العشق السرمدي

الجزء 135

🍒 الفصل الأول: بدونك لا اهوى الوجود

عند ليليان لي كانت طالعة كتنقز فدروج متاجهة لغرفتها عارفاه ماغيدوزهاش ليها . القصر كان هادئ فنص الليل كلشي دخل ينعس منغير حركة الخدم لي فالكوزينة كيديرو روتينهم ليلي باش ينعسو . وصلات ليليان لغرفتها هي وبراءة جات تحل لباب مابغاش يتحل ليها خنزرات بعصبية حيت عارفة شكون مورل هاد الفعلة اكيد يوسف شكون منغيرو لي مصر يخليها تنعس حداه.

تمتمات بفمها ساباه وقلبت لوجهة ديالها لبيت أكرم حلت الباب عليه بشوية ودخلت كالعادة كتسلت باغية تخلعو وصلت حتا لفراش مالقات حد البيت كان خاوي والضواو طافين الدريسينج والحمام مافيهم حد. ماعرفاتش فين غادي يكون هي متأكدة كاين فالقصر حيت طموبيلتو كاينة لتحت . بقات واااقفة شوية بتاسمات وتقدمات جيهة البالكون كتسلت. لبالكون حتا هو كان مضلم منغير ضوء ديال القمر فيه جوج اريكات وطابلة ديال الزاج وجيهة فيها ارجوحة  غير قربات من باب لباركون بدات كتسمع صوت اكرم كيهدر بشوية طلات غير برويسها لقاتو ناعس فوق الأرجوحة وكيهدر بهمس فتيليفون

📞اكرم: حتا انا توحشتك أعمري..باغي غير إمتا ترجعي ..مابقيتش قادر على فراقك..المغرب بلا بيك خاويي.. دابا نتي علاش مقلقة ياك شرحتليك ..والله مابيني وبينها والو هي فقط صديقة الطفولة ..ماشي سوقي انا فشنو كدير هي حياتها وهي حرة فيها.. كتبقا عزيزة عليا حيت كنعرفها من ايام الطفولة.. لكن نتي لي فالقلب نتي عمري وروحي... باغي غير إمتا تسالي القراية باش نهدر مع الواليد فموضوعنا .

ليليان دخلات كتسلت وصلات فوق راسو وبقات واقفة كتصنت : هاااي هاااي على السي عنيبة

أكرم غير سمع صوتها زدق واقف

ليليان: ماحسابليش نتا حساس حتى لهاد الدرجة هاد الرمنسية كاملة خرجت منك

أكرم مخنزر: من إمتى ونتي هنا . شنو سمعتي

ليليان: ملي بديتي تطلبها ترجع . امممم مابقيتش قادر على فراقك انننن

اكرم عصباتو شدها من دراعها : اش دخلك عندي لبيتي

ليليان قلبات عينيها : بغييييييت

اكرم جرها جيهة الباب: سيري أختي لبيتك ماقاد على صداع مع راجلك

ليليان نترات يديها منو: بعااد قالا راجلي. هو ماشي سوقو نمشي فين بغيت

أكرم عاود شدها جارها جيهة الباب: سيري قوليهالو وفاري أموركم عاد أجي مرحبا بيك. أنا ماقاد على صداع مع داك المصعور

ليليان: ياااكا صافي بعتيني هادي هي نتي ختي وصديقتي والوقت لي حتاجيتيني اجي عندي تلقايني دابا وليتي كتجري عليا.

أكرم: اللهم انا نجري عليك ولا هو يجري عليا. ( خرجها من الباب) سيري اختي تنعسي احلام سعيدة. وشد عليها الباب فوجهها ورجع يكمل الهدرة مع حبيبتو

ليليان: والله لا بقات فيك تنا لي بديتي .
نزلات كتجري ومشات  جيهة الجردة لورانية باش مايشوفوهاش لخرين لكن الزهر لعب ضدها. حيت يوسف شافها خارجة ملي كان داخل وتبعها يشوف شنو غادي تصنع . توجهات لواحد اليبت صغير قدام لا صال فيه شي أتات قديم حلت الباب ودخلت كتقلب بين الأتات على فين حاطاه ماباغاش تشعل الضو باش مايشوفوهاش لخرين ماعارفاش راه يوسف واقف وراها كيشوفها شكادير. بقات كتقلب حتا لقات واحد الكرطونة كانت مخبياها تما. حلاتها وجبدات منها هامستر صغير لونو فالأبيض عنقاتو وباستو. الهامستر هو حيوانها الأليف لي كاتحماق عليه شراتو وخباتو هنا لأن ذكرى منعتها تشريه حيت هي وأكرم عندهم فوبيا من الفئران وأي حاجة كتشبه ليهم.

شداتو بيديها كدوز عليه قرباتو لفمها وباستو

ليليان: سنوووبي حبيبي . سمحلي هاد النهار ماجيتش عندك حيت كنت مريضة ماقدرتش نجي مي خليت ليك الماكلة زايدة

يوسف متكي على الباب كيشوفيها ويبتاسم على لطافتها . هي أصلا همستر  ومربية هامستر. كل نهار كيزيد يعشقها كتر كلشي فيها كيجدبو حركاتها هضرتها جمالها وحتى تشيطينها بعد المرات.

ليليان مراداش البال ليوسف لي حاضيها : سنوبي. ليوم عندنا مهمة غادي نحتاجك فيها. بغيتك توقف معايا باش يتعلم يجري عليا من بيتو 

يوسف قرن حجبانو كيقول مع بالو علامن كتهضر هادي

ليليان: بغيتك دير قوتك كلها باش تخلعو بغيتو غير يشوفك يبقا ينقز كي الهبيل. صافي تفاهمنا. قرباتو وباستو عاد دارت خارجة

يوسف شافها  تخبا مور الباب حتا خرجات وتبعها بشوية باغي يشوف شنو الجريمة الجديدة لي ناوية دير.

طلعات بشوية كتسلت ويوسف وراها حتى هو طالع بالحس باش ماتشوفوش قرن حجبانو بالإستغراب ملي شافها غادية جيهة جناح أكرم . وصلات حتى الباب حلاتو بشوية وحطات سنوبي فالأرض

ليليان : يالاه حبيبي فرجني فيه طلقاتو دخل وهي مبتاسمة  وبقات كطل من الباب.

أكرم لي كان يالاه قطع المكالمة فالبالكون وداخل باش ينعس حتي كيلقا فار كيجري قدام رجليه

ليليان كانت كتضحك عليه حتى تقلب وجهها لصدمة

يوسف كان وراها هزها من قرفادتها

يوسف : شكاديري تاني الهبيلة

ليليان دارت شافت فيه وجهها صفر فمها زرق عينيها عامرين دموع كلها  كترعد  حتى خلعات يوسف شدها خايفها طيح

ليليان ماداتهاش فيها ودفعات الباب بقوة حتى تحل مرافقة معااااه غوتة مخرجاها من قلبها
ليليان:ااااااااااااااااااااع لاااااااااااااااااااااااااااااااااااااااا
سنوووووووووووبييييييييييي

أكرم لي كان لقا الفار قدام رجليه بالخلعة هز رجليه وضربو بقوة حتى تهز الهامستر وتضرب مع الحيط و طاح ميت

#يتبع

نتشاوفو غدا مع أجزاء جداد . بلا مانوصيكم خليو تعاليقكم وإشهرات نالقصة بيزووووو😘