العشق السرمدي

الجزء 48

🍒 الفصل الأول: بدونك لا اهوى الوجود

عصام مداهاش فكلامو مصر يعصبو: شنو ضهرلك أليليان نتوكلو على الله غدا

يوسف عض على سنانو مغدد ماكرهش ينوض يجمع معاه لفم عارفو فهم البلان وكيستفزو بلعاني،  شاف فليليان مطلع حاجب ومنزل لاخر بتخنزيرة كيتساين جوابها

ليليان ولات حمرة ومتوترة: احمم لا اخويا هو احم بصح سلمان قريب ليا وأكتر واحد كيفهمني ولكن كنعتابرو خويا لا غير

يوسف هبط حاجبو ملي سمع جوابها ولكن بقا مخنز كيفاش هاد قريب ليها واكتر واحد كيفهمها حس براسو تشمت هاد ربع سنين ملي ماكانش حداها خلا وحدين خرين قراب ليها كتر منو هو واخا خوتو و ولاد عمتو بحال خوتو ولكن الغيرة بقات شاعلة فيه من جيهتهم

سلمان شاف فليليان لقا خدودها غادي يطرطقو بالحمورية ضحك عليها : هههههههه حمقة

ذكرى: كون معارفاكمش معتبرينها ختكم الصغيرة كون تقت بيكم

مراد حرك راسو بلا حول وكمل كلامو: يوسف ملي تطلقو غادي تدير ندوة صحفية تعلن فيها على زواجك ب اندريا حيت الصحافة من البارحة وهوما كينبشو فهاد الموضوع ، وشنو ناوي دير من بعد غادي تبقا هنا ولا راجع؟

يوسف شاف فليليان : احمم  مازااال شوية

مراد: وامتا غادي تبدا فالإجراءات ديال الطلاق

يوسف بقا مدة وهو ساكت عاد نطق: ماغادييش نطلقها

كلشي حل عينيه من الصدمة 
مراد:شنو كتقصد نتا واش كنلعبو هنا

عصام: يمكن بدل رأيو دابا

يوسف حك فجبهتو متوتر : ماغاديش نطلقها حتا تكمل 18 سنة ياك هادا كان اتفاقنا

عصام بضحكة:ياك ماكنتيش قادر تصبر حتى لداك الوقت

يوسف :فكرت ادا طلقتها قبل 18 سنة يقدر باباها يطالب بيها

عصام:  اممم ونتا بقات فيك

يوسف شاف فيه مخنزر: حسبها كيف بغيتي

مراد: امممم فهمت ،  (وجه كلامو ليليان ) نتي عارفة مكانتك فهاد الدار مكتقل على تاحد فيهم نتي بنتي وبنت ذكرى وهادي دارك بحالك بحالهم من بعد الطلاق منبغيش يوقع بيناتكم شي مشكل ولا حساسيات من اليوم عتابري يوسف خوووووك بحالو بحال عصام وسلمان نتي مزال صغيرة والحياة مزااال قدامك هادي ماشي نهاية الدنيا ، متفاهميييين

ليليان بتاسمات: كون هاني ابابا ماتخاف والو
يوسف مكيسمع والو منغيير خووك  خووك ههههه

ليليان مسحات فمها برقة:  كنعتاذر منكم خاصني نعس غدا نايضا بكري

عصام: علاش فين غادا ياك عطلة

ليليان: احم لاخويا غير عندي تماريين لايس دانس

يوسف غير حاضيها ومركز مع كلامها

ليليان:  ماما عافاك شوفيلي سليمة ترجع ليا الحوايج لي كنت نقلت لبيت خوياااا يووسف

يوسف بدأ كيكحب حتا تقج

ذكر: واخا ماما غادي نقولها ليها

ليليان بتاسماتلها وناضت طالعة فالدروج ويوسف حاضيها كيتمتم: نهار نشد مك تحتي نحو*ييك  نورييك خوياا كيدايرا

ماشي غير عينين يوسف ليكانو حاضينها حتا عينيين اندريا ملي شافتها وهي حاضيااها وكتطلع وتهبط فيها فالنهاية بتاسمات منعرف لاش كتخطط