العشق السرمدي

الجزء 141

🍒 الفصل الأول: بدونك لا اهوى الوجود

براءة: خووويا

فلاش باك

العائلة كلها واقفين فكولوار كيساينو عصام لي كغيرو ليه حوايجو وكيلبسو ليه كسوة العمليات . عصام لي كان مأخرا مرض بمرض الفشل الكلوي دوز مدة وهو معدب بالدوايات والتصفية حتا فشلو ليه الكليات بجوج شي لي خلا الأطباء يسارعو باش يلقاو ليه كلية مناسبة. خوتو و ولاد عمتو دارو التحاليل لكن كليتهم ماكانتش مناسبة  وحتا الكبارين فحال ذكرى ومراد وبلقيس وياسين ماقدروش يتبرعو حيت سنهم غير مناسب.

مادازتش 24 ساعة حتى جا طبيب يخبرهم بلي لقا متبرع . سحر لي كانت عيطات ليها ذكرى كتبكي وترغبها تجي تشوف عصام وتسامح معاه حيت كان بين الحياة والموت . وسحر رفضات بسبب عندها خدمة كتيرة لكن  فالأصل  هي غير سمعت الخبار سارعات لأقرب مستشفى ليها دارت جميع التحاليل مادازتش 24 ساعة حتى كانت  فالمغرب قدام لوبيطال  كانت الساعة 5 صباحا. دخلات من باب الخلفي للمستشفى نيشان عند الدكتور لي مكلف بعصام.  لي غير شاف التحاليل عطا الإذن يبداو تجهيزات العملية. 

جهزو عصام وخرجوه من الغرفة قدام العائلة كلها. كلشي كيبكي خيفانين عليه حتى وصلوه لغرفة العمليات تسالمو معاه كلهم وذكرى لي كانت حالتها حالة كلشي كيبكي ويدعي معاه يرجع ليهم سالم . دخلوه القاعة العمليات وشعلو الضوء الأحمر فالباب بمعنى ممنوع الدخول . حطوه فبلاصتو وبدا دكتور التخذير فخدمتو عطاه الجرعة المناسبة لي خلاتو يسد عينيه هو أصلا كان فاشل حال عينو وهو غايب بين الحياة والموت. غير المخذر لعب دورو ونعس. توجه الدكتور لباب أخرى وسط القاعة حلها وخرجات منها سحر لابسة حتى هي  كسوة خاصة بالعمليات وبوني فراسها جامعة بيه شعرها خرجت كتمشى بشوية كلها كترعد حتى وصلات لسرير لي ناعس فيه . وقفات قدام راسو قلبها كان كيضرب بقوة. مامتيقااش هدا هو حبيبها. هدا الهيرو ديالها القوي شافت فالطبيب

سحر: واخا تعطيني دقيقة

الطبيب حرك ليها راسو بتفضلي

سحر  تحنات عليه ومدات يديها لي كيترعدو. شدت فوجههو بحنان عينيها عمارو بالدموع

سحر: حبيبي ..عمري ..رووحي ..توحشتك بزاااااف ماتصورش شحال معدبة بلا بيك. حياتي ماموالفاكش هاكا كنتي ديما البطل ديالي وديما غادي تبقا ماي هيرو. (عينيها بداو كيقطرو على حنكو) ، قدرت نتحمل بعدك عليا واخا قلبي كيتقطع على فراقك ولكن الحاجة لي مصبراني هي أنك عايش و فرحان ، حياتي بلا بيك ضلام علاش نتا مصر تضلمها عليا كتر.  أنا ضحيت بسعادتي و دفنت راسي و فرحتي باش نخليك مرتاح فحياتك و مانخنقكش بحالي قلتيلي ، أنا حرقت راسي و حرقت ضحكتي لسنين باش تكون نتا ضاحك (كتشهق و صوتها مخنوق بزز باش كيخرج) ، هادشي كلو درتو و لي مصبرني أنك فرحان ولكن باش نتخايل أنه ممكن توقعلك شي حاجة هادي مستحيل ، إذا مشيتي نتا من هاد الدنيا شنو غادي نبقى ندير أنا فيها؟؟ ،نتا عندك ماماك باباك خوتك (زيرات على قلبها ) عندك مراتك ؛ و أنا؟ أنا شكون عندي ؟

( دموعها كيسيلو ) أنا علاش غادي نعيش ؛ حتا حاجة مامخلياني عايشة من غير الوهم و شبح الذكريات لي خانقيني ، حتا حاجة مكترسملي الإبتسامة من غير التصاور لي بيناتنا و الميساجات د سنين لي فين مكتضيق بيا الدنيا كنرجع نقراهم و نضحك بحالا أول مرة نقراهم ، كنتخايل بحالا راك كتسايني نجاوبك حتى كتجيني صفعة من الواقع بلي هادشي مكاينش و بلي كلشي سالا ؛؛ و لكن  (بدات كتبكي) هئ هئ ولكن ماشي مهم ؛ المهم هو أنني تيقت الوهم و لو لثانية و ضحكت و لو لثانية؛ أما إذا مشيتي حتا نتا و تدفنو ذكرياتي معاك أنا مستحيل باقا نعيش أنا غادي ندفن راسي معاك ؛ مستعدة نعطيك روحي باش نتا تعيش ماشي غير كليتي إذا حتاجتيهم حتا بجوج نعطيهم ليك ؛ قلبي نهديهلك واخا محروق و ماعندو فين يفيدك

( الدموع مازالين غي هابطين شلال) ؛ واخا نتا هنتيني جريتي عليا وخليتيني فنص طريق بوحدي كنحارب ونتا عارفني بوحدي ماعندي لا حنين ولا رحيم .  واخا هادشي كلو درتيه ماشي مشكل انا نسيت انا فهاد اللحضة نسيت كلشي أنا عاقلة عليك غييير نتا. أهئ هننن (ببكاء) أنا باغاك غير نتااااا أهننننن متخلينيييش احيااتيييي . ماشي مهم تنفيني ونكون بعيدة عليك لكن أهم حاجة نكونو بجوج فهاد الدنيا هادشيي كافينيي

( شدات ليه حناكو وتحنات كتبوسهم ليه وهي غادي تجنن بلبكا) كافيني احبيبي كافيني نكونو بجوج كنتنفسو ومشاركين الهواء . غادي نفد كلامك ونبقا ديمة بعيدة عليك ومانوريكش كمارتي لكن فالمقابل مابغيتش نشوفك فهاد الحالة بغيتك توقف على رجليك بغيتك تعيش حياتك ( بصوت مخنوق) تدير وليداتك مع المراة لي ختارها قلبك هئ هئ واخا مابغيتينيش لكن انا ماعندي ماندير قلبيي بغااااك  هنننننن  تنفسات بعمق وسط عنقو كتشم ريحتو باش تشبع منها نتا غادي تبرى أ حبيبي ؛ غادي تنوض من جديد أ حياتي و تفرح عائلتك لي كتساينك  برا ( ناضت باستليه جبهتو) ،كنبغيييييك وغادي نبقا ديمة كنبغيك ❤🙏