حب نتيجة خطأ طبي

الجزء المئة و الثالث و الخمسون

حب نتيجة خطأ طبي
#بارت153♡♡

نرجعو الفيلا عند رانيا لي جالسة فبيتها هازة بيسي فيديها مركزة مع قرايتها حتى تسمع صوت شي واحد ضرب فالبالكون ديال البيت ديالها قرنات حجبانها وناضت تشوف شكون ضرب...
حيدات ريدوات وحلات البيبان مبان ليها حد مشات طلات التحت فالجردة وهي توسع عينيها على حدهم...

راينا(بصوت منخافض) اوييييلي اش كدير نتا هنا
معاذ: وخليني غير ندخل بعدا
رانيا كدور فعينيها لايشوفها شي حد: واش نتا تصطيتي واش مشفتيتش داك نهار اش دار منصف...
معاذ: والله وماحليتي منتحركش ليك من هنا ولي بغا يشوف يشوف...

رانيا شافت حتى عيات فاللخر شافت بلي ميمكنش ليها تحل ليه الباب ..
رانيا: معاذ غير سير فحالك عافاك
معاذ: رانيا انا جاي نهصر معاك ضروري وخاصني نمشي...
رانيا: اففف دخل من البالكون يالاه
معاد(شاف فيها ديك شوفة ديال منيتك): وكي بغيتيني ندير ليها بالسلامة؟؟
راينا: راه البالكون قريب طلع مع ديك شجرة ومنبعد شد فالحديدة ودخل..
معاذ: واخا الالة هاحنا غنشوفو هادشي ديالك فين غيوصل..

داكشي لي دار طلع مع واحد شجرة كانت مورا بين راينا حتى وصل للحديدة ديال البالكون شد فيها ودار رجليه على الحيط وبقا معافر معاه بزز باش طاح فالبيت جا طايح على كرشو...

رانيا: نوض نوض يا الموصيبة نتا كتقلب تاكل شي قتلة ديال العصى هاد الليلة وغتشركني معاك حتى انا...

معاذ: مالك نتي مرعودة غير بوحدك منصف واقيلا مكاينش مبانتش ليا طموبيلتو...

رانيا: ودخل بعدا هاد هضر...
جراتو الداخل سدات الباب ديال البالكون دوزات ريدوات ومشات سورتات الباب عاد تهنات...
معاذ بقا غير حاضيها بحال إلى غيسرقو...

معاذ: اجي نتي راه مغنسرقوش مالك خايفة وإلى كاع حصلنا اش غيوقع.؟!

رانيا: لا نتا حماقيتي مفيهاش... هضر هضر شنو باغي بالزربة...

معاذ دار شهيق زفير وهضر بالزربة...

معاذ: رانيا انا من شحال هادي مخبي عليك هاد الهضرة ديما كنقول حتى الوقت المناسب ولكن صافي كنضن بلي هدا هو الوقت... المهيم رانيا انا كنبغيك ومن شحال هادي مخبيها عليك وداك نهار فاش قلت بلي غنجيب واليديا نخطبو راه مكدبتش إلى نتي موافقة نجيبهوم من غذا اش قلتي...

رانيا بقات غير حالة فمها وترمش بعينيها كان المنضر ديالهم بجوج كيضحك...
رانيا: ك كفاش مفهمتش..
معاذ(ساط بغيض): اشنو لي مفهمتيش كنبغيييييك واش صعيبة!!!
رانيا: ولكن ولكن امعاذ...

قبل متكملها مد يديه شد ليها فيديها بجوج عندو وحنا راسو لعندها مركز فيها شوفة...
معاذ: رانيا نتي متقولي والو دبا فكري على راحتك انا غنبقا نتسنى الجواب ديالك مزربانش وديري فبالك بلي انا مكنتفلاش عليك ارانيا انا كنبغيك..

#يتبع....