حب نتيجة خطأ طبي

الجزء المئة و الرابع و السبعون

حب نتيجة خطأ طبي
#بارت174♡♡

وصلو لتحت مشاو قصدو واحد الطابلة كبيرة مجموع فيها العائلة لي منهم إياد ومامات معاذ وزينب وحفصة وحتى الياقوت وسي محمد جالسين مجموعين حتى لحق عليهم منصف وزمرد...

منصف لي كحز كرسي لزمرد جلسات هي...

منصف: إياد وخا تجي معايا بغيت نهضر معاك واحد شويا...
إياد: اه واخا...

لالة الياقوت:فين غاديين والعرس يالاه بادي..
منصف: غنهضر معاه شويا ونرجعو...
داكشي لي كان خرجو دراري لبرا حيت القاعة فيها صداع ديال ديدجي مغيقدروش اهضرو براحتهم..

إياد لي واقف كيتسنى منصف اهضر لاش بغاه...

منصف: كنت قلت ليك داك نهار فالخطوبة دوز عندي للشركة ياك .

إياد: اه جيت عندك قالو ليا مكاينش ونا نرجع....

منصف: اه كانت عندي شي خدمة برا الشركة مساليتش.. شنو درتي نتا مزال فقضية الخدمة واش باقي ملقيتي والو؟؟

إياد: لا باقي ملقيت والو وحتى الى بغيت ندير شي مشروع راك عارف شنو وقع ليا...

منصف: انا لقيت ليك واحد صاحبي عندو شركة يالاه بدا كيأسس فيها باقي جديدة ولكن مقدرش اكملها حيت خاصو امشي على برا ولدو مريض وخاصو علاج.. وقلت الى بغيتي نتا تكلف بيها كمدير عام تكبرها وتخدم عليها وإلا بعيتي كاع هو مستعد ادخل معاك النص بالنص وتوليو شركاء هكا غادي ضمن بلي خدمتك مغتمشيش غير هكك

إياد(بتفكير): اممم معرفتش صراحة عطيني شويا دالوقت من هنا لغدا ونرد عليك...

منصف: غير متنساش بلي فرصة بحال هادي مخاصهاش ضيع الخدمة جات حتى لعندك...

إياد: نشاء الله يكون خير... يالاه ندخلو...

داكشي لي دارو دخلو الداخل لي كان الديدجي مطلوق على الجهد وشي جالس شي كيشطح والعريس والعروسة مقابل معاهم المصور كيلتاقط ليهم صور لعرسهم والنكافات دايرين بيها كيقادو ليها تكشيطتها اما زمرد لي جالسة هازة تيليفونها كتصور عجبوها الاجواء بزاف وغير مقال ليها راسها تصور باش تصيفطهم لرانيا...
باقي كتصور حتى حسات بتيليفون طار من يديها دغيا غوبشات شكون هدا لي يقدر يهز ليها تيليفونها من يديها بهاد الطريقة.. طلعات عينيها بان ليها منصف لي واقف حادر راسو على تيليفونها كيدور فالتصاور لي تصورات كيمتع عينيها بيهم...

زمرد: اشنو كدير..؟
منصف: كنشوف تصاور ماشي من حقي؟!
زمرد: ااه احم لا غير..

قاطعها منصف بهضرتو..
منصف: إمكن ليا نتصور معاك؟
زمرد(بإستغراب وفنفس الوقت حشمات): معايا،
منصف: ماشي من حقي نتصور مع مراتي ولا شنو..

زمرد لي حشمات وضهرات ابتسامة خفيفة على شفايفها.. منصف جرها من يديها قربها لعندو شادها من خصرها مزير عليها هز تيليفون قابلو معاهم بجوج وهبط راسو لزمرد...

منصف: ضحكي!!
زمرد لي سمعاتو دارت ابتسامة وحتى منصف لي بتاسم واحد الضحكة ساحرة لدرجة زمرد فبلاصة متركز فالتصويرة ولات مركزة فيه غير هو.. والضحكة باقي على شفايفها...
التاقطو تصويرة ليهم بجوج جاتهم غزالة ومع الاضواء ديال العرس لي ضايرين بيهم عاد مزادت تصويرة وضاحت كتر وكتر زمرد لي باينة عليها فرحانة وضاحكة اما منصف لي مكانش أقل منها فرحان لختو لي غادي دير العرس وفرحان فنفس الوقت لعلاقتو مع زمرد لي بدات كتصلح شويا بشويا وخا زواجهم باقي مكملش ولكن مباغيش اقرب منها حتى تكون هي باغاه وتوطد علاقتهم..

منصف لي شاف تصويرة عجباتو مشا نيشان صيفطها ليه وبعد على زمرد ملي شاف شي بنات جايين جيهتها...
مشا جيهة رجال وسمع نوتيفيكاسيون وصلاتو فالتيليفون عرف غتكون تصويرة مشا حل تيليفون هز ديك تصويرة حطها فالخلفية ديال تيليفون وخا كان ديجا داير تصويرتها ولكن دبا عجباتو تصويرتهم بجوج...

عند زمرد لي وقفات شادة تكشيطتها فيديها وشي بنات حداها كانو شي وحدين صحابات رانيا من لافاك وشي بنات من عائلة كتعرفهم واقفة مجمعة معاهم شويا جروها مشاو دخلوها وسط منهم وبداو يشطحو ويصفقو ميمكنش اطلق الشعبي ويبقاو واقفين بلاصتهم.. اما منصف لي غير مخنزر جاب الله دخلات وسط منهم مكتبانش بزاف اما كون مشا جرها وجلسها بلاصتها بزز...

#بتبع...