حب نتيجة خطأ طبي

الجزء المئة و الثالث و العشرون

حب نتيجة خطأ طبي
#بارت123♡♡

منصف: اممم يزيد يزييد بلاتي تسنا...

مشا دخل الواتساب دخل كتب سمية يازيد وطلع ليه الواتساب ديالو وجاب الله كان حاط فيه تصويرة ديالو دخل ليها وهو يوسع عينيه...

معاذ: واااش هدا يزيد يزيد هاداك لي عندو شركة
منصف لي عرفو اصلا وعقل عليه مزيان حيت كيتسمى هاد يزيد هو المنافس ديالو فالخدمة شحال من مرة حاول اخسر ليه شي صفقة وشحال من مرة حاول اخرب ليه خدمتو ولكن عمرو قد عليها...

منصف: اه هو ولكن اش جابو لهنا...

دخل بلاصة الميساجات قلب عليه لقا آخر مساج يزيد لي صيفطو وكان مكتوب عليه..

" ردي بالك لا منصف يوصل لزمرد ويعرفها فين كاينة مبغيتش تاشي غلط اسيلفيا اوكي"

معاذ غير قراه عينيه تحلو على جهد... اما منصف لي غير شافو طلع ليه دم ولا كيسوط دخان من نيفو كان شاك بلي سيلفيا عندها يد ولكن يزيد عمرو فكر فيه...

منصف:(بين سنانو) يزييييد يززيد غنندمك غنندمك على نهار لي فكرتي تقيس فيه مراتي يا الحيوان...
معاذ: منصف تهدن ماشي وقت تعصب دبا خاصنا نعرفو زمرد فين كاينة..

خدا معاذ تيليفون من يدين منصف ورجع بالميساجات اللور كاع باش افهم اشنو كاين..

بقا غادي غادي مطلعوش ليه بزاف ديال الميساجات ولكن واحد المساج طاحت عليه عينيه لي مقدش اتيقو..

كان مساج من عند يزيد" من هنا 10 دقايق هزي باباك وخرجي من الفيلا من هنا شويا العافية غتشعل"
معاذ لي بقا مصدوم مقدرش اتخايل بلي هادي سيلفيا لي عمرو ضن فيها هادشي وخا كان عارفها مزيان ولكن باش تحاول تحرق دار على قدها بالناس ديالها مخمماتش العواقب وبلي اقدر شي حد توقع ليه شي حاجة...
معاذ: منصف شوف..

منصف دور عينيه التيليفون لي كان قدام عينيه.. بدا كيقرا فالميساج كلما قرا كلمة كلما لون عينيه كيولي حمر... مزير على سنانو حتى عروق وجهو برزو... وبدون سابق إنذار هز البيسي لي قدامو حتى السما وخبطو مع لارض...

منصف: سيييليفااااااااا اااع غنندمكم كااااملين غننندمكككم..
معاذ: منصف كالمة اصاحبي تهدن..
منصف: كففااششش غنتتهدنن اممم كفاااش سييمااانة وناااكننقلب علىى هداااا لي خطفهاا باش فالاااخيرر نلقاااه حدايا خدااام معااايا كيبيدق فيا سيمااانةةة ونااااا كي الحمقق مخليييت فين قلللبت وللكن ديرر فباالك غنندمها على اااي حاااجة دااارت علىىى الخطف ديالها لزمرد.... وعلى ماما وخااالتي فاطمة لي ناعسين كووومة بحال الميتين انا غنندمها هي ودااك شماتة لي سميتو يزيد...

معاذ: عارف عير تهدن هاد العصبية معندها باش تنفعك دابا خاصنا نخدمو عقلنا باش نعرفو البلاصة لي هي مخطوفة فيها نلقاوها بعدا ديك ساعة دير لي عجبك...
منصف: بغيتك تصيفط ليا رجال حدا دارو بغيت كاع التحركات ديالو يوصلوني وزمرد خاصني نلقاها فاقرب وقت...

منصف لي هز تيليفونو صونا لهداك الراجل لي خلاه حاضي سيلفيا وقاليه بلي ملاحض منها والو منين خرجات من الريسطو مشات لدارها...

قطع عليه الاتصال وهو زعفان ولكن حالف حتى يلقاها صافي دبا عرف شكون خطفها مبقا ليه والو...

هادو هما الاجزاء ديال اليوم البنات نتمني نلقا تفاعلكم وتعليقاتكم مكرهتش نشوف اشهاراتكم فالكروب باش نزيد نتحمس💔 مهيم عطيوني آراءكم واش منصف اقدر إلحق زمرد ويعتها واش زمرد غتكون بيخير ولا غتوقع ليها شي حاجة؟؟ وسيلفيا شنو غيكون مصيرها؟
موعدنا غذا نشاء الله تصبحون على واقع اجمل💓❤💋