العشق السرمدي

الجزء الثاني

🍒 الفصل الأول: بدونك لا اهوى الوجود

سحر : هادشي كان قديم كلشي تبدل ونتا بعينك شفتي
كلشي يمكن كان غير اعجاب فالاول من بعد طلعت ليه فراسو. يمكن كان باغي معامن يضيع الوقت. (مصت من السجارة وطلقت الدخان) هادشي مبقاش مهم كل واحد حر فقراراتو وفحياتو هو رسم طريقو وانا غادا فطريقي

سلمان:ونتي بعد تلت سنين دالحب والغرام مشيتي وعطيته بضهرك بسوهولة نسيتي ايامكم

سحر بصوت عالي وصراخ حاد: شنو بغيتي نديرليه كتااااار من لي درت طلبتووو ترجيتووو بكييييت وقلت ليه عاااافاااك كنبغيك متخلينيش. وهو باش جاوبني. نتي بنسبالي بنت عمي لا غير انا معاقل على حتا ذكرى بيناتنا داكشي ليكان بينا يمكن غير نزوة حاس براسي مقادرش نكمل خلااااني ومشا تزوااااج باكتر وحدة كنكره وكان كيمتل علياا بلي حتا هو كارهها وماحاملهاش وهو كان مخطط يتزوجها ودابا نتا جاي تقوووول  بلي هررربت وخليتو شكون سمح فالآخر انا ولا هو شكون موفااش بالوعد شكون خلا التاني فنص الطريق

سلمان: انا متأكد بلي عصام بيه شيحاجة هو ميمكنش يسمح فيك لخاطرو عصام بيه شيحاجة نهار كنفكرو بشي جيست وقع بيناتكوم كيتصدم مكيتيقش يمكن مريض

سحر: ههههههه مريييض  . وبيني وبينك لي مريض كمرض بين ليلة ونهار .بليل كان معنقني وكنخططو لزواجنا ليبقا ليه شهر  غير صبح الحال لغا علاقتنا ولاحني وراه. وعرسي لخططت ليه بكل حماس وفرحة وكنحلم بنهار لي نكون فيه عروسة خلاني وراه وجاب القح*بة د اماني عروسة بلاصتي ونتا دابا جاي كتلومنييييي اه حكا كان عليك تحاربي شنوووو نحااارب . نحارب الوهم نحارب الامر الواقع لي تحطيت فيه نبقا جالسة نحضر عرسو ونبارك ليه

#يتبع