حب نتيجة خطأ طبي

الجزء السادس و الخمسون

حب نتيجة خطأ طبي
#بارت56♡♡

جلسات زمرد وحداها فاطمة مقابلة معاهم سارة لي غير كتشوف فيهم..

سارة:ماما بغيتك تعاودي ليا كلشي، كفاش مات بابا؟ وشنو وقع ملي مكنتش انا؟
فاطمة: واخا ابنتي غنعاود ليك كلشي...

زمرد سكتات باغا تسمع لماماها

فاطمة: نهار مشيتي خرجتي من الدار دازت يوماين وصلاتنا بلي كاين غلط فنتائج التحاليل(كدوي والدموع فعينيها) منبعد قررنا نقلبو عليك ملي علمنا الشرطة الغد ليه قالو لينا بلي شدوك شي كاميرات حدا البحر...
زمرد(عاضة على شفايفها كتحاول تخبي دموعها):اهه و منبعد
فاطمة:ملي مشينا نشوفو بنتي لينا لحتي راسك البحر و حنا يسحاب لينا بلي متي، قلبو على الجثة ديالك ملقاوهاش على اساس كلاها الحوت هئئئى(مقدراتش تحكم شهقتها)
زمرد باستغراب: و مبانش ليكم بالكاميرا بلي منصف تلاح موراي؟
فاطمة: لا حنا ديك الساعة كنا كنشوفوك غير نتي ملي لحتي راسك مبقات كتهمنا حتى حاجة خرا
زمرد: امم كملي.
فاطمة: باباك ملي شافك لحتي راسك مقدرش يتحمل و جاتو جلطة قلبية هئئئ و مات.
زمرد عينيها عمرو بالدموع: يعني هو مات بسبابي هئئ ياك اماما بابا مات بسبابي هئئى(تلاحت فالحضن ديال ماماها كتبكي) هئئئئ يعني كون انا ملحتش راسي مكانش هئئئ هئ مكانش غيموت هو مات بسبابي انا.

سارة لي كتشوف وتحسر على حالة صاحبتها معندها ليها جهد.

فاطمة: لا لا ابنتي متقوليش هكك نتي مدرتي والو وصل الأجل ديالو ومات نتي معندك حتى ذنب
زمرد: هئىهننهئ هو مات بسبابي انا هئئئ علاش مشا وخلانا علاش هئىىىئ باقي متسامحت معاه باقي مسمعت كلمة راني راضي عليك ابنتي من فهو هئئئ هىنننى علاااش

فاطمة غير كتشوف و تبكي قطعات ليها بنتها ف قلبها حيت هي عارفة بلي كلشي اقدار ومكاتيب و زمرد حملات راسها الذنب.... بقات كتبكي حتى تفشات عينيها تورمو بالدموع ولاو حومر ومنفوخين راسها عاطيها صداع من كثرت البكا مقدراتش على فراق باباها حتى كتقول بلي كلشي غيتقاد وغترجع تشوف ماماها وباباها ولاكن للأسف.... القدر كيلعب لعبتو والموت علينا حق كاملين..

ناضت مشات دخلات لبيت نعاس واليديها توحشات تشم ريحتو حلات الماريو ديالو هزات منو واحد تريكو ديالو تكات راسها على المخدة كتشم فيه كتحاول تخايل باباها حتى داها نعاس....

كانت الساعة 4 ديال العشية زمرد يالاه فايقة راسها عاطيها صداع منبعد كاع داك البكا لي بكات،فاقت لقات راسها باقي شادة تريكو باباها طواتو ورجعاتو لبلاصتو فالماريو وخرجات كتمشى جارا صندالتها عند ماماها الكوزينة لي كتقاد فالكوتي...

#يتبع...