العشق السرمدي

الجزء 133

🍒 الفصل الأول: بدونك لا اهوى الوجود

ليليان بتوتر وحشمة واش نتا مريض انا نولد ليك راه
مايمكنش

يوسف بتاسم وغمزها: ماشي دابا حتى نسرح الطريق منين يدوز ولدي

ليليان رجعت حمرة غير كتفتف شافت فيه مخنزرة : حيوااان.  جات تهرب باش تخرج حتى لقات راسها مزدوحة فوق الفراش وهو فوقها مكتفها ماعندهاش كيفاش التحرك

يوسف : هاد المرة غادي ندوزهاليك حيت مريضة المرة التانية شنايفك نقطعهم ليك

ليليان كتنتر:بعد من فوقي و لي فجهدك ديرو هادشي ادا قديتي

يوسف زاد رخا نفسو فوقها حتى تقل عليها: شنو بانلك نبين ليك دابا . المشكل ماعنديش باش نقطعمهم( بتاسم) شنو ضهرليك نقطعهم بسناني امممم

ليليان متوترة من قربو ومن ريحتو لي غلغلت نيفها مكرهتش تعنقو ماكرهتش تقوليه هاهما شنايفي غززهم وقطعهم كيف بغيتي لكن عزة نفسها ماكاتسمحش ليها تنسا  شنو دار فيها والإهانة لي دار ليها

هو زاد قرب ليها حتى فصل بينهم ميليمترات قليلة كيستعد يشد شفايفها ب فمو.
فنفس اللحضة جبدات يديها بصعوبة حيت كان مكتفها وحطاتها على فمها

يوسف شاف شنو دارت بتاسم وغمزها :حتى انا ماشي مزروب  ماغاديش نبوس فمك حتى تجي تبوسيني نتي  تحنى وباس يديها لي حاطة على فمها  وبعد من فوقها كيتمشي جيهة الباب خارج

ليليان بقات كتشوف فيه مصدومة كيفاش تاتبوسو هي شنو هاد التقة فالنفس لي عندو
بقات كتشوف فيه وهو خارج بدون شعور بتاسمات وعضات على شنايفها .لكن لي فيها مامهنيها ضاروري تجاوب

ليليان: كتحلم

يوسف دار بسرعة لقاها مبتاسمة لكن دغيا قلبات سيفتها وخنزرات . ضحك على هبالها: هادا تاني حلم غادي نحققو من بعد كلمة كنبغيك لى قريب تقوليها

ليليان بتحدي:وأنا سبق ليا قلت ليك واخا تنطابق السماء مع الأرض ماغاديش تسمعها

يوسف:وأنا ماغادي نتهنا حتى نسمعها. دابا نعسي ورتاحي وماتخرجيش من هاد البيت هانا نبهتك

ليليان جات تنطق حتى كان خرج وشد الباب خلاها مغددة

ليليان: ماشي ليليان لي كتسمع الهضرة اسي يوسف

لتحت فالجردة كان جالس سلمان مسترخي على الأريكة و جالسة حداه سحر شادة كاس د الويسكي و سيجارة فيديها كتمص منها و كتنفخ الدخان

سلمان تأفأف: سحر الله يهديك شنو هادشي كتديري
سحر شافت فيه بنص عين :شنو كاندير تاني

سلمان : كتكمي كارو فوسط القصر نقدر نتغاضى عليها و لكن باش تشدي كاس د الويسكي و نتي عارفة قوانين عمي ممنوع يدخل الشراب للدار حشومة

شافت فيه و بتاسمات باستهزاء : بغيتيني نكون منافقة.. ياك كلهم عارفيني كنشرب و أنا ماشي من النوع لي كنخبي عيوبي

سلمان : هانتي قلتيها عيوبك يعني حاولي تصلحيهم و را فيدك كلشي

سحر : ما فيدي والو أ سلمان فقدت السيطرة على نفسي شحال هذا

سلمان : بالعكس كلشي ممكن  قادرة ترجعي سحر د شحال هذا غي نتي مصرة تدفنيها

سحر : هاديك سحر مانفعتني فوالو من غير البكا و التنخصيص هاذ سحر هي لي مخلياني متشبتة بالحياة

سلمان : و هاذي حياة فنضرك

سحر : أهم حاجة مازال مكنفكرش  فاللإنتحار

قاطعهم يوسف و هو كيضحك : أنا هاذ الساعة لي كنفكر فالإنتحار

شافت فيه سحر و ابتاسمات : الفنكوشة غادي تصطيك

هو تنهد و جلس قدامهم : سطاتني أبنت عمي سطاتني ماشي عاد غادي تديرها

سلمان: مازال مافهمت والو فهاذ البلان ياك نتا ماباغيهاش

يوسف : كنت شحال هاذي قبل مانشوفها من نهار شفتها عقلي طار معاها

سلمان : أكيد ليليان مغتدوزهاش لك  بالساهل ، ماشي دغيا غادي تنسى شنو درتي قدامنا

يوسف : حبي ليها هو لي غادي ينسيها

سلمان : زعما الحب زوين حتى لهاذ الدرجة

سحر سهات كتشوف بعيد و تكلمات : زويين بزااف و لكن عذابو  كتر ماكتصور

شافو فيها سلمان و يوسف بنضرات أسى و حزن ، و زادو عضو على شنوفتهم ملي شافو عصام واقف بعيد فالبلاصة لي ساهية فيها سحر كيدوي فالتيليفون ، كمل مكالمتو  و دار غادي بحالو حتى وقفو يوسف ملي عيطلو ، تقدم عندهم ووقف عليهم و هو مخنزر كيشوف فسحر لي شادة الشراب وسط القصر بلا حشمة بلا حيا و هضر بعصبية

عصام : شنو بغيتي نتااا

يوسف : جلس معانا أصاحبي شوية

عصام : لا عيان غادي نطلع نرتاح

يوسف : جلس أ صاحبي من شحال ماتجمعنا مع بعضنا و منها نيت ناقشو فأمور المشروع الجديد

عصام : لا المكان و لا الوقت مناسب باش نجلس ، و حتى الأشخاص مامناسبينش

سلمان : لمن كتوجه كلامك