حب نتيجة خطأ طبي

الجزء الثاني

داز الوقت

زمرد يالاه سالات جمعات كتوبتها وهيا تسمع الدقان فالباب مشات تحل كان باباها لي كان عاد راجع من الخدمة

زمرد لي بتاسمات وباست يد باباها

زمرد: بابا على سلامتك
سي براهيم: (  لي كان راجل فالخمسينات من عمرو ضريف الله يعمر ليه الدار)الله يسلمك ابنتي
زمرد: دخل ابابا ترتاح دخل

دخلو سدو الباب زمرد لي مشات تعاون ماماها يحطو العشا ، هيا هاديك حطو تعشاو وكل واحد تاجه لغرفتو

*عند فاطمة وسي براهيم*

فاطمة: بغيت نهضر معاك فواحد الموضوع مهم
سي براهيم: خير انشاء الله اش كاين
فاطمة: ( لي جات الموضوع نيشان) اوا غدا راه بغيتك تمشي معايا نديو زمرد ل عند الطبيب
سي براهيم(لي تخلع ): علاش مالها اش واقع
فاطمة: اوا قالت ليك كتحس بالحريق كيجيها وهادي اول مرة توقع ليها و أنا قلت ليها حتى الغدا ونديوها نشوفو البنت مالها
سي براهيم: ايه اييه انشاء الله حتى الغدا ونمشيو نعسي تصبحي على خير

~أصبحنا وأصبح الملك لله☉☉~

بطلتنا لي فاقت كتكسل مشات نيشات الحمام دارت روتينها صباحي وقضات حاجتها عوتاني نفس الحريق حسات بيه

هبطات التحت لقاتهوم كيفطرو سلمات عليهوم وجلسات حتى هي تفطر

لالة فاطمة بقلق: كيف بقيتي ابنيتي ؟
زمرد: شويا اماما حمد الله

بقاو كيفطرو وهوما كيتبادلو أطراف الحديث حتى سالاو

سالاو فطور زمرد لي طلعات نيشان ل غرفتها باش تلبس عليها حوايجها باش يمشيو يشوفو الطبيب

سالات هبطات لقاتهوم كيتسناوها خرجو شدو طاكسي نيشان لعند طبيب..

وصلو بعد ريع ساعة

ممرضة الاستقبال: اش حب الخاطر
سي براهيم: جينا على قبل بنتي مريضة
ممرضة تتشوف فيهم: جيتو بتلاتة بيكم على قبلها هي؟؟
فاطمة: راه بنتي!! شنو نخليها تجي بوحدها؟

ممرضة مرگات

سي براهيم مخنزر: الطبيب كاين؟؟
ممرضة: آه! خليها معايا تعطيني المعلومات لي نقيدهم و نتوما تسناو فقاعة الانتظار لي تما

فاطمة و سي براهيم مشاو و خلاوها مع الممرضة لي قيدات داكشي..

ممرضة: صافي شكرا سيري تسناي حدا واليديك..

وصلات نوبة ديال زمرد الممرضة نعتات ليهوم فين غرفة الطبيب  ومشاو دقو دخلو لقاو طبيب جالس بطابليتو البيضة ونضارات على عينيه..  لقاو التحية وجلسو

طبيب مستغرب معرفش شكون فيهم لي مريض

الطبيب: واش بثلاتة مراض؟؟
سي براهيم: لا اولدي جينا على قبل بنتي
الطبيب: مالكي شنو عندك؟

زمرد يلاه غتجاوب قاطعاتها الام

فاطمة: فيها الحريق حشاك لتحت و عظامها تيضروها
سي براهيم دارشاف فيها مخنزر: لا حول ولا قوة الا بالله

فاطمة خنزرات فيه

الطبيب: صافي هادشي لي عندك أختي؟

زمرد حركات راسها بالايجاب

طبيب بابتسامة: آنسة تفضلي معايا ل غرفة الفحص زمرد لي تبعاتو و حتى واليديها معاها هاجمين بتلاتة بيهم للغرفة لي كانت صغيرة
الطبيب: راه تقدرو تسناوها برا حتى تسالي
سي براهيم: غير خلينا هنا راه هي لي عندي

الطبيب تنهد معرف شنو يقول.. أما زمرد طلعات فوق السرير و الطبيب كيقلبها..(طونسيو السكار دقات القلب الخ...)

فاطيمة: امدرا اشنو كاين
طبيب: حاليا باقي متأكدنا من واحد الحاجة، خاصنا نديرو ليها تحاليل عاد باش نقولو ليكوم اشنو واقع

عطاهم ورقة ديال التحاليل لي خاصها دير و متسناوش ديك الساعة داورها لمختبر التحاليل و دارتهم

سي براهيم: وقتاش غيخرجو؟
ممرض لي فالاستقبال: رجع ليهم غدا فالصباح تاخدوهوم و ميكون باس نشاء الله

ستأدنو من طبيب وتمو خارجين راجعين فحالاتهوم

فاطمة لي يالاه دخلات وهيا تسمع دقان فالباب مشات حلات وهيا تبان ليها ساره صديقة ديال زمرد

ساره: اهلا خالتي كيدايرا لاباس عليك
فاطمة: لاباس ابنتي كتسولي على زمرد
ساره: اه اخالتي واش كاينة؟
فاطيمة: اه دخلي راها فبيتها

دخلات ساره مدرمة لبيت عند زمرد لا سلام لا كلام

زمرد لي كانت بغات تبدل حتى سمعات الباب تحل دارت وهيا تلقاها صاحبتها

ساره: افين ازمرة كاع مبنتي ليا من البارح في غابرا
زمرد : والو غير عيانة اساره
ساره: علاش مالك

زمرد عاودات ليها كلشي...