حب نتيجة خطأ طبي

الجزء المئة و الخامس عشر

حب نتيجة خطأ طبي
#بارت115♡♡

يزيد: غنخرج منك هاد طولت اللسان لي فيك ...

مشا وخلاها بلاصتها هكك دم كيسيل منها تا حد متسوق ليها...

زمرد: هئىئ هئئى منصف هئىىى منصف فينك علاش خليتيني هنا هىئى اجي عتقني عافاك هىىئئ...

سمعها واحد من الرجال لي تما..
هضر داك راجل: هيييه سكتينا نتي شحال فيك ديال الصداع منصف منصف... فين مسوق ليك كون كان فعلا تسوق ليك كون جا ولقاك شحال هدا...

زمرد سمعات هاد الهضرة وعاد مزادت فوتيرة البكاء واش بصح يكون نساها ومكيقلبش عليها؟؟ واش بصح اكون ممسوقش ليها واش فعلا هاد السيد عندو الحق؟ زعما تكون بصح مكتعني ليه تا حاجة وهي املها الوحيد ف منصف كتسناه اجي يعتقها من بين يدين هاد الوحوش... هاد الاسئلة كاملة كيدورو ف دماغها وهي عاد مزايدة فالبكا ولكن عندما يقين بلي غتخرج من هنا بأي طريقة ميميكنش ليها تبقا محبوسة هنا كفاية هاد الفترة لي بقات تما لا حنين لا رحيم مغتقدرش تبقا تما كتر من هكا... بالها كامل مع نهار عرسها لي وقع فيه داك الحريق.. كتفكر واش شي واحد تأذى كتفكر واش ماماها بيخير واش واقعة ليها شي حاجة كتخمم فمنصف ياك متكون وقعات ليه شي حاجة ولات كتمنى غير تخرج وتلقا كاع عائلتها بيخير صافي...

بقات كتبكي حتى شافت دموع معندها باش انفعوها عيطات لواحد من الرجاا لي كانو تما مجموعين على طابلة ديال القمر....

زمرد: هيه نتا...
ضار شاف فيها: اشنو بغيتي عوتاني نتي واش مكتقادايش بلا بلا بلا...

زمرد: عافاك بغيت نهضر فالتيليفون...

شافو فيها كاملن وطلقوها بواحد الضحكة نطق واحد من بيناتهم: واش نتي مكلخة ولا شنو ياك ميسحاب ليك نازلة عندنا هنا فاوطيل تبتي بلاصتك باركة من قوة الهضرة مبغيتش نسمع مزال صوتك...
زمرد:عافاك اخويا عافاك بغيت نسول فماما ياك متكون واقعة ليها شي حاجة عافاكم واش نتوما معندكمش لا رحمة لا شفقة فداك القلب واش معندكومش مواتكم اخافو عليكم معندكمش ولادكم الله يرحم بيها الواليدين (شافت فيهم بعينيها مغرغرين)...

بقاو كيوشوفو فيها شحال ولكن معندهم ميديرو ليها خدمتهم هاديك الا مشاو حتى عطاوها شي حاجة شاف ديالهم غيصفيها ليهم..

...: حنا معندنا مندير ليك الا مبغيتيش تجيبيها فعضامك تبتي بلاصتك حسن مكاين لا تيليفون لا طابليت..

زمرد شافت حتى عيات وهي تحني راسها بآسى عرفات راسها طاحت بين بنادم اولا نقولو وحوش ما فقلبهم لا رحمة لا شفقة وخا طلب فيهم حتى تعيا معندها متصور منهم...

نرجعو عند منصف لي خدا واحد الفران سيك قدام دار سيلفيا...
نزل كيتمشا بكل شموخ حتى واحد مهضر معاه عارفينو مزيان...
دخل الجردة دور عينيه بصدفة كتبان ليه سيلفيا كتعوم فلابيسين لابسة غير دوبياس(بيني وبينكم دايرا بحال عواد سوشي🙂)

مشا جيهة لابيسين وقف عليها حط يديه بجوج فجيبو كيتسنا فست الكل امتا طلع عندو...

#يتبع...