حب نتيجة خطأ طبي

الجزء المئة و السادس و العشرون

حب نتيجة خطأ طبي
#بارت126♡♡

تسمع دقان فالباب كانت الفرملية لي جات تقوليه راه جات امبيلونص باش انقلو فاطمة ل الكلينيك... مشا منصف عندها الغرفة لقاهم يالاه كيهزوها وكيهزو معاها حتى دوك الأجهزة ديال الضغط والقلب...

هزوها فباياص مخرجينها الجردة فين كانت لمبيلونص.. دخلوها وتمو غاديين اما منصف لي تبعهم بطموبيلتو امشي اطمن عليها وفين غيحطوها ويتأكد بعينيه بلي هي بيخير( عزيزة عليه نسيبتو مسكين🙂)....

مدازش بزاف ديال الوقت حتى وقفو حدا واحد السبيطار كبير جا وسط المدينة... هبطوها ومنصف واقف عليهم حتى دخلوها لغرفتها كانت غرفة نقية مهوية فيها كاع الأجهزة لي غتحتاج بطبيعة الحال ميهتمو بيها ومنصف مخلصهم زبالة الفلوس( الفلوس كيصنعو العجب🙂)...

حطوها فوق السرير ركبو ليها السيروم وهي كيف الميت مجايبا خبار قادو ليها الجهاز ديال القلب وعطاوها واحد البرا تقاد ليها الضغط ديالها حيت هي دبا فاقدة الوعي متقدر تشرب حتى دوا...

منصف لي شاف كلشي مقاد قلب الدورة ومشا راجع للفيلا....

أصبحنا وأصبح الملك لله🌼

صبح صباح جديد بأحدات شاااخضة لي نخليكم نتوما تعرفو عليها...

نرجعو للديبو فين محبوسة زمرد..
مربوطة فوق الكرسي بحال ديما وراسها مهبطاه الأرض وجهها لي باين عليه التعب كتر من القياس صفرة مبقاش فيها الدم ريقها نشف بغات غير جغمة ديال الما ملقاتهاش...

سمعات الباب تحل والضو ضرب فعينيها مقدراتش تحلهم حيت شحال هادا مشافت الضو مسجونة بمعنى الكلمة..

تقدم عندها واحد العزي غليض قدو قداش.. هاز فيدو بلاطو فيه الماكلة متاكل وقرعة الما بأمر من الشاف ديالهم يزيد لي قاليهم اعطيوها تاكل...

جبد واحد الكرسي جلس مقابل معاها هز ليها راسها...

الشخص: هييه نتي هزي راسك كي غندير نوكلك...

بقا كيعطيها تاكل وهي ممنعاتوش حيت فيها جوع كتر من القياس..
الشخص: كولي كولي اقدر تكون هادي آخر مرة دوقي النعمة هههه
زمرد: ش ششنو كت قصد نن نتا ككفاش
الشخص: هاكي شربي مبقا ليك والو وتفهمي...

عطاها شربات وهز داكشي وخرج..

مخلي زمرد لي فعقلها 100 سؤال ماليه جواب..
زمرد: شنو غيكون قصد هدا كفاش آخر مرة ندوق النعمة ياكما غيقتلوني هىىئئ هئىى اويلي لا مبغيتش نموت هئى فينك امنصف علاش مجيتيش تديني هئئىى هئئىى واش نسيتيني... بقات كتبكي حتى رجع ليها عقلها وقالت: اقدر اكون قصد بلي مغيبقاوش اجيبو ليا الماكلة... اويلي ازمرد اش كتخربقي...
بقات مجمعة مع راسها كي شي هبيلة هادي هي الطريقة باش كتخرج لي فقلبها...

نمشيو لمكان آخر فواحد البلاصة مبعيداش بزااف حدا ديبو كان جالس يزيد قدامو واحد الشخص...

يزيد؛ مغيوقع حتى غلط ياك...

....: لا مغيوقع والو هادي ماشي اول مرة ههه

يزيد: صافي اليوم غنطرقو هاد المسمار ومنبعد ندوزو ل التالي...(ضحك بشر فرحان لهادشي لي غيدير)

هز قرعة ديال الشراب كب ليه و لهاداك لي قدامو...
يزيد: ساعتين لي بقات..

#يتبع...