العشق السرمدي

الجزء 67

🍒 الفصل الأول: بدونك لا اهوى الوجود

مراد شد ليها فيديها: فرحت بزاف ملي شفتك وأخيرا نسيتي الماضي جيتي تشدي شركة باباك بيديك

سحر هضرتو رجعات ليها المواجع وخلاها تذكر لحضة بلحضة كل ما دوز عليها عصام وشحال بكات عليه وشحال طلباتو يبقا معاها لكن هو كان جوابو جرا عليها من دارهم باش تكون مرتو مرتاحة،
لكن بسرعة لاحت عاطفتها على جنب و رجعات لجديتها وبرودها لي دخلات بها

سحر: ألوغ  فين وصلتو شنو هو الحل لي توصلتولو من بعد ساعة ونص دالإجتماع

مايكل: ماكاين حتى حل أمادموزيل ما بقا تفاهم معاكم و ميشرفنيش نبقا شريك مع شركة عامرة بالأوباش ( شاف عند عصام لي شاد راسو بزز مينوضش يخبطو مع شي حيط و يكمل بيها حتى هي) 

سحر (  كتبت واحد المبلغ فالورقة لي حداها و دفعاتالو ) : بون ما بقا كلام را الباب غتدوز لمصلحة الشؤون تقوم بإجراءات الفصل دفع هاد المبلغ كتعويض و يمكنلك تمشي عند مستر أنخيل تجدد معاه شراكتك

مايكل بقا مصمر فبلاصتو كيفاش عرفت الشركة لي باغي يتعامل معاها و هو عمل المستحيل باش ميعرفو حتى معلومة عليها بالإضافة نالمبلغ لي قدامو راه خيالي و ميمكنش يدفعو كاش دبا و المشكل أنه من حقها تطلب لي بغات كتعويض حيت هادشي لي كان ف الكونترا لي نسا هو البنود ديالها بقا غا كيفكر معارفش كيفاش يتصرف مي عرف أنه كيلعب مع واحد الطرف لي كان مستاهن به كونها أنثى و متخلية على هاذ المجال من سنين لكن جات ف دقيقة تبتاتلو العكس

مراد (قرب عند سحر):. بنتي شنو هادشي كتديري را حنا أكثر وحدين غادي نكونو متضررين  و خاصنا على الأقل نلقاو  الشريك و إلا أسهمنا عيطيحو فالسوق حيت كلشي غادي يشك ملي ينساحب شريك بهاد الأهمية و فنفس الوقت يدير شراكة مع شركة أخرى (سحر غي ساكتة وكتلعب بستيلو )

مراد: سي مايكل ممكن تهدن و تنسى داكشي لي وقع قبيلة  خلينا نحلو الأمور بعقلانية

سحر: ماكاين حل ،يخلص المبلغ لي فالشرط والله يعاون، ماعنديش الزريبة هنا يتعاقد الوقت لي بغا ويفسخ الوقت لي بغا 

عصام غير مصدوم فيها مامتيقش واش هي هادي سحر تبدلات كلشي فيها متغير على قبل، شخصيتها كتخوف

مراد: بنتي ماتنسايش هاد الشركة شحال تعب عليها باباك وكانت عندو اعز وحدة، ماتسرعيش عافاك

سحر تنهدات: ألوغ مستر مايكل فحالة إذا كنتي باغي  الأمور تحل وتبقى معانا يمكنلك تفضل و تقولنا الحل لي كيبانلك مناسب