العشق السرمدي

الجزء 93

🍒 الفصل الأول: بدونك لا اهوى الوجود

نزلت ليليان من الطوموبيل قدام مدرسة الرقص ؛ طلعت الدريجات كتجري باش تدخل يالاه وصلت الباب حتى كانت جرتها يد من كتافها بقوة ، دارت مخلوعة غادي تسب هذا لي جارها حتى كتلقاه يوسف واقف حجبانو مقرونين و باينا عليه معصب
ليليان : يووووسف، أحم خويا يوسف شكادير هنا

يوسف ( جرها بقوة ): تحركي قدامي و غادي نقولك شكاندير هنا

ليليان ( وجعليها يديها بجرة ): بعد أي يدي كتضرني، خليني ندخل نحل أموري بيدي ياك حتى واحد ما بغا يجي معايا

يوسف : غادي تزيدي قدامي بلا شوهة و لا غنفرج فيك هاد الناس كاملين ( جرها بقوة حتى لباب الطوموبيل ، حلها و دفعها ، مشا ركب ف بلاصتو و زاد ) الطريق كلها و هي كتنتر و تضرب فالطوموبيل مجننة محملاتش الطريقة لي تعامل بيها معاها أصلا هي معكسة و مكتحملش لي يفرض عليها شي حاجة و كتبغي تدير غي لي فراسها ، يوسف غير ساكت كيتصنت ليها و هي كتبركم

ليليان :مالك مكتجاوبش، قتلك ردني فين كنت ؛ فين غادي بيا داباااا... هيييي را كنسولك

يوسف : سكتي و لا نلوح مك من ديك الباب

وصلو لواحد المنطقة خاوية وسط الغابة ، و قف الطوموبيل و نزل كيعلي كمايم القاميجة ، ليليان غير شافت المنطقة خاوية دخل معاها الخوف ولات كترعد خصوصا هي معارفاش شخصيتو كي دايرة

ليليان : علاش جايبني هنا و شنو بغيتي مني

يوسف : مكتعرفيش تسكتي؛ نزلي و زيدي كاين بزاف الأمور لي خسنا نتفاهمو عليهم

جرها و دخلها لواحد الكوخ وسط الغابة باين عليه قديم و كلو مغبر، فتح الباب و دخل كيستناها تقدم ، ليليان وجهها رجع صفر بالخلعة متوترة مكرهاتش تدور و تهرب ، رجليها مقادينش يزيدو خطوة للأمام ؛ يوسف دار يديه فجيابو مبتاسم

يوسف : هذا كامل خوف فيك  فين هي الزعامة ديالك

ليليان بصوت مرعود : علاش جايبني لهنا شنو بغيتي مني ، ردني لدارنا

يوسف دخلها بقوة و شعط الباب وراه : قتلك عندنا بزاف دالأمور خسنا نتفاهمو عليهم و ما غادي نخرجو من هنا حتى تكوني فهمتيهم مزيان

ليليان : معندنا علاش نتفاهمو، حل الباب و خليني نمشي و لا نكولها لبابا

يوسف بتاسم و تقدم لعندها : شنو غادي تكوليليه راجلي خداني معاه لكوخ وسط الغابة

ليليان : نتا ماشي راجلي ، راك عارف مزيان غير مدة و غادي نطلقو لهذا خلينا مزيانين حتى لوقت الطلاق

يوسف : هاذ الموضوع علاش جايبك لهنا

ليليان : شنو كتقصد

يوسف : من هنا حتى لوقت الطلاق نتي تحت مسؤوليتي و إسمي و سمعتي وكاين شروط و قوانين غادي تمشي عليهم حتى لداك الوقت ؛ و إذا خدمتي معايا الزيكزاك غادي نندمك على النهار لي تولدتي فيه

ليليان : بشمن صفة غادي تندمني شكون نتا كاع ، عندك مراتك سير فرض عليها شروطك أما أنا مزال ما خلاق لي يتحكم فيا و يمشيني كيف بغا
يوسف قرب ليها و شاد شنايفها بيدو و زير عليهم

يوسف : فمك غادي تسديه و لسانك غادي تسرطيه و نعاود نسمعك كتدوي معايا بهاذ لافاصون غادي تشوفي مني وجه تاني عمرك شفتيه

ليليان عينيها عمرو بالدموع حاسة بالخوف مي مباغاش تبينو لكن فالواقع ضاهر من عينيها بلي مرعوبة

يوسف ضربليها  3 ديال الضربات على خدها : دابا غادي تسمعي مزيان شروطي و فتحي دماغك مزيان حيت مكنعاودش هضرتي  ، هاذ اللبس غادي تبدليه وجهك منعاودش نلقى فيه شي حاجة من هادشي لي دايرة ، مدرسة الرقص غير نسايها  وإذا عندك صحابك دراري غير ودعيهم، من اليوم مكاين خروج و لا دخول إلا بإذني و حتى تشاوري معايا ، حاجة وحدة مغانمنعكش عليها هي قرايتك

ليليان : ما فهمتش علاش هاذ الشروط كاملة فين بغيتي توصل ، ياك نتا مزوج و فرحان مع مرتك و حنا مابقاش بزاف و غنتفارقو و كل واحد غيكمل حياتو كيف بغاها ، علاش دابا جاي كتخطب عليا ؟

يوسف :ياك ما ناسية بلي نتي مزالا مرتي و حاملة إسمي لي مغنسمحلكش بيه بتصرفاتك الصبيانية و يقولو شوفو مرت يوسف كيدايرة

ليليان بابتسامة استهزاء : شكون غادي يقول ياك بفمك قلتي للصحافة زواجنا في إشاعات و أنا غير بنت الدادا رحمة

يوسف : ماشي مهم الهضرة لي كلت المهم هو التطبيق لي غندير و نتي غادي تسمعي الكلام يا بالخاطر يا بالسيف

ليليان : كتحلم

يوسف : دابا نشوفو واش هاذ الحلم غادي يرجعليك كابوس

قاطع هضرتو صوت التيليفون لي مزنزن المكان جبدو من جيبو لقاها ذكرى ، جاوب

ذكرى : يوسف ، ليليان وصلها شيفور لباب المدرسة و معاودش لقاها ملي رجع وراها وأنا غادي نتسطى معرفتهاش فين زادت على الصباح

يوسف : ليليان معايا الواليدة شوية غادي نجيبها بلا متخلعي

ذكرى بابتسامة : ااااااه واخا ا ولدي على خاطركم الوقت لي جااات ماشي مشكل

يوسف  : واخا الواليدة واخااا  (قطع و شاف فيها ) دابا غادي نوصلك للدار حيت عندي منقضي  ؛ و فالعشية نبغيك تجيبيلي لومبلوا ديال قرايتك باش نعرف الساعات لي خسك تخرجي فيهم

ليليان تنهدات عارفة هدرتها مغادي تجيب حتى نتيجة
خرجو من تما ووصلها حتى لباب القصر ، قبل ما تنزل شاف فيها
يوسف  : أنا نبهتك دبا هضرتي نفديها، مانبغيش البسالة و هاذ قصوحية الراس غتحيديها خصوصا معايا أنا

ليليان شافت فيه بتخنزيرة و خرجات و شعطات الباب ، يوسف خرجات من فمو ابتسامة حلوة

يوسف :  مزوج بهبيلة ههه

#يتبع

الدعم؟؟؟؟