العشق السرمدي

الجزء 184

🍒 الفصل الأول: بدونك لا اهوى الوجود

سحر غير سمعت كلامو طلقاتو دخل وسد الباب وهي دارت ضهرها على الحيط وجلسات فالأرض السوفل ماعندهااش . جبدات تيليفونها بزز من جيبها علمات العائلة وبقات كتنتاضرهم. وما أصعب الإنتضار خصوصا ملي كيكون بالك كلو مع داك الحاجة الدقيقة كتجيك أعوام وسنين .بقات فداك الحاالة حتى جاات العائلة كلها .كلهم واقفين هالي كيبكي وهالي كيسولها وهي ماشي فهاد العالم مهبطة راسها نالأرض ماكاتحركش وماكاتجاوب حد .عقلها واقف كيساين غير باب الإنعاش يتفتح ويخرج منو شي حد .

بقاو على ديك الحالة ساعة . ساعة دالرعب والخوف  القاتل وا أخيرا خرج الطبيب غير تفتحات الباب سحر علات راسها و وقفات

مراد:دكتور مالو ولدي

ذكرى: كيف دايرة حالتو مزيان دابا

الدكتور: حالتو حاليا مستقرة غادي يبقا تحت العناية 24 ساعة حتى نتأكدو من حالتو

مراد: وشنو طراليه

الدكتور : هادشي لي بغيت ندوى معاك فيه تفضل معايا
مشاو نالمكتب وسحر تابعاهم بلا ماتنطق بحرف. غير دخلو دخلات حتى هي وجلسات

مراد: دكتور طمني ولدي مالو شنو لي خلاه يوصل لهاد الحالة

الدكتور: الصراحة ولدك وقعليه تسمم حاد فالدم ديالو بسباب أوفر دوز ديال شي مادة

مراد" أوفر دوز . ديالاش شمن مادة

الدكتور: هادا هو المشكيل المادة معرفناش شنو هي وماعندنا عليها حتى معلومة . واخا خرجات فالتحاليل غير حيت كانت الجرعة زايدة لو كانت الكمية قليلة ماكانتش غادي تبان فالدم

سحر غير كتصنت مانطقات بوالو

مراد: شنوو يقدر يكون نوع من المخذرات

الدكتور: تو تو لو كان نوع من المخذرات كنا غادي نعرفوه هاد المادة مامعروفاش وخاصها تحليل خاص وناس إختصاصيين فالضومين باش يقدرو يعرفو خصاصيات المادة ولاش كتصلاح

مراد: إذن ديرو لي عليكم لمهم نعرف شنو هاد المادة

الدكتور: غادي تصيفطو الدم ديالو لفرنسا باش يتحلل

سحر كانت كتصنت غير سالا الدكتور كلامو زدقاات واقفة خرجات من المكتب ومن المستشفى كلها ركبات فطوموبيلتها ردات راسها لور وغمضات عينيها كتذكر  المشاهد لي دازو قدامها