حب نتيجة خطأ طبي

الجزء المئة و الثاني عشر

حب نتيجة خطأ طبي
#بارت112♡♡

مشاو جلسو قدامو فالبيرو كيتسناوه اهضر اشرح ليهم لاش جايبهم لهنا...

معاد:منصف اش واقع واش كاين شي مشكيل واقعا شي حاجة ؟؟؟

منصف:زمرد مخطوفة..
معاد وامجد لي سمعوها بقاو غير كيشوفو مفهمو والو..
امجد: ولكن باش عرفتيها؟!
منصف: شفت واحد الكاميرا كانت حدا الفيلا بانت ليا بلي تخطفات ولكن من زهري الكاميرات خسرو مقدرتش نشوف شنو وقع من اللول...

معاد: وشكون اقدر اكون زعما؟ واش شي واحد كنعرفوه
منصف: داكشي فاش لقيتيني كنفكر...

هضر هاداك راجل لي جابو معاهم محقق فبحال هاد القضايا...
عبد الرزاق(رجل فالتلاتينات من عمرو شاد فراسو محقق فالقضايا ديال إختطاف): سي منصف نتا قلتي بلي الكاميرات خسرو يعني ميمكنش لينا نلقاو شي دليل من خلال الكاميرات خاصنا نفكرو كتر المدام زمدر واش عندها عداوة مع شي حد اولا نتا واش عندك مشاكيل مع شي واحد؟؟

هضر امجد بعفوية: اوهوووووه خويا راه ماشي غير الأعداء لي عندو..

محا فين يكملها حتى عطاه معاد ركلة لرجلو وضربو بواحد تخنزيرة زعما سد فمك...
امجد بلع لسانو وسكت كيفكرو اش غيديرو فهاد الحريرة...

منصف: غندير كل ما جهدي ونلقاها وخا تكون ف آخر الدنيا غنلقاها 5 هادي وهي مخطوفة كيف غتكون حالتها انا غنلقاها بيدي و هادا لي دار هاد الفعلة غير اترحم على راسو من دبا...

هز سوارت اللوطو ديالو وخرج اما امجد ومعاذ بقاو غير كيشوفو فبعضياتهم...

امجد: غير الله يحضر السلامة وصافي بان ليا منصف ناويها بصح..
معاذ: تانا داكشي لي بان ليا الله يحفض وخلاص...

عند منصف لي ركب فاللوطو عفط عفطة وحدة موقف غير قدام الفيلا هبط تمشا ناحية الفيلا نيشان للبيت عند ماماه وفطريقو تلاقا مع الممرضة لي جابو لفاطيمة باش تقابلها... سولها على حالة فاطمة واش كاينين شي تطور ولكن للاسف قالت ليه حالتها باقي هي هي...

مشا للبيت دخل عند ماماه لقا رانيا متكية فوق الفوطوي حاطة يديها على خدها كتخمم سمعات حس الباب طلعات عينيها بان ليها منصف داخل تقادات فالجلسة هو لي مشا جلس جنب ماماه كيشوف فيها ب اسف..

رانيا: خويا واش كاين شي خبار على زمرد ؟
منصف: مخطوفة هادشي لي عارف هاد ساعة...
رانيا : ومعرفتوش شكون دار هاد الفعلة اجي ياكماااا...

منصف شاف فيها مضيق عينيه وقال: هضري شنو كاين واش عارفة شي حاجة ،
رانيا: احم بغيت نقول زعما ياكما ديك سيلفيا لي دارتها ولكن منضنش...

#يتبع...