حب نتيجة خطأ طبي

الجزء المئة و السابع و الثلاثون

حب نتيجة خطأ طبي
#بارت137♡♡

داز الوقت وهاهما وصلو قدام الفيلا.. زمرد لي هبطات كدور عينيها فأرجاء المكان حيت هاد الفيلا عمرها شافتها...
زمرد: واش تحولتو لهنا؟؟
منصف: اه معجباتكش!
زمرد: لا بالعكس زوينة... يالاه خلينا ندخلو توحشت نشوف العائلة..

منصف دغيا ملامح ديال وجهو تبدلو..:اه زيدي..
تمو داخلين وزمرد كدور عينيها وتستكشف الدار حتى بانت ليها كنزة كتمشا..
زمرد:خالتي كنزة...

كنزة لي سمعاتها ودارت شافتها مشات عندها دغيا..
كنزة(عنقاتها): اهلا بنتي مرحبا بيك فدارك توحشناك بزااف...
زمرد بادلاتها العناق: حتى انا اخالتي توحشتكم...
كنزة:ميبقاش فيك الحال هادي هي سنة الحياة والموت علينا حق الله يرحمها مسكينة فاطمة كانت ضريفة...

زمرد غير سمعاتها بعدات عليها بالزربة كتشوف فيها باستغراب وصدمة...
زمرد: كك كفاش كفاش الله يرحمها.. مال ماما شنو وقع ليها (شافت فمنصف) هضرو
منصف لي غير كيسمع كارز على يديه اه كان غيقولها ليها ولكن ماشي بهاد الطريقة...
منصف: زمرد اجي معايا نهضرو..
زمرد بعصبية: لا امنصف طلقني.. خالتي كنزة اشنو كتقصدي بهاد الهضرة...
كنزة(باستغراب): م ماماك ابنتي واش مفخباركش بلي ميتة؟؟
منصف: مي كنزة صافي غير سكتي..

زمرد عينيها خارجين بالصدمة وجملة ماماك ميتة كتردد فمسامعها باباها مات ودبا ماماها شكون بقا ليها؟ هي واش صافي حتى ماماها لي كانت ليها سند وام واخت اب.. لقات فيها كاع داكشي لي غتحتاج متقبلاتش كفاش ماتت؟؟؟

منصف:زمرد... زمرد كتسمعيني...
زمرد تترعد: مننصف كفاش ماما ماتت هئىىىئ علاش ماتت هئىىئ علاش خلاتني هئىىئ كتكدبو عليا ياك(كتهضر وكدور فراسها بمعنى لا) ميمكنش ليها تمشي وتخليني هئىئئ بغيتها فيناهيا هئىئ علاااااش علاااش ماااتت هئئىىى اربيييي علاااااااش....

طاحت الأرض كتبكي وتشهق دموع الم كيهبطو من عينيها دموع كيدلو على الوجع والألم لي كتحس بيه فقلبها باغة تخرج كاع داكشي لي كتحس بيه...
منصف تحنى عندها يهزها من الأرض ويحاول يهدنها...

منصف: زمرد نوضي مديريش فراسك هكا نوضي...
زمرد تتبكي بحرقة: هئىىئ علاش مشات وخلاتني مامااااا هئئئىئ لمن بقيت انا لا ام لا أب هئىئئ علاش كيوقع ليا هادشي هئئىئ علااااااش!!
منصف:انا معاك ازمرد يالاه حاولي تهدني...
زمرد بعصبية: بعد منييي!! هئئئى كفاش غنتهدن هئئئىى ماما لي بقات ليا ماتت هئئىىى...

على إثر البكاء ديالها رانيا وامجد سمعوها و جاو.. زمرد فحالة كتبكي ومنصف كيهدن فيها اما كنزة لي شادة فمها كنحاول تكتم البكى ديالها.

تقدمات رانيا كتشوف فزمرد لي غارقة فدموعها.. اما امجد لي غير كيشوف مينكرش بلي بقات فيه حيت هادشي لي دازت منو ماشي سهل... موت الاب ديالها.. نهار عرسها مكملش والاختطاف لي تعرضات ليه ودبا موت ماماها..!!

رانيا تتبكي بقات فيها زمرد: خالتي كنزة اش واقع واش قلتو ليها بلي ماتت؟
كنزة بحزن: اه ابنتي لساني لي دارها ليا انا لي قلتها ليها.. مكانش عليا نهضر..
رانيا: خالتي كان خاصها ضروري تعرف نتي مدرتي والو فآخر المطاف راه مغنبقاوش مخبين عليها..

#يتبع...