العشق السرمدي

الجزء 108

🍒 الفصل الأول: بدونك لا اهوى الوجود

بقاو مدة واقفين كيتحدتو ليليان كانت واقفة بوحدها جاها لملل ماكرهتش تطلع تنعس اصلا ماشابعاش نعاس غير حشمات من ذكرى تخليها نهار عيد زواجهم . حسات براسها مابقاتش مرتاحة شافت فيوسف لقاتو مشغول بالهدرة مع الناس ,علات كتفها بلا مبالاة نكلامو ومشات لجهة التانية من الجردة كتمشا بهدوء ماحاساش براسها مرتاحة واخا كتمتل حداه بالبرود وأنه ماهامهاش لكن فالداخل ديالها حاسة بالقهرة خصوصا ملي كتشوف أندريا قريبة ليه علات يديها مسحات الدمعة لي كانت نازلة مع الدورة لي غادي تدور حتى  لقات أنس واقف وراها شهقات بالخلعة

أنس:بسم الله عليك غير أنا

ليليان: مالك جاي بالسكات دير الحس

أنس: سمحيلي ماقصدتش نخلعك. احم
فرصة زوينة نتلاقاو هنا

ليليان: اممم فرصة زوينة

أنس بضحكة: مابقيتيش كتبيعي لببوش

ليليان رجعت حمرة : مافهمتش

أنس: ماشي مهم، قلبت عليك بزاااف

ليليان: علاش غادي تقلب عليا

أنس قرب ليها وشدلها يديها : الصراحة تعجبت بيك من اول نضرة وناوي نديرك حلالي غير وريني وليديك نخطبك ليوم قبل من غدا

ليليان نترت يديها بجهد وزادت متجاهلة كلامو لحضة لي غادي تبعد تعكلت بطالون كانت غادي طيح لولا أنس لوا يديه على خصرها مقربها ليه باش ماطيحش وفنفس اللحضة

قبالتهم كان واقف النار شاعلة فيه عينيه و ودنيه حومر العصبية ضاهرة على سيفتو واقف وشاد يدو على شكل لكمة كيغزز فسنانو قريب يهرسهم بالضغط لي ضاغط عليهم . تكلم بصوت قوي مغلغل

يوسف: شنووووو طاري هنااا

ليليان غير سمعت صوتو بعدات بزربة علي أنس مخلوعة : كنت جيت غير نتمشا

يوسف دار صبعو على فمو زعمة سكتي قرب حتى لحدا أنس وعلا يدو لي على شكل لكمة وضربو لفمو حتى طاح متألم مع ضار مع هز يديه وعطى نليليان تصرفيقة
ليليان ماعرفات باش تبلات بقات مصدومة غير صرفقها بداو عينيها يطيحو منهم الدموع

يوسف هدر معاها بصراخ: قاااااااااااااااااودي لبيتك مانشوفكش قدامي

ليليان مشات كاتجري تصاطحات مع عصام لي كان جاي مي ماوقفاتش وطلعات فدورج  كتشهق

عصام شاف فيها مستغرب  بقا حاضيها حتا  طلعات ماعرفش مالها وكمل طريقو جيهة الجردة يكمي  حتى
لقا يوسف شانق على أنس وكيغوت

يوسف: شنووووو كنتي باغي منهاااا علاااش شادها هناااا

عصام جا فكهم: يوسف شنو طاري هنا مالك مع صاحبك

يوسف: سولو هو شنو كان كيدير

أنس علا يديه شاد فمو متألم : ماالك اصاحبي على هاد الصعرة مالني كليتها

يوسف طلعليه الدم تم راجع ليه مغلفل حتى شدو عصام

يوسف: وااااا ماتقربليهاااش  إلا ليليان خط أحمر ا أنس خط أحمر

عصام: دابا مالكم فهموني شنو طاريييي

أنس: حتى انا مافهمتش مالو شافني واقف مع البنت دار هاد الحالة كلها، انا عارفها حيت من عائلتك ماغاديش تبغي نقربلها.  ولكن أنا غاراضي شريف ماناويش نتفلا

يوسف طلع حاجبو بعصبية غادي ينفاجر: شنو كتقصد

أنس: أنا ناوي الحلال بغيت غير واليديها نخطبها منهم ولا منكم نيت  ماجا يسالي كلامو حتى كان تلاح عليه بكروشيات طيحو نالأرض وطلع فوقو

يوسف: مراااتي اولد القح*بة  مالقيتي غير مرتي تخطبها مني ، كيهضر وفنفس الوقت كيضرب ، عصام عيا يجر مابغاش يتجر ليه بصعوبة قدر يبعدو

أنس كيلهت: كيفاش مرتك ياك بحال ختك
يوسف : ماشي ختي ليليان مرتي وأخر إنذار ليك ا أنس نلقاك مرة أخري كتطوف بساحتها ماغايعجبك حال هاني نبهتك

جرو عصام جيهة التانية الجردة  على الله يتكالما شوية
يوسف بقا غادي جاي فالجردة كيصوط بعصبية غادي يتفركع وعصام غير مربع يديه وكيشوف فيه بهدوء

عصام: مالك دابا

يوسف شاف فيه معصب:كيفاش مالي هادشي كامل وكتسول

عصام :وعلاش هادشي كلو

يوسف علا راسو فيه وهدر بحدة : مازال كاتسولني علاش هادشي كامل

عصام:ياك نتا ماباغيهاش وكاتساين تكمل 18 باش تطلقها

يوسف :ماغاااديشش نطلقهااااا هادشي لي بغيتي تسمع ماغاديش نطلقها

عصام بتاسم:هادشي لي بغيت نسمع

يوسف : نتا أصلا عارف كلشي

عصام: عارف . وبغيتك نتا تعتارف

يوسف تنهد وجلس فواحد الكرسي : معتارف اه باغيها وكنبغيها وماغاديش نطلقها

عصام جلس حداه : ومالك حشمان

يوسف بتاسم بإستهزاء: حشمان كاع( تنهد ) ماعرفتش شنو غا  ندير اعصام تلفت

عصام ضرب على كتفو: ماعندك علاش تلف حاول تصحح الغلط ديالك و تقرب منها ماشي تبقا غير مخنز، قبيلة غوتي عليها ياك باش طلعت كاتبكي

يوسف حنحن: احم ضربتها

عصام غير سمعو شدو من الكول : عاود شنو قلتي ينعل اصل مك علااااش تقيصها

يوسف: بعد ليه يديه: مالك اصاحبي ياك حتى نتا موالف تضربها

عصام: أنا نضربها حيت ختي

يوسف ضحك : ههه وأنا مرتي

عصام شاف فيه بتخنزيرة: اخر مرة ايوسف تضربها

يوسف: مانواعدكش عارفها كطير وغادي تشيبني ادا دارت علاش ماكاين غير لعصى

عصام: تفاهم معاها غير بالعقل ، فهمها و وعيها علمها من أغلاطها ماتضربهاش تقرب منها ليليان حنينة دغيا كتنسا

يوسف تنهد وحرك راسو: غادي نحاااول