حب نتيجة خطأ طبي

الجزء الثاني و الأربعون

حب نتيجة خطأ طبي
#بارت42

زمرد:ااا احم.. اه!! زعما لي بغيتي ماشي مشكيل

لالة الياقوت: صافي انا غندير ليكم عرس معتبر كلشي غيهضر عليه

منصف جاه الملل عارف مو الا مشات حتى هضرات مكتسكتش ولكن معندو ميدير كتبقى ماماه خاصو يشد بخاطرها

منصف: اوكي الواليدة لي بغيتي...

ناض كيقاد فلافيست ديالو حتى هضرات معاه ماماه

لالة الياقوت: فين غادي؟؟
منصف: غادي للشركة

و مشا متسوق لحد...

و رجعو كيتحدثو كيحاولو يتعرفو على زمرد كثر و كتر اما رانيا دخلات ليها زمرد لخاطرها دغيا تحلات ليها (اصلا هي لي جا تحل ليه🙂) بقاو كيتعرفو على بعضياتهم حتى جبدات الياقوت واحد الموضوع..

لالة الياقوت: اوا ابنتي مقلتيش لينا فيناهما واليديك؟؟

زمرد بمجرد سولاتها هاد السؤال تلاشات الابتسامة ديالها مبقات عارفة باش تجاوب و اشنو غتقوليها ليها!!

بلي جرا عليا بابا من دار و ولدك سكني عندو فالدار!!! بقات مضاربة مع الافكار ديالها حتى وقف عليهم سي محمد لي جاها من الجنة و الناس..

سي محمد: اوا خليو البنت تمشي ترتاح كترتو عليها و لا لا هه
لالة الياقوت: ااه عندك الحق سمحي لينا ابنتي
زمرد:ااا احم لا زعما ماشي مشكيل عادي..
لالة الياقوت: ها الخدامة غتوريك البيت منصف فين جا سيري معاها ارتاحي بينما وجد العشا
زمرد: اه وخا...

عيطات الياقوت على الخدامة لي جات هزات صاك زمرد و تمات غادا توريها البيت ديالها

وصلاتها الخدامة حلات الباب حطات صاك و خرجات من بعدما قالت ليها "لي خاصاتك غير قوليها ليا متحشميش و انا نجيبها ليك حتى لعندك!!"...

دخلات زمرد البيت ديال منصف لي مع الدخلة ضرب فيها واحد البارفان رجولي بامتياز قدر اتسلل لاعماق قلبها..  سدات عينيها كتستنشق فيه حتى وعات على راسها عاد حلاتهم.. بقات كتسارى فالبيت لي من التصميم ديالو و الالوان الغامقة لي غالبة عليه عرفاتو بلي ديال منصف (وخا قالت ليه لالة ياقوت بيت منصف مرداتش معاها لبال و نسات بلي هي مزوجة) زائد تصاورو لي معلقين فالحيط

زمرد تتكتاشف الغرفة لي كبيرة قدها قداش و فيها بالكون كيطل على الجهة التانية من الحديقة...

#يتبع