العشق السرمدي

الجزء 182

🍒 الفصل الأول: بدونك لا اهوى الوجود

غدا فالصباح  فاقت سحر لبسات حوايج الخروج سروال جينز وتيشرط فالأبيض وسبرديلة بيضة خرجات وركبات فطموبيلتها مكسيريا جيهة القهوة لي غادي تلاقا فيها أيمن . لي من البارح وهو كيطلب فيها تعطيه فرصة يتقرب منها ويعرفها على نفسو وقفات الطموبيل قدام القهوة ودخلات واتقة من نفسها
أيمن غير شافها وقف يسلم عليها . مدات ليه يديه وهو شدها وبغا يقربها ليه باش يسلم عليها من لوجه لكن هي بعدات وجهها

أيمن: فرحت بزااف ملي جيتي

سحر: حاولت نسمع هدرتك ونعطيك فرصة تعرفني براسك

أيمن : كنواعدك ماغاتندميش .جلسي

سحر تنهدات وجلسات واخا فوق طاقتها

أيمن: شنو تشربي فحال ديمة قهوة كحلة

سحر حركات راسها: امممم

عيط على سيرفور طلب جوج قهوات ورجع كيشوف فيها مبتاسم

أيمن : نعرفك براسي واخا كتعرفيني مزياان. أنا أيمن فعمري 32 سنة كنوجد الدكتورة فالإقتصاد والوحيد عند واليديا ودابا شاد شركات الأب ديالي الله يرحمو

سحر: امممم متشرفين

(جا سيرفور حط القهوة)

أيمن: ونتي ماتعرفينيش براسك

سحر هزات كأس دالقهوة رشفات منها: نتا كتعرف عليا كلشي. وأكيد كتعرف عليا ماكانبغيش الهدرة بزاااف

أيمن ضحك من الحشمة فحالا هدرت عليه ومعنات ليه بلي ماكاتبغيش الراجل يكون كيهضر بزااف

أيمن: ههههه لي عارف كنتي ماتسكتيش من الهضرة وخصوصا الغناء كنتي ديما كتغني

سحر: كنت

أيمن: يعني ماتقدريش شي نهار تغني ليا

سحر شافت فيه بتخنزيرة ومطلعا حاجبها. بدأ يطلع ليها الدم. ندمات علاش جات

أيمن: أحم بغيت نقولك نهار نتزوجو ماغادي ينقصك معايا حتى خير. طلباتك كلها غادي تنفد. غادي كوني أميرة فداري خاصك غير توافقي

سحر: نجيك صريحة ماغاديش نواعدك.دابا غادي نعطي فرصة ندخلو فعلاقة لكن ماشي رسمية. حتا نعرفو بعضياتنا مزياان ونهار نتأكد من قراري نديروها رسمية

أيمن ضحك  بفرحة: ششنو  . يعني دابا أنا وياك فعلاقة

سحر بتاسمات ليه باينة فيه دريوش : علاقة لكن ماشي رسمية

أيمن عينو ولاو كيبريو بالفرحة شدليها يديها وباسهم: شكرا شكرا فرحت بزااااف. كنواعدك ماغاتندميش
سحر جمعات يديها بإبتسامة: كنتمنى

هزات كأس القهوة كترشف منو وقلبات عينيها كتشوف جيهة الشرجم. بقات مدة كتشوف وقلبات عينيها ملي سمعات أيمن كيهدر . غير قلبات عينيها وقفات رشفة القهوة ففمها وعينيها خرجو بسرعة عاودات كتشوف جيهة الشارع غير شافت شكون طاح ليها الكأس من يديها وناضت كتجري. خارجة تابعاه كتجري وأيمن حتى هو خلص وتبعها

غير وصلات عندو شداتو من دراعو ودوراتو. عينيها خرجو من الصدمة . كان حوايجو مقطعين وجهو صفر حفيان فرجليه  مالابسش صباط. حالتو ماشي طبيعية غير كيهضر وكيخربق  بفمو بحال شي حمق  كيقطع فالقلب

سحر بقات مشوكيا عينيها خارجين مامتيقاش هادشي لي كتشوف وتمتمات بفمها: عصاااااام

#يتبع 😁

ياااالاه أنا مشيت تباتو فراحة الله🚶‍♀️🚶‍♀️🚶‍♀️