العشق السرمدي

الجزء 64

🍒 الفصل الأول:بدونك لا اهوى الوجود

قبل 5 دقائق

قدام باب الشركة وقفت سيارة جيب بلاك ماط آخر موديل نزلت منها بهيأتها و أناقتها المعروفة الريح ضربليها ف شعرها الأسود الطويل لي دايرالو كوت شوفال مبوكياه من تحت لابسة كوستار أسود أنيق مع شوميز ذهبية و طالون أسود عالي هازا فيديها بروش ذهبية و سوارت الطوموبيل لي لاحتهم للكارد فالباب  و علات نضاضر على شعرها كتجوب بعينها  وعلاتهم فالشركة لي فنى باباها عمرو فيها بقات شحال كتأمل فالبناية الطويلة لي كاملة زاج بمدخل كبير  غالب عليه اللون الرمادي والأبيض  شركة راقية غالب عليها الطابع الغربي
  .كانو عينيها دامعين كيأكدو على حرب الذكريات لي كانت كتحاول تنساها ذكريات عائلتها و باباها لي عايش فمخيلتها كل دقيقة. تفكرت أي حاجة دوزاتها معاه هنا و كيفاش كان همو الوحيد يخلي  الشركة ديما فالقمة و هادا السبب لي خلاها تجي اليوم واخا كانت حالفة عمرها تزيد تحط رجلها هنا ...

تنفست بعمق و تحركت بخطوات كلها ثقة داخلة للشركة و ملابسها الرسمية مزادتها غي أناقة وقوة زائد  هيأتها الأنثوية بامتياز  ،دخلات تحت أنضار الجميع كلشي تجمع باش يعرف شكون هاد القنبلة لي زارت الشركة صوت طالونها كيتسمع من بعيد كيخلي ثقتها تزيد تبرز و هي مكيهمها حتا حد نضراتها ثابتة مامخنزرا  ماضاحكة بحال وحدة عندها شي هدف جات تقضيه و ترجع بحالها و لكن شكون هي ؟ هذا السؤال لي كان معضم الموضفين كيطرحو إلا القليل،، حيت هيأتها ماشي هيئة كليون و حتى من الإستقبال ما دازتش عليه مشات ديريكت لا سونسور ديال المدراء

     ف صالة الإجتماعات

مايكل : مسيو عصام راك زدتي جنيتي على راسك و هادشي مستحيل ندوزو بسهولة غادي نرفع عليكم دعوة قضائية ب تهمة التعدي على شريك جا غي يطلب حقو القانوني و إذا قلتي معنديش حق ف أنا يمكنلي ندفع المبلغ الجزائي

مراد : عصام تهدن ما خسنا صداع حنا جينا نحلو المشكل ماشي نزيدو نعقدوه

عصام:  مكيهمني لا نحل مشكل لا والو و إذا بغات الشركة تطيح فالسيزي تطيح دين مها من غذا لي كيهمني هو حتا قو*اد معندو الحق يحل عليا فمو ( شاف ف مايكل لي باقي طايح فالأرض ) ونتا مزال هنا كلتلك قود عليااا ( زادو ركلة و شنق عليه و توجه يحل الباب باش يدفعو برا)  فنفس اللحضة تحلت الباب و دخلات منها كتشوف بنظرات باردة ف عصام لي شانق على مايكل و فمراد لي كيشوف فيها مصدوم،،، الزمن بحالا توقف لبضع ثواني حتى تكسر الصمت بصوت مراد

مراد :سحر؟؟