حب نتيجة خطأ طبي

الجزء الواحد و الثمانون

حب نتيجة خطأ طبي
#بارت81♡♡

لالة الياقوت بعصبية: و شنو بغيتي نقول ليهم؟ بلي بين ليلة و نهار تزوجتي و بلا خبارنا معرفناه تقليدي و لا عصري و زايدها معارفين حتى اصلها و فصلها، هادشي لي بغيتيني نقول...؟!

زمرد اتر هاد الجملة حسات بالدل و الإهانة، كفاش قالت عليها معندهاش اصلا و هي معارفاش اصلا مناش دازت و الضروف لي خلاوها تزوج بمنصف... حسساتها معندهاش كرامة.. زمرد خنزرات فيهم كاملين و تخطاتهم متاجهة للفيلا و الدمعة فطرف عينيها... اما منصف زادت عصباتو كتر ما هو مصعب.

منصف محمر فماماه: الوالييييدة اش درتي..
لالة الياقوت بندم: و الله ا ولدي مقدصت شي....

منصف خلاها و تمشا تابع زمرد... اما رانيا لي بقات كتشوف فماماها معرفات متقول هي عارفة ماماها مزيان عمرها كانت انانية غير اللسان مفيه عضم كي كيقولو...

لالة الياقوت بندم: فاطمة ختي! و الله مقصدت نقول شي حاجة راه غير زلقات ليا...
فاطمة تنهدات: عارفة لي كاين عارفة...

نرجعو الفيلا

عند زمرد لي دخلات لغرفتها حيدات الطالون بزعفة و جلسات فطرف الناموسية كتفكر فهضرت لالة الياقوت... حتى سمعات الباب تحل طلعات عينيها لي فيهم لمعة ديال الدموع لقات منصف لي داخل بهدوء...

منصف بصوت رجولي طاغي عليه البرود: زمرد... متديش على هضرة الواليدة راه...

قاطعاتو زمرد:هي عندها الحق اه عارفة عندها الحق فكلشي...
شاف فيها منصف باستغراب: كفاش عندها الحق؟  مفهمتش...
زمرد: بصح نتا تزوجتيني و معارف عليا والو من غير انك نقدتيني من الانتحار يعني ماماك عندها الحق فكلشي نتوما معارفين لا الاصل ديالي لا والو...
منصف: بالعكس انا عارف كلشي و عمرني درت شي حاجة ممتأكدش منها
زمرد طلعات فيه عينيها: شنو عارف..؟
منصف: المهيم عارف عليك كلشي و هاد الهضرة لي نتي كتقولي فيها انا لي خاصني نقولها حيت نتي لي معارفة عليا والو ماشي انا اوكي... (تنهد) و دبا نساي ديك الهضرة لي قالت ليك الواليدة حيت هي هكاك دايرة الا تعصبات مكتبقاش عارفة اش كتقول...

و خرج مخليها كتسأل غير بوحدها..

زمرد: واش هادا هدا هكا داير؟ ميعطي لبنادم حتى راس الخيط ؟ يخخ... متسناني حتى نجاوبو و نقول ليه اش عندي...

ناضت دخلات تبدل عليها و تخوي راسها من هاد الافكار لي كيدورو فيه... نرجعو لتحت فالصالون لي جالسة فيه فاطمة و رانيا و لالة الياقوت لي ندمانة على ديك الهضرة لي قالت...
حتى كيبان ليها منصف هابط...

لالة الياقوت متوثرة: منصف ولدي واش زمرد باقي مقلقلة مني؟
منصف بهدوء: الواليدة ديك الهضرة لي قلتي مكتقالش..

#يتبع...