حب نتيجة خطأ طبي

الجزء الأربعون

حب نتيجة خطأ طبي
#بارت40♡♡

زمرد: الله يستر هادا مالو معقد ميقولش جملة مقادةا! ولا
...كن واش دبا هادا ولا راجلي مفهمتش و الا كان غير على لوراق لاش عاطيني هاد الصداق؟؟

جاتها غريبة كلمة راجلي اول مرة تقولها و تحس بيها دبا هي ولات مرات الراجل قدام الناس لكن الزواج غير على الورق كيفما فسر ليها منصف

شافت حتى عيات هزات داك تيليفون لقاتو ايفون آخر مكاين بقات غير حالا فمها فيه كان بداك اللون موف كيبري حلاتو لقات فيه نمرة مأجوطية ب "منصف"

زمرد لي نطقاتها بين شفايفها بشوية "منصف"

بقات كتبقشش فيه نسات گاع الفطور لقاتو داير ليها الكونكسيون دخلات نيشان قيدات نمرة ديال سارة لي حافظاها.. صونات عليها و هي تجاوب فالبلاصة

سارة:الو؟؟
زمرد بابتسامة: سارة هادي انا زمرد لاباس عليك؟؟
سارة: حمد الله ؛حسن نيت ملي صونيتي اش داكشي سمعت البارح واش مزوجة بلا خباري؟ و من ايمتى و نتي مزوجة؟
زمرد: من نيتك راه انا براسي مكان فخباري والو
سارة بعدم فهم: كفاش مكان فخبارك والو
زمرد: و غير سمعيني بعدا.. دبا انا كنت جالسة معليا مبيا حتى قاليكوم بلي راه مزوجني و راه حنا ممزوجين ما والو و هاد الصباح......

عاودات ليها كلشي

سارة: هادشي فشكل كيفاش غير جا و قال ليك نتزوجو؟
زمرد: تانا مفهمتش و قال ليا فالعشية غنجي نديك ؛ واقيلا لدارهم
ساره: احم زمرد بغيت نقوليك واحد الحاجة
زمرد: وي قولي
سارة: علاش متلاقايش مع خالتي فاطمة مسكينة و دوي معاها تقدر تكون باغا تقوليك شي حاجة اصلا هي مدارت ليك والو؛ فنضرك كون حاولات تقنع باباك باش ميجريش عليك زعما كان غيسمع منها؟!!

زمرد سكتات مدة حيت فعلا عندها الحق هي عارفة باباها الا مشا حتى قال كلمتو مطيحش الارض

زمرد: بسلامة اسارة دبا حتى نسالي و نعاود نصوني ليك

قطعات عليها و باقة كتفكر فهضرة سارة حتى سمعات الباب تحل داخلة كنزة و فيديها لي صاشي فيهم التقدية.. ناضت زمرد عاوناتها هازة معاها داكشي الكوزينة باش يقادو كلشي فبلاصتو

تعاشات العشية♤♤

عند زمرد
لي كانت فالبيت جالسة و معاها كنزة لي فخبارها كلشي حتى صونا تيليفونها لقات نمرتو جاوبات

زمرد: الو
منصف: أنا لتحت
و هو يقطع عليها ؛ هزات زمرد صاكها سلمات على كنزة بالاحضان حيت قالت ليها بلي غترجع لدارها عند ولدها.. هبطات لقاتو جالس فاللوطو ديالو طلعات حطات صاكها اللور و مكسيري نيشات متوجه الفيلا ديال عائلتو..

فالفيلا 💒

كانت جالسة لالة الياقوت هي و رانيا كيتحدثو..

لالة الياقوت: اجي نتي كتعرفي هاديك لي مزوجها منصف؟
رانيا: لا اماما بالعمى انا مكان فخباري والو!!
لالة الياقوت: العجب عمري توقعتها منو
رانيا: مكيونش زعما تزوج ضدد فسيلفيا
لالة الياقوت: لا منصف مدايرش هكاك ماشي من داك النوع انا لي عارفاه اصلا سيلفيا خرجها من حياتو.

باقين كيدويو حتى بان ليهم منصف داخل مع البوابة ديال الفيلا...

#يتبع...