العشق السرمدي

الجزء 83

🍒 الفصل الأول: بدونك لا اهوى الوجود

يوسف بقا مبتاسم علي هاد الحمقة لي عطاه الله كتكدب وسط وجهو . وبحركة سريعة وبدون مقدمات قرب ليها شدها من خصرها ، دفعها علي الشجرة وتكا بصدرو عليها حتا تلاصقت معاه

ليليان تخلعات وتصدمات رجعت كتقفقف وجها حمر اول مرة تكون قريبة ليه حتا لهاد الدرجة
اول مرة تشم ريحتو وتغلغل فنيفها حست براسها فشلات ورجليها ترخاو كانت غادي طيح لولا يوسف زاد زير عليها من خصرها وقربها عندو . عينيه كيحققو فعينيها لي سحروه من اول نضرة عينين فيهم بريق ولمعة غريبة ولون مختالف وقليل فين تقدر تلقاه لون ربيعي نادر قرب راسو منها وغمض عينيه كيستنشق عبيرها  وتكلم بصوت هادئ

يوسف: ماحسابليش مزوج ببرهوشة. هادشي كامل خرج منك انص ميترو، هاد القباحة كلها فيك هممم
ليليان توترات اول مرة تسمع صوتو وهو قريب ليها وزيد صوتو كيهدر بشوية جاب ليها التمام. احاسيسها تلخبطو الخوف مع التوتر مع الحشمة من قربهم

يوسف: هممم جاوبي مالك سكتي

ليليان: ش شنو غانجاوب

يوسف: هاد الزبايل كاملين خرجو منك مابايناش عليك كاتباني درويشة

ليليان: احمم اصلا انا درويشة هوما لي ديما ضالميني
يوسف طلق يديه من خصرها  بهدوء وبعد شي سنتيمترات حيت حس بيها توترات . وقلب نضراتو لتخنزيرة باش يأنبها وتحس بغلطها

يوسف : اممم ضالمينك علاش ماشي نتي لي هرستي طوموبيل

ليليان حركت راسها بلا

يوسف هدر بحدة وعلا صوتو: مااتكدبييييييييش
ليليان غير سمعت صوتو تخلعات ونزلت دمعة من عينها هي فالأصل خوافة وخا كتبين راسها شجيعة

ليليان هبطت راسها الأرض وتكلمان بصوت هادئ  : أنا ضربتو

يوسف تنهد ورخف من ملامحو باش مايزيدش يخلعها : وعلاش لكدوب

ليليان: خفت من بابا يعاقبني 

يوسف: وملي كتخافي علاش مهرسا نراجل طوموبيلتو

ليليان بدات كتنزل فدميعات: حيت هو حكرني

يوسف قرن حجبانو: كيفاااش هاد حكرك

ليليان: انا وريحان خرجنا بغينا غير نشمو لهواء حدا البحر حيت قنطنا . كنا قاطعين الشانطي بشوية حيت كنخااااف نقطعو وهو خرج من الطوموبيل كيعايرني قالي كلبة وحيوانة وملقيتش لي يربيني

(كتدبل فعويناتا)  و ما . ماحسيتش براسي حتا ضربتو . انا ماما ذكرى عرفت تربيني علاش هو يقولي مامربياش

يوسف غير ساكت وكيتصنت ليها