حب نتيجة خطأ طبي

الجزء الواحد و الأربعون

حب نتيجة خطأ طبي
#بارت41♡♡

باقيين كيتحدثو حتى بان ليهم منصف داخل مع البوابة ديال الفيلا ، نزل من طموبيل واقف كيتسناها تنزل حتى هي.. نزلات عندو قربات منو بخطى تابتة و بدون سابق انذار شابك يديه مع يديها
زمرد طلعات فيه عينيها بصدمة و تحاول تحيد يديها و لكن والو مزير ليها على يديها وكلات امرها لله و تبعاتو هو لي كيتمشى ناحية مو و ختو ، وصلو و لالة الياقوت غير كتشوف فزمرد و تبتاسم فرحانة حيت اخيرا ولدها تزوج و حتى زمرد جاتها على الگانة عجباتها..

ك
جلس منصف و جلسات زمرد حداه حانية راسها حشمانة حيت هي بين ناس مكتعرفهمش

لالة الياقوت: سلام بنتي لاباس عليك
زمرد باقة حانية راسها و خدودها حمارو بالحشمة: لل لاباس اخالتي و نتيي؟
لالة الياقوت: ههه!! متحشميش حسبينا من دبا عائلتك
زمرد : شكرا
لالة الياقوت: شنو سميتك؟
زمرد: زمرد سميتي زمرد

نقزات رانيا

رانيا: سميتك زوينة انا رانيا ههه
زمرد: متشرفين

منصف جاه اتصال و ناض من حداهم وقف جهة لابيسين عاطيهم بالضهر.. جا امجد جار فاليز ديالو بحيت غيسافر لفرنسا بخصوص الخدمة حتى كيتفاجأ بهاديك البنت لي الليل كامل و هو كيفكر فيها سلبات ليه عقلو من اول نضرة متوقعش يشوفها هنا و لكن قال بلي غتكون صديقة ديال رانيا حيت شاف كفاش رانيا جالسة حداها و ًكضحك باينة مرتاحة ليها

قرب امجد حداهم و نطق

امجد: الواليدة بسلامة عندي الطيارة من هنا ساعة
لالة الياقوت عنقاتو: بسلامة ا ولدي طريق السلامة

و رانيا كذلك عنقاتو حتى هي

وصل عند زمرد مد ليها يديه بقات شحال كتشوف عاد مدات يديها حتى هي..

أمجد بقى شاد يديها مساخيش يطلقها مكرهش يبقى كيتحسس فملمسها الرطب و لكن نعل الشيطان و تقاد فالوقفة

امجد: احم بسلامة عليكم

سلم على منصف عناق رجولي عاد مشا.. اما منصف رجع و جلس معاهم حاط رجل على رجل كيف ديما..

لالة الياقوت: اوا أ منصف معاودتيش ليا امتى و كفاش تعرفتو؟

منصف تأفأف مفيه لي يبدا يكدب عوتاني و هو اعدا حاجة عندو هو الكذوب

اما زمرد ضاربة طم معندها متقول اصلا تا هي باقي معارفة حتى كفاش تزوجات..

منصف: اشنو باغة تعرفي الواليدة ؟

نقزات رانيا عاوتاني: عاود لينا ا خويا كفاش تعارفتو واش كنتي كتبغيها؟ و فين شفتيها بالضبط؟ و علاش؟ امتى تزوجتي بعدا ؟؟

نغزاتها لالة الياقوت حتى جمعات لسانها حيت مسكتاتش من الأسئلة ، اما منصف خنزر فيها و مجاوبهاش

منصف ببرود: شفتها بغيتها و تزوجتها !!
لالة الياقوت: و لكن اولدي علاش مقلتيهاش لينا على الاقل نديرو شي عرس نفرح بيك نتا راه ولدي لبكر
منصف تنهد: الزواج و تزوجت العرس بلاش منو!
لالة الياقوت بحذة: انا قلت ليك غيدار العرس هي يدار ميمكنش ولدي الكبير تزوج بلا عرس بلا خطوبة اش غيقولو عليا الناس صافي هضرة وحدة!!! ياك حتى نتي أ زمرد باغة ولا لا!!
زمرد توثرات: اااا احم اه!! زعما لي بغيتيها ماشي مشكيل...
#يتبع...