العشق السرمدي

الجزء 98

🍒 الفصل الأول: بدونك لا اهوى الوجود

فنفس الصباح كانت ناضت سحر بكري لبست صورفيت ديال السبور فالأسود لونها المفضل ، علات شعرها كوب شوفال دارت ليزييات وخرجات كتجري فأنحاء  القصر  جنب البحر ، دارت سبور صباحي من حركات وجرى ، و ملي حست بلي جهدت على راسها نقصت من الوتيرة دجرى و بدات كتتمشى راجعة للقصر وهي كتصنت على الموسيقى عايشة فعالم تاني غير بوحدها ، كل مرة كيجيوها أفكار لي كتحاول تتطردهم وماتفكرش فيهم ولكن هاد الأفكار ولاو عندها إدمان ديما شاغلينها ، باقا هاكااك حتى حسات ب شي واحد كيتمشى جنبها بنفس خطواتها

الشخص : ما سحابليش كيعجبك تديري السبور بكري

سحر دارت شافت فيه و هبطات لكاسك  : إكسكيووووزمي ، واش قلتي شي حاجة

ماد ليها يدو يسلم عليها: نعرفك ب راسي ، معاك أيمن الماليكي

سحر مدات يديها مستغربة سلمات عليه : سمحليا ولكن واش كتعرفني

أيمن : أكيد كنعرفك ، مادموزيل سحر غنية على التعريف نتي لي واقيلة ماعقلتيش عليا

سحر : الصراحة ماعقلتش عليك

أيمن: عارفك مغاديش تعقلي، حيت مدة طويلة ماتشاوفنا

حكات حاجبها بإحراج: ممكن تعرفلي براسك

أيمن : معاك أيمن ولد سليم صاحب باباك الله يرحمو

سحر بقات مدة كتتفكر شوية تكلماااات بابتسامة : آاااااااااه عقلت عمي سليم ، باباك كي داير لاباس عليه

أيمن : مااات الله يرحمو مشى يتلقى أعز صاحب عندو

شافت فيه بحزن و أسى : الله يرحمو ، سمحلي حيت فكرتك فيه

أيمن : لا عادي ماتديريش ف بالك ، شنو واش جيتي ستاقريتي هنا

سحر بدات كتتمشى بشوية و هو حداها : مازاال ما مأكداش  100% نقدر نستقر و نقدر نرجع

أيمن:أحسن حاجة غاديري هي تستقري هنا
سحر: يكون خير

ايمن: تبدلتي بزاااف كبرتي ووليتي انسانة هادية شحال هادا كنت لوقت لي جيت عندكم كنلقاك دايرة روينة بالصداع والهضرة.  دابا كاتجاوبي على قد السؤال

سحر: هادي هيا الحياة حتا حاجة ماكاتبقا على طبعها ..
لمهم نتشاوفو فرصة تانية مشغولة دابا
خلاتو وزادت خطوات حتا عاود هضر

ايمن: ممكن رقم التليفون نقدر نحتاجك فشي حاجة بخصوص شركات الوليد الله يرحمو

سحر: رقم الشركة معروف غير تاصل وغادي يوصلوك ليا

ايمن :احم قصدت رقمك الخاص

سحر بقات كتشووف فيه دارت ابتسامة ورجعات تكمل طريقها دخلت لقصر لقات ذكرى واقفة مع رئيسة الخدم كتشوف قائمة ديال الفطور شافتها تبسمات وتقدمات عندها

سحر:ماما صباح النور

ذكرى :صباح النور بنوتي

سحر: هههه كتضحكيني بهاد بنوتي كتحسسيني بحالا مازال صغيرة

ذكرى بابتسامة:نتي اصلا مازالة صغيرة . ديمة غادي نبقا نشوفك بنوتي الصغيورة البكاية

سحر:شوفيني كيف بغيتي إلا البكاية ماغاتجيليش مع الهيئة

هوما مازالين كيهدرو حتا دخلت أماني حتا هي من باب القصر

شافت فيها ذكرى مستغربة :فين كنتي على الصباح

اماني:  كنت غير كندير السبور اخالتي

ذكرى قلبت عينيها  طلعاتها وهبطاتها بعينيها : وفين حوايج السبور. كديري السبور بالجينز

اماني: احم لا كنت غادي ندير سبور انا وعصام مي صباح راسو دارو وخرجت نتمشا شوية

سحر ماشافتش فيها تخطاتها وطلعات
ذكرى: بنتي سحر دوشي ونزلي تفطري معانا
سحر: واخا ماما