العشق السرمدي

الجزء الرابع

  🍒 الفصل الأول: بدونك لا اهوى الوجود    
            

  عاشت طول خمسطاش سنة فحضن وليديها لي كانو هما مركز الكون بالنسبة ليها بحكم كانت البنت الوحيدة عندهم واخا تزادت بين أسرة كبيرة معروفة من اغنا العائلات البرجوازية الا ان هي وماماها  وباباها كانو مشكلين عالمهم الخاص صغير ودافئ حتا  اقتاحم ضيف غير مرحب بيه هاد العالم وشتت كل اركانو وهدم كل  زاوية فيه وفبلاصة الفرحة والضحكة  والحنان زرع الم وانكسار وضياع فبلاصة احساسها   بالامان ولا الخوف هو رفيق دربها . الموت هو الشبح لي خدا كل فرحتها فهاد الدنيا خدا والديها بحادث مروع   كانت هي الوحيدة الناجية منو باقا صورتهم قدام عينيها  ملي فتحت عينيها بعد خمس دقائق من غيبوبة صغيرة  إثر الخبطة القوية فتحات عينيها بصوعوبة حيت          السيارة كانت كلها دخان  بقات كتكحب وكتحاول          تقيص والديها بيديداتها نادات بزاف ماما . بابا .هئ هئ  عافاكوم جاوبوني انا خايفة هئ هئ  ماما يدي ضاراني  مقادرش نحركها هئ هئ بابا علاش مكتجاوبونيش        حاولات بصعوبة تحرك من ديك البليصة المضيقة دارت  جهدها كل باش قدرات تفك راسها وهي كتنهج حتا       كتصدم بمنضر عمرها قدرت تنساه كانت السيارة كلها    معجنة و وليديها مبقاوش باينين الحاجة الوحيدة لي  كانت باينة فيهم هي دمائهم ليكانت معمرة الطوموبيل  اما اجسادهم تم سحقها  وعصر دمائها.  بقات سحر      تواني فحالة صدمة ممستوعباش ومفاهماش شنو طاري اولا هي لي ماكانتش باغا تفهم تواني مرت عليها كأنها    سنين استرجعت فيها حياتها كلها لحضة بلحضة            ممصدقاش بلي صافي مشاو . مشا السند ومشا الحنان   صافي حياتها تحطمات واحلامها معاهم فلحضة            انداثرات ، كانت السيارة فحالت سكون تام كأنه هدوء ما بعد العاصفة  حتا كسر هاد الهدوء صرخة قوية من   سحر  لااااااااااااااااااااااااااا  هئ ماما عافاك بقاو معاايا    بااااباااا لالالا هئ هئ هئ لا مديروش هكا انا منقدش     نعيش بلا بيكوم  بابا نوض وهز هاد الحديدة من فوقك ماما كتسمعييني هئ هئ شنو واش جاتك تقيلة عليك    مقدرتيش تهزيها  اه اه بصح تقيلة انا نعاونكم بقات       كتحاول بصعووبة تدفع بيديداتها لاكن تاحاجة              متزحزحات  حاولات مرة و جوج وتلاتة مستسلماتش     وهي كتنهج يديها كتضرها يمكن مهرسة كلها عرقانا       والدم نازل من راسها بغازارة وخا الضربة ماشي عميقة   لكن إثر المجهود لي دارت ودمها كان سخون ولا فحالا    روبيني نازل من راسها دارت جهدها كلو لاكن فالنهاية    قوتها الجسمانية استسلمات وراسها طاح مغمى عليها.    سحر الدنيا قصات عليها بزاااف ودوقاتها الم الفراق       بأبشع  صورة

#يتبع

آرائكم و تعليقاتكم تهمني 😘😘