العشق السرمدي

الجزء 90

🍒 الفصل الأول: بدونك لا اهوى الوجود

هز تيليفونو وخرج مخليها غارقة ف دموعها وجهها ولا كئيب والأمل  لي كان عندها  داس عليه و مزقو طروفا كتبكي و تشهق على زهرها لي معندهاش على الحياة لي معطاتهاش و على الوحدة لي راجعة ليها من جديد
خرجات من جناحو و رجعات لغرفتها محبطة حزينة مألمة ...أي كلمة خايبة مكافياش باش توصف نفسيتها دابا ، آه هي هانت راسها ولكن حيت كانت عارفة بلي الحب لي كان بيناتهم مستحيل كان يكون نزوة ، و لكن دابا ملي جرحها بكلامو جا الوقت باش تجمع شتات كرامتها و تدوس على قلبها و تمشي حيت وجودها هنا مغاديش يفيدنا بوالو من غير أنه غادي يزيد يدمرها . وداكشي لي دارت على غذا جمعات باليزتها و رجعات لأمريكا عائلتها عياو يمنعوها و مرات عمها ذكرى عيات تبكي وتمنعها ، ولكن مافيدهم ميديرو حيت هي كلمات 18 عام ومن حقها تدير لي بغات بالخصوص هي عندها جنسية أمريكية يعني القوانين صارمة فهاد الموضوع .
*عودة*
فيقها من سهوتها صوت تيليفونها كيصوني ، مسحت الدمعة لي كانت غلباتها وحلفت حتى تنزل تسقي جفونها وجاوبات...

سحر :وي دانييل

دانييل : سحر سافا . وصلتي مزيان

سحر :  طوب نتا أمورك هانية

دانييل : صافا صافا ، إمتى راجعة

سحر : باقي عندي شي شغال هنا نكملهم ونجي

دانييل : أوكي ، بعدا حليتي الموضوع لي نزلتي على قبلو بالي بقا معاك

سحر: آه الأمور كلها تحلات ، شكراا دانييل

دان: مزيان ، من لهنا لفوق الطريق ملكك ديري فيها لي بغيتي بلا متضربي هم

سحر: مكاينش شي حاجة ملكي ، التكاليف ديال الطريق أنا لي غادي ندفعهم من دخلي الخاص

دان : لا ديجا هدرنا فهاذ الموضوع را ما بيناتناش

سحر: نتا عارفني مكنقبل الصدقة من عند حتى حد و شغالي أنا واقفة عليهم ، شكرا بزاف غي هدرتك راك بحالا درتيها ، غي هي نطلب منك طلب ، خبر الدرك باش مايشدو من شركة عصام حتى دولار أنا غادي نتكلف بكولشي ...

دانييل  : أوكي ، نتي تعرفي مايكون غا لي بغيتيه
قطعت الإتصال

،هي مهامهاش تخسر من فلوسها الخاصة ومتخليهش يدفع ،و أصلا كان فإمكانها تحل المشكل بطرق أخرى بلا متدخل شركتو فالموضوع ، ولكن همها كان هو أنها تستهزئ منو و تستخف بيه باش ترضي و لو شوية نفسها بسباب العذاب لي دوز عليها...
وقفات واتاجهات لغرفتها مرة أخرى في محاولة جديدة باش تغلب أرقها  ...