العشق السرمدي

الجزء 118

🍒 الفصل الأول:بدونك لا اهوى الوجود

عند يوسف طلع بدل عليه  حوايجو دار بناقص من شي سبور ونزل باش يتوجه لشركتو حتا كيلقا مراد خارج بسرعة وذكرى واقفة متوترة ، قرن حجبانو

يوسف:لواليد شنو طاري مالك مزروب

مراد وقف شاف فيه : غير مشكل بسيط غادي نمشي  نحلو

يوسف:شنو هاد المشكل لي يخليك متوتر هاكا

مراد تنهد:ليليان

يوسف عينيه خرجو بالخلعة:مااالها ليليان

مراد:مامالها والو غير دايرة شي مشكل فالمدراسة وعيطو عليا نحضر ضاروري

يوسف تقدم خارج بسرعة:انا لي غادي نمشي

مراد وقفو: ولكن ماكيعرفوكش انا لي موالف نمشي

يوسف:من ليوم غادي يعرفوني حيت هاديك مرتي وأنا والي أمرها

خرج وخلاهم كيضحكو على كلامو ، شوية بشوية كيبين بأنه باغيها واخا مازال ماعتارف 

فمدراسة ليليان . كانت تانوية زوينة باينة ديال الأغنياء
وسط القسم  خالي من التلاميد فيه فقط  ليليان جالسة  فالطاولة وقدامها الأستاذ قصير مطبز وراسو صلع  واقف  مخنزر وشاد تيليفونها فيدو والمديرة حتا هي واقفة ، كيساينو فمراد يجي باش يحلو المشكل
تحل الباب ودخل يوسف ومعاه سيكيريتي لي وراه القسم

ليليان غير شافتو عضات على شنوفتها وضارت

المديرة: نعام اسيدي محتاج شي حاجة

يوسف شاف فيها قارن حجبانو: معاك يوسف مرتضى ولي أمر ليليان

المديرة: ولكن ليليان والي أمرها موسيو مراد

يوسف: انا راجلها ومن ليوم انا هو والي أمرها

المديرة ضارت عند ليليان وهدرت بالغوات: مزوووجة ومازال مابغيتي ديرييي عقلك مانتهناوش من الصداع وتبريات الأساتذة

يوسف علا حاجبو وهضر بحدة: ألالة ملي تكووووني  كتهضري مع مرتي نقصيي من صوتك

المديرة: اسيدي راه كترات من الزبايل ديمة من مشكل
لمشكل

يوسف:واخا تدير لي دير ماعندكش الحق تغوتي عليها وتخلعيها عيطتي نوالي أمرها ادن هضري معايا وأنا لي غادي نتصرف

الأستاد حنحن وهضر: حنا مادام تعصبنا وهضرنا حتا كترات من المشاكل. ديمة مخاصمة مع صحابها، ودايرالي عصابة مدور بيها مجموعة زعمة منتاميين ليها وهي دايرة راسها رئيسة المافيا

يوسف غير قارن حجبانو وكيتصنت كيشوف فيها بمعنى هادشي كامل كيخرج منك ويعاود يشوف فالأستاد لي كيشرح ليه

يوسف: هادشي فهمتو وأنا غادي نربيها عليه ، مي شنو المشكل لي دارت ليوم

المديرة: المشكل أنه التلاميذ كلهم منتابهين لدرس إلا هي شادة التليفون وكتصور فالبروف
ملي حيد ليها التيليفون لقاها مصوراه كتر من خمسين فوطو.  بجميع لي بوزيسيون واقف .جالس. داير الصبورة. حاني يهز كخييون طاح ليه . ملي سولناها علاش مصوراه. قالتلك غير حيت عندي عزيز وكنبغي مرة مرة ندخل نشوفو

ليليان غير سمعاتها قلبات راسها شادة فحناكها كتولول

اما يوسف عينيه خرجو ودار كيشوف فليليان مخنزر عض على شنوفتو كيتوعد ليها

يوسف: احم كنعتاذر منكم على هادشي لي دارت وكنواعدكم بلي ماغاديش تكرر بحال هاد التصرف ، (جبد كارت فيزيت من  البزطام ومدها نالمديرة) ادا عاودات دارت شي مشكل علميني