العشق السرمدي

الجزء 130

🍒 الفصل الأول: بدونك لا اهوى الوجود

يوسف حررك ليه راسو ي واخا

جبد شوكة دسخانة وشوكة دالفيتامين  وقرب عند ليليان مد يديه لشورط باغي ينزلو بغا يدكها ليها حتا كيوقفو غوات يوسف

يوسف:اااااااش كديييير الشريف
؛دك ليها لبرة راااه دراعها مالك كتهبط ليها سروالها

الطبيب:راه هنا كتدك

ذكرى: اوليدي خلي الطبيب يدير خدمتو راه موالفة كيدكوها ليها تم ملي كيجيها الوجع

يوسف صعر: إمتى هادشي إدن مواالفة تعرا ليا قدام عباد الله 

ذكرى تنهدات : والله يهديك الطبيب هادا راه هادي خدمتو

يوسف جاهل ماعارفش شنو كيقول: خدمتو يشوف ليا طرمة مرتي

ذكرى خرجات عينيها ورجعت حمرة اما الطبيب رجع غير كيتفتف وقلب وجهو

ذكرى:نعلة الله عليك مابقيتو تحشمو من حد

يوسف: الواليدة هادشي مافيه حشمة راه عرض مرتي هدا.( شاف فالطبيب ) ألا لهنا داك الشوكات أنا ندكهم ليها

ذكرى:راك ماتعرفش

يوسف:مال شوكة غادي تغلبني ياما دكيتها لفهد

ذكرى بخوف: مالو فهد علاش كدك ليه لبرا

يوسف: والو الواليدة غير فيتامين. ودابا ماشي وقت الهدرة وصلي الطبيب لتحت أنا غادي ندكهم ليها

جمع الطبيب لوازم ديالو خلا ليها ليباري وشي فيتامينات تشربهم ملي تفيق وخرج هو ذكرى
غير خرجو تعرضات ليهم أندريا باين عليها الخوف

أندريا : لولي مزياانة كيف بقات

ذكرى شافت فيها وقرنات حاجبها بإستغراب :مزيانة غير طلع ليها الطونسيو

أندريا دارت يديها على قلبها وتنهدات براحة: هووووف قلبي كان غادي يسكت بالخلعة

ذكرى مافهمات والو حساب ليها غير عزيزة عليها : لا الحمد لله خرجات سالمة

أندريا: نقدر ندخل نشوفها

ذكرى: لا معاها يوسف من بعد رجعي عندها. سيري لشي بيت خور من الجناح على بيدمن تفيق

أندريا حركات ليها براسها مفهوم. غير مشات ذكرى وهي تقلب تخنزيرة وعضات على سنانها مجننة ماحاملاش هاد الوضع وأنها تكون معاه بوحدهم.  مشات دخلت لبيت خور فالجناح وشعطات الباب