حب نتيجة خطأ طبي

الجزء المئة و الرابع و الخمسون

حب نتيجة خطأ طبي
#بارت154♡♡

كلمة كنبغيك بقات كتردد فودنين رانيا اما لسانها تسرط مبقاتش هضرات حتى زعزعها معاذ..
معاذ: رانيا سمعتيني؟
رانيا: ااا اه اه سمعت دبا سير لايجي منصف...

معاذ شاف فيها مطول شحال وقبل ميمشي طبع قبلة خفيفة على خدها القبلة لي خلات رانيا تزنك وحنيكاتها يتوردو...
مشا معاذ حل البالكون بقا كيشوف شحال وهو ينقز تحت انضار رانيا لي مراقباه حتى بان ليها كيتوجع باينة تقصح شوية...
رانيا: ويلي هدا غير هبيل هاهو جابها فراسو هههه

ضحكات عليه ومن المنضر لي ولا فيه كيبان بحال شي مراهق..
معاذ دار شاف فيها لقاها كضحك عليك..
معاذ: كضحكي!!! وخا غير بلاتي عليك.

ودار مشا فحالو كيعرج ويدور فعينيه فالجردة.. اما رانيا لي دخلات البيت سدات الباب وتسندات عليه كتحس بقلبها كيضرب غيخرج من بلاصتو والابتسامة واضحة على وجهها...
رانيا: ناري مال قلبي غيسكت وعلاش انا فرحت!! زعما نكون حتى انا...؟ لا لا اويلي ارانيا نعلي شيطان.. نمشي نكمل الحفاضة ديالي حسن ليا...

مشات رجعات هزات البيسي ديالها وعقلها خدام كيحلل ويناقش فالهضرة لي قاليها معاذ وشنو غادي تقوليه وباش غادي تجاوبو...

نخليو رانيا ومعاذ ونرجعو عند منصف لي باقي واقف مسند على طموبيلتو حس بالوقت مشا ودار يمشي فحالو ديك الوقفة حدا البحر معندها باش تنفعو... مشا ركب سيارتو ورجع من نفس الطريق لي جا منها قاصد الدار ديال زمرد ميقدرش يخليها اما بوحدها...
مدازش الوقت بزاف حتى وصل حدا دار لقا زنقة خاوية وضو باقي شاعل فالبيت عند زمرد واضح بلي باقي فايقة...

قرر ميهبطش يمشي يرجع عندها بقا مراقبها غير من طموبيلتو لي سكتها وسد شرجم ديال طموبيل دار القب على راسو وخشا يديه فجيابو وعينيه على البيت ديالها...

عند زمرد لي جالسة مكمشة فناموسيتها بحال شي بيبي وتصويرة قدامها كتشوف فيها ودموع كيهبطو من عينيها..
تصويرة لي كان مصور فيها باباها وماماها وزمرد منين كانت صغيرة كانو عائلة صغير وزوينة...

زمرد: ماما هئئ هئ كون كنتي معايا كنتي غتوريني الصح من الغلط اماما هئئى ونتا ابابا كنتي غتشد ليا فيدي هئئ وتقول ليا ديري فاش نتي مرتاحة ابنتي هئئىى هئئى ودبا شكون غيوريني الطريق صحيحة شكون غيقول ليا بلي هادشي لي كديري ماشي مزيان هئئى هئئ انا بقيت بوحدي اماما هئئ علاش مشيتي وخليتيني مشيتو بجوج هئئ خليتوني بوحدي هئىئ هئئىى

بقات كتبكي وتهضر بصوت عيان مخلط بالبكية والشهقات لي كيخرجو ليها هي فعلا تالفة معارفة مدير معرفاتش واش هادشي لي كدير صحيح ومعارفاشواش هي غالطة ولا لا وبزاف ديال الحوايج محتاجة لي ينصحها ويوقف جنبها تفكرات صاحبتها سارة لي مشات تكمل قرايتها برا عاد مزادت فوتيرة البكاء...

#يتبع...