حب نتيجة خطأ طبي

الجزء المئة و الثالث و الثمانون

حب نتيجة خطأ طبي
#بارت183♡♡

سعيد: سارة كنمسعك منين كتعرفي داك السيد وعلاش مد عليك يديه..

سارة: والو ابابا راه غيكون غير شي واحد حمق وصافي واصلا راه ديكلاريت بيه وهو دبا مشدود..

سعيد: سارة هضري...

سارة(بارتباك) احم كنعرفو منين كنت فالمغرب كيجي لزمرد صاحبتي خو راجلها وصافي وانا وياه مكنتحاملوش هادشي لي كاين..

سعيد: متأكدة مكتكدبيش؟!

سارة: وصافي ابابا والله مكنكدب راه قلت ليك غير لي كاين..

سعيد: اه وشنو غديري واش غادي تخليه تما..

سارة(بملل): اوا صافي غدا ولا بعدو تلقاه خرج هاداك راه عندو نفوذ وعائلتو معروفة مصعيباش عليه اخرج من تما... نخليك راني قارية فالعشية..
ناصت هزات صاكها جمعات فيه الكتوبة لي غادي تحتاج سلمات على باباها ومشات خرجات شدات طاكسي لافاك..

فالمغرب..
عند زمرد جالسة فبيتها وفيديها طابليت مركزة معاه كتختار لأشمن جامعة غادي تنتاقل طبعا منصف لي قالها ليها باش اوجد ليها كاع داكشي لي غادي تحتاج باش تبدا قرايتها فأسرع وقت..

بعد مرور شهر 🌼
فباريس قدام الحبس واقف امجد عاقد الغوباشة كيتسناهم اجيبو ليه طموبيلتو حتى تسمع صوت تيليفون لي عطاه المحامي كيصوني...
هزو لقا نمرة منصف تردد فاللول باش اجاوب ولكن شافو مصر وبقا كيصوني وهو يجاوب..

امجد: الو..

منصف: كيجاتك هاد شهر درتي فيها عقلك ولا لا.. تعلم اولدي ترجل ومتبقاش تحط يديك على النسا و على الحاجة لي ماشي ديالك...
امجد لي فهمو شنو بغا يوصل ليه غير من هضرتو.. غمض عينيه شحال عاد حلهم .

امجد: نتا كنتي باغي تخليني محبوس غير باش ندير عقلي.. متخافش درت عقلي ومزيان ولكن نتا كان بإمكانك تخرجني ومتخلينيش مشدود ولكن انت مكنطلب منك والو صافي..

قطع عليه منصف من بعدما سالا هضرتو.. عند امجد لي باين عليه العيا غير من وجهو لي شاحب.. علاش لا وهو شهر كاملة مشدود سارة لي حلفات متسحب الشكوة ديالها.. اما منصف لي حلفها فالمحامي ميخرجو من الحبس باش يتعلم من الأخطاء ديالو لعل وعسى فالحبس ادير عقلو حيت ولا كيدير شي فعايل ديال البراهش..
جابو ليه طموبيلتو ركب فيها مكسيري وهو فخاطرو كيتحلف عليها باش ارد ليها دقتو...

فالمغرب عند زمرد..

لي يالاه داخلة مم الباب ديال الجردة لابسة سروال سليم بيض مع شوميز فالكحل و سبرديلة حتى هي كحلة وطالقة شعرها على راحتو وفيديها صاك لي فيه كتوبتها...
فهاد المدة لي دازت لقات احسن جامعة تقيدات فيها و منصف لي مكلف ليها بكلشي رجعات لقرايتها كتحاول تفهم كاع دروس لي فاتوها وتركز كتر...

دخلات الجردة دورات عينيها على غفلة كيبان ليها منصف جالس وقدامو معاذ و جوج اشخاص خرين كانت السكرتيرة و واحد الراجل اخر وقدامهم بزاف ديال الوراق خدامين وبيسي قدام منصف مركز عليه ممشاش الشركة وقال ليهم اجيو للدار باش اخدمو على راحتهم..

زمرد لي كتشوف غير فديك السكرتيرة لي جالسة وكدير شي تصرفات لي باينة باغي تجدب بيهم الانتباه ديال منصف.. بقات كتشوف حتى عيات عارفة ميمكنش ليها تمشي عندهم وهي دخل الدار...

#يتبع...