش بنتي فينها مامنحقيش نضحك وانا ماعارفاش بنتي ضاحكة ولا باكية

ياسين: والله يهديك ماباغياش تنساي وتقبلي قضاء الله  راه 20 سنة دازت علي موتها

بلقيس بشهقت بكاء: ماااامااالتتش ماماتتش أهئ أهئ بنتييييي عايشة وكتنفس انا حاسة بيها

ياسين شد ليها فيديها : انا عارف اعمري بلي صعيبة تقبليها وحتا انا جاتني صعيبة نطوي هاد الصفحة ولكن هادا أمر واقع ولازم نتعايشو وننساااو

بلقيس خرجات عينيها وقفات من الكرسي كتغوت: طوييييتييييي الصفحة ادن مااااابقيتيييييش كتقلب علييييها ، صااافي نسييييتيها نسيييتييي بنتك