العشق السرمدي

الجزء 187

🍒 الفصل الأول: بدونك لا اهوى الوجود

خارج من المطار هاز غير ساك ف ضهرو حيت ملي وصل الخبار مادركش يفكر هز غير الحاجات الضرورية ووراقو و خرج، غادي و عقلو ماشي معاه، تفكيرو كلو ف الكلام لي قالت سحر، مالو عصام و شنو طرالو شنو هي الحاجة لي غادي تخلي  سحر تقصدو كحل لمشكلتها من دون أفراد العائلة ولكن سحر عارفة مزيان علاش اتصالات به حيت هو الراجل لي مستعد يقتل فسبيل عائلتو و ديجا عملها، عارفة بلي أفكارو و قوتو هما الوحيدين لي غادي يعاونوها باش تعرف أصل المشكلة و تحلها، خارج بملامحو الجدية لي كتعطي الهبة لأي واحد شافو .ملامح سمراء رجولية بامتياز و طول مع جسم رجولي ، مشية كتعطي إنذار لأي واحد شاف فيه وكتوحي أنك إذا حاولتي تلعب معاه يجمعك و يطويك و تا حد مايسيقلك  الخبار، هو "' فهد مرتضى
فهد الإنسان الصارم لي تخنزيرتو ديما على وجهو الإنسان  الحالم شخصية غريبة مامفهوماش متقمص عدة شخصيات و حنا دورنا بحال لي درنا مع الكل الأبطال نجردوه من الشخصيات لي متقمصهم و نبينو جوهرو الحقيقي، لكن المعروف انه إنسان عصبي وإذا تجرأ شي حد يقرب ليه ولا لمحيطو  كيكشر على نيابو ويحمي الناس لي قرابين ليه، فهد مرتضى الإنسان القوي و المغرور ماكيفهمش بالكلام كيعرف غير لقتيلة والضرب كاره للجنس اللطيف وماعندوش فيهم الثقة من غير نساء عائلتو لي يهزهم برموشو وأسبابو غامضة وحتى حد ماكيعرفها  الشخصية الفريدة من نوعها  و بطبيعة الحال نصفو الثاني خاصها تكون فريدة حتا هي من نوعها ومختافة على كااع البنات

من بعد ما خدينا فكرة على بطلنا الجديد لي غادي يبرز فالأحداث الجاية نرجعو لقصتنا، خرج من المطار جبد تيليفونو من جيبو و دوز اتصال حتا جاوبو الطرف الآخر

فهد : وي سحر... اه وصلت فينك واش فالقصر شنو واقع؟... واخا غادي ندوز عندك للديبو و شرحيلي.

وسط الديبو كاين فمنطقة خالية بعيدة على الناس داير بيها غير الشجر ماكاينش السكان وماكاينش حس بنادم .
جالسة سحر على كرسي ودايرة ر جلها فوق كرسي تاني راضة راسها لور وفيديها تيليفون كتلعب بيه وقبالتها أماني مربوطة فالحيط كل يد فجيه وكل رجل فجيه ملامحها باينين مضروبين عينيها زرقة وشنوفتها منفوخة وكيسيل منها الدم .

(من بعد ما سمعاتها سحر كتهدر فتيلي ضرباتها لراسها حتى فقدات الوعي وجراتها لطوووبيل وخشاتها ف لكوفر وخرجت من القصر)

أماني كتهضر بصعوبة : ش شنو كديري نتيي علاااش شاداني هنا

سحر علات راسها شافت فيها وبتاسمات : غير موحشاك وبغيتك تونسيني هنا مع كتعرفني مليت من الوحدانية

أماني: فكيني ولا مايعجبك حال غادي يفيق عصام ويعرف شنو طاري ليا والله حتى يقتلك

سحر : هههههه هاداك غير خليه حسابو معايا هو لخر لي وافق يدخل لحياتو خانزة فحالك

أماني: ماكايناش خانزة قدك. القح*بة لخرى

سحر وقفات وهي مبتاسمة وتقدمات عندها ببطئ حتى وصلات قدام وجها عينيها فعينيها : شنو قلتي ازوينة

أماني شافت فيها بتحدي ونطقات : ق ح ب ة
ماجات تكمل كلامها حتى جاتها ضربة لنيفها  برأس سحر زنفراتها حتى داخت والدمايات بداو هابطين من نيفها بدون توقف حتى وصلو لحوايجها ساقيينهم

سحر شداتها من شعرها حتى الجلدة دراسها كانت غادي تطير : مازال ماكاتعرفي لعدو ربك سحر شنو كتسوى ماشي كنت ساكتة ليك ومخلياك تتزنزني فوق راسي كي الدبانة  زعمة راني ماقاداش عليك راه رجاااال بشلاغمهم كاويت  ديل*مهم بقيتيليا غير نتي أعود السبسي . ماشي حسابليك كبرت فعائلة غنية غادي نكون خوافة والله يادين مك ماغادي تخرجي من هنا حتى ندوز عليك العاذاب لي عمرك شتييه. غادي نخليك غير تسمعي سمية سحر تبوووولي فسروالك داكشيي لي دااز عليااا بسباااابك ليووووم غادي نفديه فيك
أماني عينيها كيتقلبو الضربة كانت قوية دوخاتها : ش ش نوو .بغيتي مني

سحر بإبتسامة: نجلس ديلم*ك على القرعة ..
جراتها من شعرها وضربات ليها راسها مع الحيط حتى دار الصوت وفقدت الوعي ..سحر طلقت من شعرها مخليا راس أماني طايح ومعلق فالهوى

سحر: ماغادي نتهنى حتى نعرف كلشي وندوز على ديل*مك  عداب تازمامرت غير حتى يوصل