العشق السرمدي

الجزء 68

🍒 الفصل الأول: بدونك لا اهوى الوجود

مايكل : آنسة سحر الحل الوحيد لي يمكن يكون هو تنقصو من ثمن الإسمنت لي كتصدروه ليا ن روسيا ل 100 دولار أو أقل للطن و مادام عارفة الشركة لي كنت ناوي نتعامل معاها ف أوفكورص عتكوني عارفة الثمن لي عرضات عليا

سحر : عندك الحق عارفة شكون الشركة ولي مولها و مكانتها فالسوق و شحال كتخرج د السلعة فالساعة و شحال كتدخل و أي معلومة تقدر تطيح فبالك .و لكن الحاجة لي عارفاها أنا ونتا معارفهاش هي الكاليتي دالسلعة ديالها ( جبدات واحد الملف من صاكها و دفعاتولو)

كيفما غادي تقرا فهاد الملف الكاليتي ديال داك الإسمنت الإسباني راها طايحة بنسبة 70٪ حيت ال calcite أو ما يسمى الحجر الجيري لي كيتستعمل لاستخراج الكلس لي هو عنصر أساسي لي كيجعل الإسمنت يتفاعل و يتماسك بمجرد ما يتخلط بالماء قديم بزاف الشيئ لي كيجعلو ذو جودة طايحة حيت فهاد الحالة التماسك عيكون ضعيف و أي تأثير من العوامل الخارجية متل عاصفة و لا غي شتا قوية عتجعل مكونات الإسمنت تتفكك و غادي يتعرضو جميع البنايات والمشاريع لي تستعمل بهم للهدم بشكل كامل و نفس الشيئ راه كاين حتى فمادة ل argiles لي هو الصلصال المستعمل لاستخراج السيليكا والبوكسيت و لي كيمتل حوالي 60٪ من المنتوج( خلاتو حتى دقق فالملف )

سحر: شنو ضهرلك دابا مسيو مايكل مازال عند كلامك باغي تفسخ العقد وتمشي عند انخيل

مايكل توتر ولا كيترعد: مايمكنش ،غادي نرفع عليه دعوة غادي نغرقو ،مايمكنش كان غادي يتسبب ليا فمصيبة ، ميسيو مراد ،مادموزيل سحر كنعتادر منكم حسبو هاد الإجتماع ماتدارش ، والعقد لي بيناتنا غادي يبقا وماغاديش يتغير

سحر بتاسمت جنب ورجعات بالكرسي لور دايرة رجل على رجل ويديها كتلعب بستيلو : تو تو مايمكنش حيت فالأساس حنا وسط الإجتماع يعني تدار وأنا ضيعت وقتي وجيت من امريكا لهنا باش نتا تحسبو ماتدارش، واش حنا كنلعبو هنا

مايكل: شنو كتقصدي مافهمتش

سحر: امممم مافهتيش انا نفهمك حيت كنضن ماعندكش الخبرة الكافية فمجال ريادة الأعمال سينون كنتي غادي تعرف بلي أي إجتماع كيتقام إلا وكنخرجو منو سوا خاصرين ولا رابحين ،و فحالتنا هاذي أنا لي عنخرج رابحة باش المرة جاية تعرف بلي الطمع بزاف مصالحش و مدام شفتي واحد الطرف متعامل معاك فوق جهد متحاولش تركبلو فوق ضهرو

مايكل: مافهمتش معنى كلامك امادموزيل ولكن انا صافي غادي نقبل بالتمن لي كنا متافقين عليه قبل كنضن هاد الحل غادي نكونو رابحين كلنا منو

سحر ببتسامة: انا مقصتش رباحك نتا انا قصت أرباحي انا
مايكل : المعنى

سحر : بالنسبة الثمن فمعانقصش منو وماغاديش نخليه كيف كان قبل بل عنزيد فيه من 140 ل 160 دولار للطن وإذا لقيتي شي صفقة حسن و بجودة حسن يمكنلك تنسحب