حب نتيجة خطأ طبي

الجزء الثامن و الستون

حب نتيجة خطأ طبي
#بارت68♡♡

وصلها منصف ل الدار وهو مشا لخدمتو ،لقات غير رانيا لي جالسة فالجردة بوحدها ملي سولاتها على ماماها ولالة الياقوت قالت ليها رانيا بلي خرجو ابدلو الجو حيت شحال هذا مخرجو ولالة الياقوت بطبعها معندهاش مع الخروج بزاف غير مرة مرة ولي خصاتها توصلها حتى ل الدار...

دخلات زمرد الفيلا طلعات لبيتها تحيد عليها حوايجها وترتاح...

اما رانيا لي غير جالسة وهازا تيليفون كتبقا طل عليه غبر من البارح مبقا صيفط ليها والو كتفكر واش زعما كيتسناها تجيب ليه الفلوس ولا قرر يعطيها التيساع ولا اشنو....
رانيا:افففف هدا مالو شنو زعما...يكون... لا لا باينة مغيعطينيش التيساع بهاد السهولة شي حاجة كاينة تما عنداك غير اقرر يصيفط تصاور حيت تعطلت عليه...اففف(طلع ليها الدم افكارها مخربقين)

محسات غير بشي حد تلاح حداها فوق الكنابي
رانيا لي نقزات شادا فقلبها من هاد الخلعة
دارت لقاتو معاذ..

رانيا(بزعاف اصلا طالع ليها دم)؛اففف امعاذ بقا دير الحس...رجعات جلسات كتقاد فشعرها وعاقدا غوباشتها ميلات فمها ب طريقة طفولية...

معاذ جابت ليه الضحكة:ههههه مالك رانيا غير تهدني مغيبقاش ابرزطك كوني هانية(كيهضر وكيشوف ردة فعلها كفاش غتكون..

رانيا:علامن كدوي نتا؟ ؟؟
معاذ:امم كنهضر على إلياس ..

رانيا ضورات راسها عندو بالزربة كتساءل كفاش هدا عرفها...
رانيا:اممم احم شنو شنو كتقصد..
معاذ(بجدية):رانيا راني عارف كلشي عارف بلي داك شماتة كيهددك ب تصاورك وبلي باغيك تعطيه الفلوس..
رانيا:وكفاش نتا عرفتيها؟؟
معاذ: مكيهمش كفاش عرفتها...
رانيا:(كتهضر وكتغبن):افف عرفتي دبا هو قاليا الا معطيتوش 5 دالمليون غينشر تصاوري و الا مشاو حتى شافهم شي حد من عائلتي مشيت فيها..

معاذ كيشوف فيها كفاش كتهضر وتميل فمها وترد شعرها مورا ودنيها...كاع التفاصيل ديالها كيجذبوه معرفش علاش..
معاذ:متخافيش راه صيفطو فين يتربا ومسحت تصاورك من عندو...

رانيا هزات فيه راسها بسرعة وعينيها موسعاهم و فيهم واحد اللمعة كتعبر على فرحتها و ابتسامة عريضة مزينة شفتيها...
رانيا:واش بصح بصح يعني كيف درتي ليها اشنو وقع ليه(شافت فيه بشك)ياك مدرتي ليه شي حاجة ولا هيييييي (حطات يديها على فمها) ياك مكتون قتلتيه هضر...

معاذ ضحكاتو كفاش كتهضر فاللول فرحانة منبعد شويا شكات فيه دبا اسحاب ليها بلي قتلو...
#يتبع....