العشق السرمدي

الجزء 86

🍒: بدونك لا اهوى الوجود

^فلاش باك صباحا^

يوسف كان واقف كيتجسس على ليليان و حاضيه جميع تحركاتها فالتداريب ، كان مجننن فاللحضة لي كيشوفو فيها بين يدين المدرب ولا وائل كيلمسوها ويعنقوها و يهزوها بالطريقة لي بغاو وهي بين يديهم فحال العجينة كتشكل بأي طريقة حبوها، يوسف كان غادي يطرطق كان غادي يدخل يريبليهم ديك لاصال فوق راسهم و بصعوبة تقدر يمنع راسو باش ميديرش شي روينة و يخلع ليليان و ينفرها منو و هو باقي حتى مكسبها لعندو ، خلاها حتى بدلت حوايجها و خرجات عاد تقدم عند المدرب جرو بجهالة و بجهد و دفعو على الحيط

يوسف : غادي نقلك جوج كلمات ، ليليان اليوم غادي تطرد من المسابقة و لا غادي تجيبها ف راسك

المدرب : شكون نتا ا سيدي بشمن حق كتهدر معايا و علاش غادي نطردها

يوسف : أنا راجلها و ولي أمرها ،أنا يوسف مرتضى و كلمتي هي لي غادي تنفد ؛ و إدا ماسيقتش الخبر بلي تطردت هذا الليلة هاد الليلة ، هذا ليكول غادي تصبح مسدودة
^ أند فلاش باك^

ذكرى : و علاش غادي يطردوك ؛ ياك نتي لي حتاليتي الرتبة الأولى ف ليكول

ليليان : ماعرفتش أ ماما ماعرفتش حتا أنا مافهمت والو فالصباح كان المدرب فرحان بالرقص والحركات ديالي و دابا علمني بلي أنا مطرودة من المسابقة و قطع عليا بلا تفسير

شافت ف مراد و تكلمات : عفاك ا بابا عافاك يالاه تمشي معايا ليكول باش نعرفو شنو لي خلاهم يطردوني

شاف فيها و علا يدو بجوج : لاا أبنتي أنا هزيت يدي عليك و على مسؤوليتك ؛ نتي قلتي راجلي هو المسؤول عليا وا طلبيه هو يمشي معاك

يوسف الضحكة فلتاتليه من هاد الكلمة عاجبو الحال يكون هو المسؤول عليها فرح. فرح من قلبو ملي حس بيها دابا تحت جناحو و أنها ملكو

ليليان : والا أبابا لا مامعاناش هادشي ؛ هو ماشي راجلي حنا غادي نطلقو و نتا لي ديما مسؤول عليا إذن نتا لي غادي تمشي معايا

(يوسف تقلبات ابتسامتو لتخنزيرة ملي حس بيها رافضاه ، ماعجبوش الحال)

عصام: ياك نتي ب فمك قلتيلنا نهزو يدينا عليك و بلي راجلك هو الواصي عليك فأي حاجة كتخصك إذن طلبي منو هو يمشي معاك

ليليان هبطات عينيها للأرض متوترة و حشمانة محاملاش هذا الوضع لي تحطات فيه و لكن معندهاش حل آخر ؛ هذا المسابقة حلم كانت كتحلم بيه من شحال هادي وماييمكنش تخلى عليه، شافت فيوسف متوترة و
بصعوبة نطقات: واخا تمشي معايا ليكول أخويا

يوسف زاد مرض بهاذ الكلمة ما بقاش حامل راسو ماكرهش دابا يفرتك هذا الرمانة ولكن مراضيش يرجع ف كلامو فدامهم، عض على شنوفتو بعصبية و علا راسو شاف فيها بتخنزيرة : ما عنديش وقت لهاد التخربيق دوزي تكملي عشاك وبلا تهرنين

ضربات رجليها مع الأرض بجهد و تكلمات بالغوات : مابغيتيش تديني لهلا فين تديني غادي نمشي بوحدي يالاااه ( ضارت و طلعات فالدروج كتنتر و تغوت غير بوحدها)

يوسف تكلم بينو و بين نفسو بعصبية : غا بلاتي غادي نربي مك مزيان علا هذا الطيران مزيااان غير صبري عليا

سالاو عشاهم بهدوء و كل واحد توجه لجناحو، سحر توجهات لبيتها عيانة و هي تلقى أماني واقفة حدا باب البيت كتساينها

سحر : مرحبا مرحبا زارتنا البركة

أماني : علاش راجعة ، ياكما سحابلك تقدري ترجعيه إذا جيتي

سحر :بسم الله عليك مالك خايفة و وكترعدي غا بوحدك بردي اولا هادي داري حتا انا نتي لي ماعندك حق تجلسي فيها وتانيا مالكي متوترة ياكما متايقاش فحبو ليكي

أماني : عارفاه كييغيني و كيموت عليا وماكايناش شي وحدة لي تقدر تاخدوليا

سحر : و ملي تايقة فيه مالك واقفالي حدا البيت كي العسكري سيري عندو غادي يكون كيساينك

أماني : عارفاك غادي تكوني كتخططي باش ترجعيه ف بغيت نقولك بلي واخا طيري وتنزلي عصام عمرو غادي يكون ديالك

سحر : كوليه بالروز و شبعي بيه أصلا خديتي غير شياطتي واخا تمرمديهلي فالعسل مغاديش يدوزليا، و دابا تحركي قو*دي من قدامي قبل منضرب دين*مك مع الحيط نفرتكك