حب نتيجة خطأ طبي

الجزء العاشر

سي محمد لي شاف الامور بين الام و بنتها متوترة ناض مسح فمو

سي محمد: نخليكوم غنمشي للشركة نشوف الخدمة كي غادا (شاف فولدو) نوض حتى نتا زيد تمشي معايا
امجد( خو البطل عمرو 27 زهواني من بنت ل بنت عكس خوه ولكن عائلتو عزيزة عليه و معمرو قلل الاحترام مع واليديه أولا مع خوتو): وخا الواليد هاني جاي..

امجد غمز رانيا و ناض من بلاصتو تابع باه و هو تياكل

لالة لياقوت: عنداك توحل ليك!!

أمجد دار ليها اشارة كلشي هو هداك و خرج

رانيا: علاش اماما مخليتينيش نمشي ل لافاك؟ مفهمتش؟
لالة الياقوت مخنزرة: اه! باش تلقاي ليا مع هاداك خونا عوتاني
رانيا ب ارتباك: اا شكون هادا اماما
لالة الياقوت: صحاب ليك معارفاش اش كديري؟ مصاحبة ليا مع برهوش ومن الفوق مخلياه يتلمس فيك كيفما بغا !!
رانيا: ماما ولكن..
لالة الياقوت قاطعاتها: مكاين ما ولكن غادي تفراقي معاه ولا ميعحبك حال
رانيا كتغبن: ولاكن اماما انا كنبغيه
لالة الياقوت بعصبية: إنا حب هادا اممم واحد ماشي من المستوى ديالنا و كون غير كان كيبغيك بعدا
رانيا: ماما هوا راه كيبغيني و مواعدني بزواج...
لالة الياقوت بنفاذ صبر: اشمن زواج يا الحمارة!! راه غير كيستاغلك ونتي كي البهلة متيقاه
رانيا: ولكن....
قاطعاتها ماماها بالغوات: متبقاااايش تزااايييدي معاااياااا فالهضرة غتفاااارقي معااااه هيااا غتفااارقي!! ولا راااه والله وتوصل هاد الهضرة ل خوتك حتى يقتلوك و يشربو من دمك.. يالاه بيتك!!

طلعات رانيا ل بيت وهي معاجبها حال.. دخلات هزات تيليفون وصونات ل إلياس( صاحبها)

رانيا بصوت أنثوي: الو شيغي توحشتك
إلياس: حتى انا امتى نقدر نشوفك؟
رانيا بحزن: ماما منعات عليا الخروج و قالت ليا نتفارق معاك أولا غتقولها ل خوتي
إلياس بإرتباك: اه!! و شنو غديري واش غنتفارقو؟
رانيا: طبعا لا انا كنبغيك ومنقدرش نخليك
إلياس: حتى انا ا حبيبة ، شوفي كي ديري غدا بغيت نشوفك
رانيا: اوكي يالاه باي...

*فبلاصة خرا *

عند منصف لي خرج من المستشفى من بعد ماخدا ورقة ديال التحاليل ديال ومشا ل صيدلية باش يشري دوا لزمرد.. و من بعد اتاجه لدارو فين مخليها

وصل قدام الباب جبد سوارت و حل دخل لقا دار كاع شراجم ديالها مسدودين تقول مساكن فيها حد دخل الكوزينة لقاها مرونة بلي كيقلب عليها حل الباب ديال اللول ملقاهاش حل تاني لقاها ناعسة مكمشة ف فراشها..

زمرد غير سمعات الحس فاقت دارت لقاتو قدامها مربع يديه ومتكي على الباب خلعها

زمرد: نننتا؟!
منصف حط ليها دوا فوق الكوافوز: هاهو دوا ديالك بقاي تاخديه فالوقت المناسب..
زمرد: وخا

خرج من عندها و من الدار كاملة و خلاها مستغربة.. ناضت و غير حطات رجليها فالارض شداتها الدوخة جلسات مدة حتى فاتت عاد تاجهات لكوافوز هزات الدوا لي معرفاتوش ديالاش.. كانو ادوية ديال لحريق و شي دوا ديال الحساسية خلاتهم تماك و خرجات من لبيت لطواليط.. غير سالات مشات للكوزينة لي تتشطح و مرونة قلبات على شنو تاكل هزات باش طيب لقات لماعن كلهم مسخين و هي دير بناقص شربات غير لما..